រាជធានីភ្នំពេញ ៖ អ្នករត់តាក់ស៊ីម្នាក់ដឹកម៉ូយតាំងពីខេត្តពោធិសាត់ មកដល់ភ្នំពេញ ត្រូវបានប៉ូលីសចរាចរណ៍ចាប់ឃាត់ ភ្ញៀវភ័យនាំគ្នាចុះចេញអស់អត់បានលុយមួយរៀល ដោយយោងទៅតាមខ្សែរវីដូរអូគ្លីបមួយដែលត្រូវបានគេបង្ហោះកាលពីថ្ងៃទី ០៥ ខែ តុលា ឆ្នាំ ២០២០ ដោយក្រុមនគរបាលចរាចរណ៍មួយក្រុមបាននាំគ្នាស្ទាក់ចាប់រថយន្តតាក់ស៊ីព៌ណសមួយគ្រឿង ដែលមានដឹកភ្ញៀវ ពេញក្នុងមួយរថយន្ត ពីខេត្តពោធិសាត់ មកកាន់រាជធានីភ្នំពេញ ។
ដោយបានបង្កការភ័យខ្លាចទៅដល់អ្នកដំណើរជិះក្នុងភ័យនាំគ្នាចុះចេញអស់ ដោយមិនទាន់បានប្រមូលលុយរៀល ហើយត្រូវបានរថយន្តមកស្ទូចយកកទៅកន្លែងទៀតនោះ និងត្រូវបានអ្នកលេង លើបណ្តាញសង្គមហ្វេសប៊ុកមានការហួសចិត្តទៅ និងចំណាត់ការរបស់ក្រុមមានសមត្ថកិច្ចមួយក្រុមនេះយ៉ាងខ្លាំងផងដែរ ។
ដោយយោងទៅតាមបុរសអ្នកបើកបររថយន្តតាត់ស៊ីខាងលើបានប្រកែកជាមួយនិងកម្លាំងនគរបាលចរាចរណ៍មួយ ក្រុម នោះថា ពេលដែលរូបគាត់បើកបររថយន្តឆ្លងកាត់ភ្លើងស្តុបនោះ គឺភ្លើងខៀវនៅលេខ ៣ និងដោយសារតែមានរ៉ឺម៉កកង់បីមួយគ្រឿងបើកបត់ខាងមុខទើបធ្វើអោយគាត់យឺតយ៉ាវបែបនេះ ដោយមិនបានខុសទៅនឹងភ្លើងស្តុបឡើយ។រាល់ដង គាត់តែងតែបង់លុយចំនួន ៥ពាន់ជានិច្ច នៅពេលបើកគូទខាងក្រោយ ថែមទាំងធាក់ឡានរបស់គាត់មួយជើងចំឡាន គាត់ទៀត ។
ក្នុងពេលនោះដែរកម្លាំងនគរបាលចរាចរណ៍ក៏បានធ្វើការចោទប្រកាន់បុរសអ្នកបើកបររថយន្តតាក់ស៊ីម្នាក់នោះថា បានបើកបំពានភ្លើងស្តុប និងមានបំណងបើកបុកកម្លាំងពួកគាត់ទៀតផង ។ ក្នុងពេលដែលឈ្លោះប្រកែកគ្នារវាងនគរបាលចារចរណ៍ និងបុរសអ្នកបើកតាក់ស៊ីខាងលើនោះទំនងជាកើតមានឡើងនៅតាមបណ្តោយផ្លូវព្រះមុនីវង្ស ហើយត្រូវបានអ្នកដំណើរថតបង្ហោះលើបណ្តាញសង្គមហ្វេសប៊ុក ធ្វើអោយមានការភ្ញាក់ ផ្អើលយ៉ាងខ្លាំង និងមានមតិយ៉ាងច្រើនធ្វើការរិះគន់ចំពោះចំណាត់ការរបស់កម្លាំងមានសមត្ថកិច្ចមួយក្រុមនោះផងដែរ ៕
ចែករំលែកព័តមាននេះ