សេដ្ឋកិច្ចនិងទីផ្សារការងារមានការផ្លាស់ប្តូរយ៉ាងខ្លាំងព្រោះតែការផ្ទុះជំងឺកូវីដ ១៩។ ប្រសិនបើអ្នកស្ថិតក្នុងចំណោមមនុស្សដែលកំពុងព្យាយាមរកប្រភពចំណូលថ្មី អ្នកមិនទាន់អស់សង្ឃឹមទាំងស្រុងទេព្រោះឱកាសរកលុយនៅតែមានដូចធម្មតាក្នុងពេលបច្ចុប្បន្ននេះ។ខាងក្រោមគឺជាវិធីសាស្ត្ររកលុយក្នុងកំឡុងពេលផ្ទុះជំងឺកូវីដ ១៩ ដែលអ្នកអាចពិចារណាលើបាន៖
១. អាជីវកម្មដែលកំពុងដំណើរការល្អ
អាជីវករមួយចំនួនបានសម្របខ្លួនទៅនឹងការផ្លាស់ប្តូរ និងងាកទៅផ្គត់ផ្គង់ផលិតផលតាមតម្រូវការថ្មីៗរបស់អតិថិជនដូចជាម៉ាស់ និងអាល់កុលលាងដៃជាដើម។ ប៉ុន្តែក្រៅពីផលិតផលចាំបាច់ទាំងនេះហើយ អាជីវកម្មថ្មីៗផ្សេងទៀតក៏បានដុះចេញដែរក្នុងផ្នែកមួយចំនួនដូចជា ការអប់រំអនឡាញ ការកម្សាន្ត និងការដឹកជញ្ជូនជាដើម។
២. លក់សម្ភារៈដែលអ្នកមាន
សម្ភារៈច្រើនពេកអាចប៉ះពាល់ដល់ការផ្តោតស្មារតីរបស់អ្នកទៅវិញទេ។ ដើម្បីកាត់បន្ថយការខ្ជះខ្ជាយពេលវេលាធ្វើការសម្រេចចិត្ត អ្នកអាចកាត់បន្ថយជម្រើសដែលអ្នកមានបាន។ ហើយការធ្វើដូច្នេះថែមទាំងអាចជួយរកថវិកាបន្តិចបន្តួចឲ្យអ្នកវិញទៀតផង។
៣. ចែករំលែកជំនាញរបស់អ្នក
តើអ្នកស្ថិតក្នុងចំណោមមនុស្សដែលមានជំនាញដែលកំពុងមានតម្រូវការខ្ពស់ទេ? ព្រោះតែកូវីដ ១៩ កន្លែងការងារកាន់តែច្រើនបានងាកមកអនុម័តការធ្វើការពីចម្ងាយដែលជួយបង្កើនឱកាសការងារសម្រាប់មនុស្សដែលជំនាញច្បាស់លាស់។ ក្រៅពីបង្កើនប្រភពចំណូលមួយហើយ វាក៏អាចជួយឲ្យអ្នកបង្កើនបទពិសោធន៍ការងារខ្លួនបន្ថែមផងដែរ។
៤. រៀបចំចំណាយនិងចំណូលឡើងវិញ
ប្រសិនបើអ្នកកំពុងមានពេលទំនេរចោល អ្នកមិនគួរអង្គុយចុចទូរស័ព្ទដោយគ្មានប្រយោជន៍ទេ។ វាអាចជាឱកាសល្អមួយក្នុងការពិនិត្យមើលចំណាយ និងចំណូលរបស់អ្នកឡើងវិញដើម្បីដឹងថាអ្នកកំពុងតែខ្ជះខ្ជាយលើអ្វីឬអត់។ លើសពីនេះទៅទៀត វាអាចជួយឲ្យអ្នករៀបចំផែនការច្បាស់លាស់សម្រាប់ថ្ងៃអនាគតផងដែរ ៕
ចែករំលែកព័តមាននេះ