ខេត្តសៀមរាប ៖ បើតាមការអះអាងពីលោកវរសេនីយ៍ឯក ជី បេងជន អធិការដ្ឋាននគរបាលស្រុកក្រឡាញ់បានឱ្យដឹងនៅព្រឹកថ្ងៃទី៥ តុលា នេះថា ព្រះចៅអធិការលម្ពិនីល្បើកចន្លោង ក្នុងពេលព្រះអង្គនិមន្តឆ្លងថ្នល់…
ខេត្តសៀមរាប ៖ បើតាមការអះអាងពីលោកវរសេនីយ៍ឯក ជី បេងជន អធិការដ្ឋាននគរបាលស្រុកក្រឡាញ់បានឱ្យដឹងនៅព្រឹកថ្ងៃទី៥ តុលា នេះថា ព្រះចៅអធិការលម្ពិនីល្បើកចន្លោង ក្នុងពេលព្រះអង្គនិមន្តឆ្លងថ្នល់ ដើម្បីកាក់រថយន្តឮជិះត្រឡប់ទៅខេត្តសៀមរាបវិញ ក៏ត្រូវរថយន្តបុកបណ្តាលឱ្យសុគត ភ្លាមៗនៅលើផ្លូវជាតិលេខ៦ ត្រង់ចំណុចចន្លោះគីឡូម៉ែត្រលេខ ៣៦៣-៣៦៤ ស្ថិតនៅភូមិត្រពាំងច្រាំង ឃុំក្រឡាញ់ ស្រុកក្រឡាញ់ខេត្តសៀមរាប កាលពីវេលាម៉ោង ១៨និង១៥នាទីល្ងាច នាថ្ងៃទី ០៤ ខែតុលា ឆ្នាំ២០២០ ។
ប្រភពបន្តថា ម្ចាស់និងរថយន្តត្រូវបានកម្លាំងជំនាញចុះដល់កន្លែងកើតហេតុធ្វើការឃាត់ខ្លួនបានភ្លាមៗផងដែរ រួចនាំយកមកធ្វើការសួរនាំ ព្រមទាំងវត្ថុតាង រក្សាទុកនៅអធិការស្រុក ដើម្បីដោះស្រាយទៅតាមផ្លូវច្បាប់។
លោកបានបញ្ជាក់ទៀតថា អ្នកបើកបររថយន្តដែលកម្លាំងយើងឃាត់ខ្លួនបាននោះ ឈ្មោះ សំ ធី ភេទប្រុស អាយុ៥៦ នៅភូមិតាស្ដា ឃុំតាស្ដា ស្រុកសំពៅលូន ខេត្តបាត់ដំបង ក្នុងទិសដៅពីកើត ទៅទិសខាងលិច បើកបររថយន្តម៉ាក Revo ពណ៌ស ពាក់ផ្លាក់លេខ បាត់ដំបង ២.C-០០១៧ ។ ដោយឡែក ព្រះសង្ឃដែលសុគត ព្រះនាម គៀង សាង សុធា ព្រះជន្ម៦៨ព្រះវស្សា គង់នៅវត្តចន្លោង សង្កាត់ស្រង៉ែ ក្រុងសៀមរាប ខេត្តសៀមរា ខណៈពេលបញ្ជូនទៅដល់ពេទ្យ។
បច្ចុប្បន្ន ជនបង្កត្រូវបានកម្លាំងជំនាញរៀបចំកសាងសំណុំរឿងបញ្ជូនទៅតុលាការ ដើម្បីចាត់ការបន្តតាមផ្លូវច្បាប់។ ចំណែក វត្ថុតាងកម្លាំងជំនាញយើងបានយកមករក្សាទុកនៅអធិការដ្ឋាននគរបាលស្រុកក្រឡាញ់ ដើម្បីចាត់ការតាមនិតិវិធី។
ចែករំលែកព័តមាននេះ