ខេត្តសៀមរាប ៖ កម្លាំងកងរាជអាវុធហត្ថខេត្តដឹកនាំដោយលោកវរសេនីយ៍ត្រី ធាវ ច័ន្ទ តារា នាយការិយាល័យប្រឆាំងគ្រឿងញៀនខេត្ត បានចុះបង្ក្រាបករណីគ្រឿងញៀនស្ថិតនៅចំណុចភូមិភ្ញាជ័យ សង្កាត់ស្វាយដង្គំ ក្រុងសៀមរាប ខេត្តសៀមរាប កាលពីវេលាម៉ោង៤រសៀលថ្ងៃទី២ ខែតុលា ឆ្នាំ២០២០ ឈានដល់ការឃាត់ខ្លួនជនសង្ស័យប្រុសស្រីចំនួន៤នាក់ ពាក់ព័ន្ធករណីជួញដូរ និងប្រើប្រាស់ដោយខុសច្បាប់នូវសារធាតុញៀន រួចយកទៅតុលាការខេត្ត ដើម្បីចាត់ការបន្តតាមផ្លូវច្បាប់។
លោកវរសេនីយ៍ត្រី ធាវ ច័ន្ទ តារា នាយការិយាល័យប្រឆាំងបទល្មើសគ្រឿងញៀនខេត្តបានប្រាប់នៅរសៀលថ្ងៃទី៣ ខែតុលា ឆ្នាំ២០២០នេះថា ជនសង្ស័យចំនួន៤នាក់ រួមមាន១-ឈ្មោះ ខែក ហូនី ភេទប្រុស អាយុ២០ឆ្នាំ មុខរបរអាជីវករ រស់នៅភូមិបន្ទាយឈើ សង្កាត់ទឹកវិល ក្រុងសៀមរាប ខេត្តសៀមរាប ២-ឈ្មោះ ម៉ឹក សុម៉ាលី ភេទស្រី អាយុ២១ឆ្នាំមុខរបរនៅផ្ទះ រស់នៅភូមិស្វាយដង្គំ សង្កាត់ស្វាយដង្គំ ក្រុងសៀមរាប ខេត្តសៀមរាប ៣-ឈ្មោះ រ៉េត ភារិទ្ធ ភេទប្រុស អាយុ២៨ឆ្នាំ មុខរបរជាងផ្សារដែក រស់នៅភូមិស្វាយដង្គំ សង្កាត់ស្វាយដង្គំ ក្រុងសៀមរាប ខេត្តសៀមរាប និង៤-ឈ្មោះ មិក នឿយ ភេទប្រុស អាយុ ២៣ឆ្នាំ មុខរបរជាងដែក រស់នៅភូមិស្វាយដង្កំ សង្កាត់ស្វាយដង្គំ ក្រុង សៀម រាប ។
ក្រោយកម្លាំងជំនាញឃាត់ខ្លួន ក្នុងនោះដកហូតបានវត្ថុតាងរួមមាន ថ្នាំញៀនម្សៅក្រាមពណ៌សថ្លា ចំនួន៤កញ្ចប់ ទូរស័ព្ទដៃចំនួន៤គ្រឿង និងជញ្ជីងថ្លឹងថ្នាំញៀនចំនួន២គ្រឿង រួចមក កម្លាំងសមត្ថកិច្ចធ្វើតេស្តទឹកនោមជនសង្ស័យប្រុសស្រីចំនួន៤នាក់ ក្នុងនោះ វិជ្ជមានចំនួន៣នាក់ (ប្រុស) ចំណែកស្ត្រីម្នាក់អវិជ្ជមាន។
បច្ចុប្បន្ន ជនសង្ស័យទាំង៤នាក់ និងវត្ថុតាងត្រូវបានកម្លាំងការិយាល័យកងរាជ អាវុធហត្ថខេត្តរៀបចំកសាងសំណុំរឿងបញ្ជូនបន្តទៅតុលាការនៅរសៀលថ្ងៃទី៣ ខែតុលា ឆ្នាំ២០២០ ដើម្បីចាត់ការតាមនីតិវិធី ៕ (កែសម្រួលដោយ ៖ ធីតា)
ចែករំលែកព័តមាននេះ