រាជធានីភ្នំពេញ៖មន្រី្តប៉ូលិសសង្កាត់កន្ទោក ខណ្ឌពោធិ៍សែនជ័យម្នាក់បានស្លាប់ដោយបោកក្បាលនិងផ្លូវនិងម្នាក់ទៀតបានរងរបួសធ្ងន់ហើយត្រូវបានបញ្ជូនទៅមន្ទីរពេទ្យភ្លាមៗផងដែរនៅក្នុងហេតុការណ៍គ្រោះថ្នាក់ចរាចររវាងម៉ូតូនិងម៉ូតូបុកបន្តកន្ទុយគ្នានៅតាមបណ្តោយផ្លូវជាតិលេខ៤ ក្នុងសង្កាត់កន្ទោក ខណ្ឌពោធិ៍សែនជ័យនេះតែម្តងនៅវេលាម៉ោង៧និង១៦នាទី យប់ ថ្ងៃទី៥ ខែមេសា ឆ្នាំ២០១៥ ។
ទោះបែបណាភាគីម្ខាងដែលជាអ្នកបង្កគ្រោះថ្នាក់នេះក៍បានរងរបួសធ្ងន់ម្នាក់ផងដែរ ។
ជនរងគ្រោះស្លាប់មានឈ្មោះស៊ុន ឆើត ភេទប្រុស អាយុ៤៥ឆ្នាំ ជាមន្ត្រីប៉ូលិសសង្កាត់កន្ទោកនិងម្នាក់ទៀតមានឈ្មោះឈន វណ្ឌី ភេទប្រុស អាយុ២៤ឆ្នាំ ជាមន្ត្រីប៉ូលិសរងរបួសធ្ងន់ ។
ប្រភពព័ត៌មាននៅកន្លែងកើតហេតុបានឲ្យដឹងថាមុនពេលកើតហេតុមន្ត្រីប៉ូលិសរងគ្រោះខាងលើបានទទួលដំណឹងពីអ្នកភូមិនៅក្នុងបូរីមួយថាមានក្រុមក្មេងស្ទាវបានវាយគ្នា ទើបប៉ូលិសទាំង២នាក់បានជិះម៉ូតូហុងដាសេ១២៥ តាមបណ្តោយផ្លូវជាតិលេខ៤ ក្នងទិសដៅពីលិចទៅកើត ក៏ស្រាប់តែមានម៉ូតូគុបជ្រុងជិះដោយក្មេងស្ទាវក្នុងល្បឿនលឿនក្នុងទិសដៅបញ្ច្រាស់គ្នាក៏មកបុកម៉ូតូជនរងគ្រោះពីមុខយ៉ាងពេញទំហឹង ។ ប្រភពបន្តថាជាមួយគ្នានោះក៏មានម៉ូតូសង់កូរ៉េ១គ្រឿងទៀតមកបុកម៉ូតូបន្តទៀតផងដែរ ៕
ចែករំលែកព័តមាននេះ