ខេត្តព្រះសីហនុ ៖ កាលពីវេលាម៉ោង២និង៥៦នាទីរសៀលថ្ងៃទី៣ ខែតុលា ឆ្នាំ២០២០ នៅចំណុចក្នុងការដ្ឋានកំពុងសាងសង់ (យីហោហ៊ួស៊ីញ) ភូមិ៥ ក្រុម៤ សង្កាត់លេខ៤…
ខេត្តព្រះសីហនុ ៖ កាលពីវេលាម៉ោង២និង៥៦នាទីរសៀលថ្ងៃទី៣ ខែតុលា ឆ្នាំ២០២០ នៅចំណុចក្នុងការដ្ឋានកំពុងសាងសង់ (យីហោហ៊ួស៊ីញ) ភូមិ៥ ក្រុម៤ សង្កាត់លេខ៤ ក្រុងព្រះសីហនុ ខេត្តព្រះសីហនុ មានករណីបុរសជនជាតិចិនម្នាក់ឈ្មោះ Li hai Liang អាយុ៣៦ឆ្នាំ មុខរបរកម្មករសំណង់ មិនដឹងថាមានបញ្ហាអ្វីនោះទេ បានព្យាយាមលោតតាមបង្អួចកញ្ចក់មួយនៃអគារជាន់ទី២ បង្កការភ្ញាក់ផ្អើលដល់ប្រជាពលរដ្នក្នុងមូលដ្ឋានដែលបានឃើញហេតុការណ៍នាំគ្នាក៏រាយការណ៍ជូនសមត្ថកិច្ចឱ្យចុះមកជួយអន្តរាគមន៍ ។
បន្ទាប់ពីទទួលបានសេចក្តីរាយការណ៍ខាងលើភ្លាម លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្ត បានដាក់បទបញ្ជាអោយសមត្ថកិច្ច រួមសហការជាមួយកម្លាំងជួយសង្គ្រោះ៧១១ និងកងរាជអាវុធហត្ថខេត្ត ចុះអន្តរាគមន៍ និងបានសង្គ្រោះ ដោយរារាំងបានទាន់ពេលវេលា ។ បន្ទាប់មកក៏ចាប់ក្រៀកយកជនជាតិចិននោះបញ្ជូនមកអធិការដ្ឋានក្រុងព្រះសីហនុដើម្បីសួរនាំ ដោយប្រើពេលជាង១ម៉ោង ។
តាមការពិនិត្យជាក់ស្តែង ឃើញថា ចិនម្នាក់នេះមានធុំក្លិនស្អុយស្រា មានអាការ:ដូចស្រវឹងស្រា បាត់បង់ស្មារតី ក្រោយពិនិត្យ រកឃើញមានជាតិអាល់កុល ។ ចំពោះសារធាតុញៀនពិនិត្យមិនឃើញមានទេ ។
ករណីខាងលើនេះ សមត្ថកិច្ចកំពុងធ្វើការសាកសួរ និងអំពាវនាវឱ្យសាច់ញាតិមកធ្វើកិច្ចសន្យាទទួលយកទៅវិញ ព្រោះទុកនាំតែអស់បាយឥតប្រយោជន៍ ៕ (កែសម្រួលដោយ ៖ ធីតា)
ចែករំលែកព័តមាននេះ