iPhone 6 លក់ដាច់ខ្លាំងនៅចិន
Apple កំពុងវាយលុកទីផ្សារនៅប្រទេសចិនយ៉ាងគគ្រឹកគគ្រេងដែលធ្វើឱ្យស្មាតហ្វូនដំណើរការប្រព័ន្ធ iOS ដណ្តើមបានទីផ្សារ១៧,៦ភាគរយលើទីផ្សារចិន ។
Apple កំពុងវាយលុកទីផ្សារនៅប្រទេសចិនយ៉ាងគគ្រឹកគគ្រេងដែលធ្វើឱ្យស្មាតហ្វូនដំណើរការប្រព័ន្ធ iOS ដណ្តើមបានទីផ្សារ១៧,៦ភាគរយលើទីផ្សារចិន ។
យោងតាមក្រុមហ៊ុន Kantar Worldpanel ComTech ឱ្យដឹងថា iPhone 6 លក់ដាច់ខ្លាំងជាងគេក្នុងទីក្រុងធំកាលពី៣ខែមុន ។ រីឯផលិតផល Xiaomi RedMi Note របស់ក្រុមហ៊ុនចិន Xiaomi ឈរលំដាប់ថ្នាក់ទី២។ លោក Carolina Milanesi អគ្គនាយកស្រាវជ្រាវប្រចាំក្រុមហ៊ុន Kantar Worldpanel ComTech និយាយថា ការបញ្ជាទិញ iPhone 6 មានសន្ទុះខ្លាំងបំផុតខណៈពេលបុណ្យប្រពៃណីចូលឆ្នាំចិន ព្រោះជាថ្ងៃដែលក្រុមគ្រួសារទិញកាដូឱ្យមនុស្សជាទីស្រឡាញ់។ បន្ទាប់ពី iPhone 6 ធ្វើចរាចរទៅកាន់ពិភពលោកកាលពីខែកញ្ញា២០១៤ ។
ក្រុមហ៊ុន Apple គ្របដណ្តប់ទីផ្សារស្ទើរពាសពេញពិភពលោកលើកលែងតែទីផ្សារប្រទេសជប៉ុន និងសហរដ្ឋអាមេរិកប៉ុណ្ណោះ ព្រោះទីផ្សារប្រទេសទាំងពីរនេះមានដៃគូប្រកួតប្រជែងច្រើន ៕
ចែករំលែកព័តមាននេះ