ខេត្តឧត្តរមានជ័យ ៖ អ្នកទោសខ្មែរ៧នាក់ ដែលក្រុមអាជ្ញាធរថៃបានអះអាង និងដាក់ការចោទពីបទឆ្លងដែនចូលទឹកដីរបស់ខ្លួនរុករកកាប់ឈើគ្រញួងត្រូវបានធ្វើការដោះវិញ និងបញ្ជូនខ្លួនយកមកប្រគល់ឱ្យក្រុមអាជ្ញាធរកម្ពុជាតាមមាត់ច្រក ទ្វារអន្តរជាតិជាំ ស្ថិតក្នុងភូមិជាំ ឃុំត្រពាំងប្រីយ៍ ស្រុកអន្លង់វែង…
ខេត្តឧត្តរមានជ័យ ៖ អ្នកទោសខ្មែរ៧នាក់ ដែលក្រុមអាជ្ញាធរថៃបានអះអាង និងដាក់ការចោទពីបទឆ្លងដែនចូលទឹកដីរបស់ខ្លួនរុករកកាប់ឈើគ្រញួងត្រូវបានធ្វើការដោះវិញ និងបញ្ជូនខ្លួនយកមកប្រគល់ឱ្យក្រុមអាជ្ញាធរកម្ពុជាតាមមាត់ច្រក ទ្វារអន្តរជាតិជាំ ស្ថិតក្នុងភូមិជាំ ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ កាលពីព្រឹកថ្ងៃទី៣ តុលា ២០២០។
អ្នកទោសខ្មែរដែលក្រុមអាជ្ញាធរថៃធ្វើការដោះលេងឱ្យមានសេរីភាពទាំង៧នាក់ ឈ្មោះ យ៊ុម យា ភេទប្រុស អាយុ៤០ឆ្នាំ ចាប់ខ្លួនថ្ងៃទី១៧ មិនា ២០១៨ ឈ្មោះ អ៊ុច ឆូត ភេទប្រុស អាយុ៤៣ឆ្នាំ ចាប់ខ្លួនថ្ងៃទី១៧ ឧសភា ២០១៩ ទាំង២នាក់រស់នៅក្នុងស្រុកត្រពាំងប្រាសាទ ខេត្តឧត្តរមានជ័យ ចូលតាមច្រកអូស្វាយ ឈ្មោះ ជុំ ជីន ភេទប្រុស អាយុ៣៥ឆ្នាំ រស់នៅភូមិព្រៃឃ្មុំ ឃុំព្រៃឃ្មុំ ស្រុកកំពត ខេត្តកំពត ចាប់ខ្លួនថ្ងៃទី២៩ តុលា ២០១៨ ឈ្មោះ ផន សំនៀង ភេទប្រុស អាយុ៣៦ឆ្នាំ ចាប់ខ្លួនថ្ងៃទី២៩ តុលា ២០១៨ ឈ្មោះចិង សិត ភេទប្រុស អាយុ១៨ ឆ្នាំចាប់ខ្លួនថ្ងៃទី២៩ កុម្ភៈ ២០១៨ ទាំង២នាក់រស់នៅក្នុងស្រុកត្រពាំងប្រាសាទ ខេត្តឧត្តរមានជ័យ ឈ្មោះអៀត អូរ ភេទប្រុស អាយុ៤៧ឆ្នាំ ចាប់ខ្លួនថ្ងៃទី៥ ធ្នូ ២០១៨ និងម្នាក់ទៀតឈ្មោះអួត អង់ ភេទប្រុស អាយុ៤២ឆ្នាំ ទាំង២នាក់រស់នៅភូមិទួលគ្រឿល ឃុំទួលគ្រឿល ស្រុកប្រាសាទបាល័ង្គ ខេត្តកំពង់ធំ ចាប់ខ្លួនថ្ងៃទី១៦ កញ្ញា ២០១៩ អ្នកទាំង៥ចូល តាមច្រកអូរខ្សាច់ពីបទឆ្លងដែនកាប់ឈើគ្រញូងខុសច្បាប់ ៧នាក់ជាប់គុកនៅស្រុកខាន់ថាឡាក់ ខេត្តស៊ីសាកេត ប្រទេសថៃ។
ក្រុមអាជ្ញាធរកម្ពុជាដែលបម្រើការងារនៅច្រកទ្វារអន្តរជាតិជាំបានឱ្យដឹង ក្រុមអ្នកទោសខ្មែរទាំង៧នាក់ ដែលក្រុមអាជ្ញាធរថៃដោះលេងយកមកប្រគល់ឱ្យបន្ទាប់ពីបានទទួលពីក្រុមអាជ្ញាធរថៃ ខាងកម្ពុជាបានធ្វើការណែនាំ និងឱ្យធ្វើកិច្ចសន្យាឱ្យឈប់ធ្វើដំណើរឆ្លងដែនដោយខុសច្បាប់បន្តទៀត ហើយបានឱ្យវិលត្រឡប់ទៅលំនៅឋានជួបជុំក្រុមគ្រួសារក្នុងថ្ងៃដដែល ៕
ចែករំលែកព័តមាននេះ