ផលិតផលកសិកម្ម ១៤មុខទទួលបានកំណើននាំចេញល្អប្រសើរក្នុងរយៈ ៩ខែឆ្នាំ២០២០
- ភ្នំពេញ
រាជធានីភ្នំពេញ ៖ នៅក្នុងរយៈពេល ៩ ខែដើមឆ្នាំ ២០២០ នេះ កម្ពុជាបាននាំចេញផលិត ផលកសិកម្មទៅកាន់ទីផ្សារបរទេសចំនួនជិត ៦លានតោន…
រាជធានីភ្នំពេញ ៖ នៅក្នុងរយៈពេល ៩ ខែដើមឆ្នាំ ២០២០ នេះ កម្ពុជាបាននាំចេញផលិត ផលកសិកម្មទៅកាន់ទីផ្សារបរទេសចំនួនជិត ៦លានតោន ដែលជាកំណើនមួយល្អប្រសើរ បើធៀបនឹងឆ្នាំមុនៗ ទោះបីជាកម្ពុជាជួបនឹងវិបត្តិកូវីដ ១៩ យ៉ាងណាក្ដី ។ ក្នុងចំណោម ផលិតផលកសិកម្មនាំចេញទាំងអស់ឃើញថា ផលិតផល ១៤ មុខទទួលបានការនាំចេញ ច្រើន និងមានកំណើនល្អ ។
បើតាមលោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បាន បង្ហាញនូវទំនិញកសិកម្ម ១៤មុខដែលទទួលបានការគាំទ្រលើទីផ្សារអន្តរជាតិរួមមាន ៖ ១ អង្ករ សម្រេចបាន ៤៨៨.៧៧៥ តោន មានកំណើ ន ២២,៦៣ ភាគរយ ធៀបទៅនឹងរយៈ ៩ ខែដើមឆ្នាំ ២០១៩ (៣៩៨ ៥៨៦ តោន) បាននាំ ចេញទៅកាន់ ៦០ ប្រទេស ។ ២ ស្រូវ សម្រេចបាន ១.៣៩២.៣០៦ តោន ថយចុះប្រមាណជា ១៧% ធៀបប្រៀបទៅឆ្នាំ ២០១៩ នាំចេញទៅកាន់ប្រទេសវៀតណាម (ក្រៅផ្លូវការ) ។
បញ្ជាក់កម្ពុជាមិនចង់អោយមានការ នាំចេញស្រូវទៅក្រៅប្រទេសនោះទេ ព្រោះវាធ្វើអោ យខាតបង់នូវកន្ទក់ និងអង្កាម ។ ៣ គ្រប់ស្វាយចន្ទី សម្រេចបាន ២០៤.២០៨ តោន មាន កំណើន ២០,៥%, នាំចេញទៅកាន់ ប្រទេស វៀតណាម, ជប៉ុន, រុស្សី, ចិន, ហុងកុង, បារាំង, កូរ៉េ, តួគី, បង់ក្លាដេស និងថៃ ។ ៤ គ្រាប់ពោត សម្រេចបាន ១៩៣.៩៥០ តោន បាននាំ ចេញទៅកាន់ប្រទេសថៃ, កូរ៉េ និងកោះតៃវ៉ាន់ ។ ៥ ចេកស្រស់ សម្រេចបាន ២៣៥.១៧១,៦៣ តោន មានកំណើន ២២៥,៦៩%, បាននាំចេញទៅកាន់ប្រទេសចិន, វៀតណាម និងជប៉ុន ។
៦ ក្រូចថ្លុង សម្រេចបាន ១៥.១៥០ តោន ទៅកាន់ប្រទេសថៃ ។ ៧ ដំណាប់ស្វាយ សម្រេចបាន ៤.៩៩៨,៦៤ តោន, បាននាំចេញទៅកាន់ប្រទេស ចិន, ជប៉ុន, ថៃ, កូរ៉េ, ហ្វីលីពីន និងវៀតណាម ។ ៨ ដំឡូងមីស្រស់ សម្រេចបាន ១.៧៨០.៤៩៦ តោន បាននាំចេញទៅ កាន់ប្រទេស វៀតណាម និងថៃ ទាំងផ្លូវការ និងក្រៅផ្លូវការ ។ ៩ ចំណិត ដំឡូងម៉ីក្រៀម សម្រេចបាន ១.២០២.៦៤៤,៨១ តោន បាននាំចេញទៅកាន់ប្រទេសថៃ និងវៀតណាម (ផ្លូវការ) ។ ១០ ម្សៅដំឡូងមី សម្រេចបាន ១២.០០២ តោន បានថយចុះ ៥៦,៧២%, បាន នាំចេញទៅកាន់ប្រទេស ឥណ្ឌា, ចិន, ប៊ែលហ្សិក, ហូឡង់, ប៉ាគីស្ថាន, ឆេក, ក្រូអាត និងអ៊ីតាលី ។
១១ ស្វាយស្រស់ សម្រេចបាន ៦២.៩២០,៥៦ តោន មាន កំណើន ១៥៨,៨៣%, បាននាំចេញទៅកាន់ប្រទេស ថៃ, វៀតណាម, បារាំង, រុស្សី, កូរ៉េ និង ហុងកុង ។ ១២ ម្រេច សម្រេចបាន ៤.១២១,៩៥ តោន មានកំណើន ១២៣,៧៦% បាននាំ ចេញទៅ កាន់ប្រទេស ជប៉ុនុំ ប៊ែលហ្សិកុំ ហូឡង់, បារាំងុំ អាល្លឺម៉ង់, ស្វីស, វៀតណាម, អាមេរិក, រុស្ស៊ី, អង់គ្លេស, ឥណ្ឌា, បេឡារូស, កូរ៉េ, ឆេក, ណូវែហ្សែឡង់, អូស្ត្រាលី, ថៃ, តៃវ៉ាន់, ស៊ុយអ៊ែត, សិង្ហបុរី និងប្រទេសអូស្ត្រាលីឋ។ ១៣ ម្ទេសស្រស់ ៥៥ ១៥៤,៦០ តោន និងម្ទេសក្រៀម ១ ៥០០ តោន មានកំណើនទ្វេដង ធៀបប្រៀបទៅនឹងឆ្នាំ២០១៩ បាននាំ ចេញទៅកាន់ ប្រទេសថៃ ។ ១៤ បន្លែ សម្រេចបាន ៨៧,៥៧ តោន នាំចេញទៅកាន់ ប្រទេសបារាំង, ឆេក និងប្រទេសហូឡង់ ។
ធនាគារអភិវឌ្ឍន៍អាស៊ី បានសន្និដ្ឋានថា កំណើននៃវិស័យកសិកម្ម កម្ពុជាក្នុងពេល មានវិបត្តិកូវីដ ១៩ បានធ្វើអោយកម្ពុជាអាចនឹងមានភាពល្អបន្តិចលើវិស័យសេដ្ឋកិច្ចជាក់ ស្ដែងធនាគារនេះបានព្យាករសេដ្ឋកិច្ចកម្ពុជា ពីដក ៥,៥ភាគរយ មកនៅត្រឹមដក ៤ភាគរយ ៕
ចែករំលែកព័តមាននេះ