ស្រុកព្រៃនប់ ៖ កម្លាំងសមត្ថកិច្ចចម្រុះរបស់មូលដ្ឋានស្រុកព្រៃនប់ ខេត្តព្រះសីហនុ សហការជាមួយកម្លាំងចម្រុះការពារសត្វព្រៃ ដឹកនាំដោយលោក ហេង គឹមឆាយ ប្រធានក្រុមអន្តរាគមន៍ បង្ក្រាបបទល្មើសសត្វព្រៃនៃរដ្ឋបាលព្រៃឈើ បានចុះត្រួតពិនិត្យ និងបង្ក្រាបការលក់ដូរសត្វព្រៃនៅតាមអាហារដ្ឋាន នៅវេលាថ្ងៃត្រង់ថ្ងៃទី៣០ កញ្ញា នេះ។
ការចុះរបស់កម្លាំង ស្ថិតតាមអាហារដ្ឋាននីមួយៗ មានអាហារដ្ឋាន ស្រីម៉ៅ កំពង់ស្មាច់, អាហារដ្ឋានណាណា និងអាហារដ្ឋាន៣៣៣ ក្នុងស្រុកព្រៃនប់ ដោយរកឃើញនិងដកហូតសាច់សត្វព្រៃមួយចំនួន យកមកធ្វើការដុតកម្ទេចចោលភ្លាមៗតាមនិតិវិធី។
បើតាមមន្ត្រីបានថ្លែងថា ករណីនេះ ចំពោះម្ចាស់ទីតាំងពាក់ពន្ធ័នឹងការលក់ដូរសាច់សត្វព្រៃនេះ តម្រូវឲ្យធ្វើកិច្ចសន្យា និងធ្វើការផាកពិន័យជាប្រាក់បង់ចូលថវិកាជាតិតាមច្បាប់ ៕
ចែករំលែកព័តមាននេះ