ក្រុមហ៊ុនទឹកពិសាក្នុងស្រុកឈានមុខគេ វីតាល់ បានបង្កើតកម្មវិធីថ្មីមួយដែលមានឈ្មោះថា «ពរបួនប្រការពីវីតាល់» ជាយុទ្ធនាការចែកជូនផលិតផល វីតាល់ដែលមានស្លាកដប(ឡាប៊ែល)ថ្មី សម្រាប់អបអរសាទរឆ្នាំថ្មីប្រពៃណីជាតិខ្មែរ ជូនដល់សារណជន នៅតាមទីសាធារណប្រជុំជនមួយចំនួនក្នុងរាជធានីភ្នំពេញ។ កម្មវិធីនេះនឹងធ្វើឡើងរយៈពេលបួនថ្ងៃចាប់ពីថ្ងៃទី ៣១ ខែមិនា ដល់ថ្ងៃទី៣ខែមេសា។
ស្របពេលនឹងបុណ្យចូលឆ្នាំប្រពៃណីខ្មែរ ឆ្នាំមមែ សប្តស័ក ព.ស ២៥៥៩ ឈានជិតចូលមកដល់ វីតាល់ ដែលត្រូវបានទទួលស្គាល់ថាជាផលិតផលទឹកពិសាគុណភាពខ្ពស់ បានរចនាកេស និងស្លាកដបដែលមានក្បាច់ចរនាបែបខ្មែរដ៏ស្រស់ស្អាត ព្រមជាមួយនឹងពាក្យ«សួស្តីឆ្នាំថ្មី» និងពាក្យជូនពរទាំងបួនប្រការដ៏ពេញនិយមរបស់ខ្មែរយើងគឺ «អាយុ វណ្ណៈ សុខៈ ពលៈ» ដើម្បីជាការអបអរសាទរឆ្នាំថ្មីប្រពៃណីខ្មែរ។ ការរចនាស្លាកដបថ្មី នេះក៏ដើម្បីជាការបង្ហាញនូវ ការជូនពរ និងអគុណដល់អតិថិជនទាំងឡាយដែលតែងតែគាំទ្រ និងជឿរទុកចិត្តលើផលិតផល វីតាល់ យ៉ាងពេញទំហឹង ហើយសន្ទុះនៃការគាំទ្របាននឹងកំពុងកើនឡើងយ៉ាងខ្លាំងក្នុងកំឡុងពេលប៉ុន្មានឆ្នាំចុងក្រោយនេះ។
«ពរបួនប្រការពីវីតាល់» មានគោលការណ៍ចែកជូនវីតាល់ និងពាក្យជូនពរសិរីសួស្តីដល់ប្រជាពលរដ្ឋគ្រប់រូប ។ មិនត្រឹមតែប៉ុណ្ណោះ បន្ថែមពីការចែកជូនវីតាល់ និងពាក្យជូនពរសាធារណជនទាំងអស់ក៏ មានឱកាសលេងហ្គេម ដើម្បីឈ្នះរង្វាន់ជា ផ្ទាំងជូនពរឆ្នាំថ្មីសំរាប់លំអរគេហដ្ឋានដ៏ស្រស់ស្អាតពី វីតាល់ផងដែរ។
កម្មវិធី «ពរបួនប្រការពីវីតាល់ » នឹងប្រារព្ធទៅរយៈពេលបួនថ្ងៃ នៅតាមសួនសារធារណៈនានាក្នុងរាជធានីភ្នំពេញ ចាប់ពីម៉ោង ៤ រហូតដល់ម៉ោង ៧ល្ងាច។ ថ្ងៃទីមួយត្រូវនឹងថ្ងៃទី ៣១មិនា ក្រុមការងារ នឹងចាប់ផ្តើមពី សួនច្បារវត្តបុទមវត្តី និងសួនមុខព្រះបរមរាជវាំង។ ថ្ងៃទីពីរត្រូវនឹងថ្ងៃទី ១មេសា កម្មវិធីធ្វើឡើងនៅស្តាតអូឡាំពិកទាំងមូលតែម្តង។ ថ្ងៃទីបីត្រូវនឹងថ្ងៃទី ២មេសា កម្មវិធីជូនពរឆ្នាំថ្មីវីតាល់ នឹងធ្វើឡើងនៅសួនក្តាន់ពីរជិតទីស្តីការគណរដ្ឋមន្ត្រីដែលចាប់ផ្តើមពីដើមសួនរហូតដល់ចុងសួន។ ថ្ងៃទីបួនត្រូវនឹងថ្ងៃទី ៣មេសា ដែលជាថ្ងៃបញ្ចប់កម្មវិធីនឹងបន្តដល់ពីរកន្លែងផ្សេងគ្នាគឺនៅ សួនសូគីមិចផ្លូវជាតិលេខ៥ និងសួនសម្តេច ហ៊ុន សែន វិមានឯករាជ្យ។
គួរបញ្ជាក់ផងដែរថា វីតាល់ មិនត្រឹមតែជាក្រុមហ៊ុនទឹកពិសាដែលទទួលបានវិញ្ញាបនបត្រស្តង់ដាអន្តរជាតិច្រើនជាងគេប៉ុណ្ណោះទេ វីតាល់ក៏តែងតែមានសកម្មភាពមនុស្សធម៌យ៉ាងសកម្មក្នុងសង្គម ដោយផ្អែកលើមូលន្និធិ ២៥៛។ កំឡុងពេលថ្មីៗនេះផងដែរ វីតាល់ បានឧបត្ថម្ភគាំទ្រនឹងដល់កម្មវិធីសប្បុរសធម៌នានាជាច្រើន ដូចជាកម្មវិធីបរិច្ចាគឈាមដោយស្មគ្រ័ចិត្ត និងការផ្តល់ថវិការនិងគ្រឿងឧបភោគបរិភោគដល់ជនគំរូក្នុងសង្គមដូចជា លោកពូ ហោ ម៉ៅ និងលោកតា ប្រាជ្ញ ឈួន។ ក្នុងឆ្នាំថ្មីនេះ វីតាល់នឹងនៅតែឈរលើគោលជំហរបន្ថែមការងារឧបត្ថម្ភ និងគាំទ្រដល់សកម្មភាពមនុស្សធម៌បន្តទៀតដើម្បីជាការចូលរួមចំនែកនៃការអភិវឌ្ឍសង្គម។
ចែករំលែកព័តមាននេះ