ការប្រើប្រាស់ភ្លើងហ្វារថយន្តអាចមានប្រយោជន៍ច្រើនក្នុងការរួមចំណែកធ្វើឱ្យប្រសើរឡើងនូវភាពមើលឃើញច្បាស់ខណៈពេលបើកបរនៅពេលយប់ ។ ភ្លើងហ្វាក៏អាចបង្កគ្រោះថ្នាក់បាន
ការប្រើប្រាស់ភ្លើងហ្វារថយន្តអាចមានប្រយោជន៍ច្រើនក្នុងការរួមចំណែកធ្វើឱ្យប្រសើរឡើងនូវភាពមើលឃើញច្បាស់ខណៈពេលបើកបរនៅពេលយប់ ។ ភ្លើងហ្វាក៏អាចបង្កគ្រោះថ្នាក់បានគ្រប់ពេលវេលាប្រសិនបើអ្នកបើកបរប្រើវាមិនបានត្រឹមត្រូវតាមលក្ខខណបច្ចេកទេស ។
ដូច្នេះសូមណែនាំពីវិធីប្រើប្រាស់ភ្លើងហ្វារបស់រថយន្តឱ្យបានត្រឹមត្រូវដូចតទៅ ៖
១-បើកភ្លើងហ្វាតែនៅពេលយប់ស្ងាត់ពុំមានយានដទៃធ្វើចរាចរណ៍ ។ ចំពោះរថយន្តខ្លះមានឧបករណ៍ថ្លឹងពីកម្រិតនៃការបង្កើនភ្លើងហ្វានិងទម្លាក់មកភ្លើងកូតវិញនៅក្នុងអំពូលភ្លើងស្រាប់ ។ ហើយរថយន្តខ្លះទៀតក៏មានឧបករណ៍ដូចនេះដែរប៉ុន្តែប្រើប្រាស់បច្ចេកទេសប្ដូរភ្លើងកូត-ហ្វាដោយខ្លួនឯងតាមលក្ខខណ្ឌបើកបរ ។
២-ទម្លាក់ភ្លើងហ្វារបស់អ្នកមកកូតវិញនៅពេលកំពុងជួបនឹងរថយន្តដទៃ ។
៣-ទម្លាក់ភ្លើងហ្វាពេលណារថយន្តអ្នកខិតជិតរថយន្តដទៃដែលមក ពីខាងក្រោយ ។
៤-ហាមប្រើប្រាស់ ឬចៀសវាងប្រើវា(ភ្លើងហ្វា)តែម្ដងនៅតំបន់ដែលមានស្ថានភាពចរាចរណ៍មមាញឹកខ្លាំងឬក៏នៅពេលរថយន្តអ្នកចតលើដងផ្លូវធំឬថ្នល់ជាតិ ។
៥-ចៀសវាងឱ្យបានពីការបើកភ្លើងហ្វាបញ្ចាំងដាក់គ្នា ខណៈដែលយានដទៃពុំបានទាំងទម្លាក់ភ្លើងហ្វារបស់គេផងនោះ ។ រថយន្តពីរគ្រឿងដែលខិតជិតគ្នានិងប្រើប្រាស់ភ្លើងហ្វាទាំងសងខាងអាចនឹងបង្កឱ្យមានគ្រោះថ្នាក់កាន់តែខ្លាំងដោយមិននឹកស្មានដល់ ។ ដូច្នេះចូរអ្នកសម្លឹងមើលទៅចិញ្ចើមផ្លូវឬខាងស្ដាំដៃដើម្បីគេចពីការចាំងពន្លឺនោះទើបមានសុវត្ថិភាព ៕
ចែករំលែកព័តមាននេះ