រាជធានីភ្នំពេញ៖ លោក ហ្គី ហាន់លី អគ្គនាយក្រុមហ៊ុនសាខាថៃសាំសុងអេឡិចត្រូនិកប្រចាំកម្ពុជា-ឡាវមានប្រសាសន៍ ក្នុងពិធីបើកសម្ភោធលក់ទូរស័ព្ទស្មាតហ្វូន Samsung Galaxy S6 និង Galaxy S6 edge ជាផ្លូវការនៅសណ្ឋាគារ ឡឺរ៉ូយ៉ាល់(Raffle Le Royal)នាល្ងាចថ្ងៃទី ១ មេសា ថា ទូរស័ព្ទដៃស្មាតហ្វូនទាំងពីរប្រភេទនេះត្រូវបានរចនាឡើងយ៉ាងផ្ចិតផ្ចង់ និងយកចិត្តទុកដាក់ជាទីបំផុត រួមជាមួយនិងគំនិតច្នៃប្រឌិតទាំងរូបរាង ទាំងតួម៉ាស៊ីន ធ្វើឲ្យទូរស័ព្ទទាំងពីរម៉ូដែលក្លាយជាទូរស័ព្ទប្រកបដោយប្រណិតភាព និងកាន់តែអស្ចារ្យ ដែលធ្វើឲ្យអ្នកប្រើប្រាស់កាន់តែមានភាពថ្លៃថ្នូរថែមមួយកម្រិតទៀត។
លោកបន្តថា ដើម្បីជាបទដ្ឋានសម្រាប់ការងារ Design ស្នាដៃនិងសមត្ថភាពដល់កំពូល Samsung Galaxy S6 និង Galaxy S6 edge ត្រូវបានបង្កើតឡើងអំពីវត្ថុដើមដ៏ប្រណិត រួមជាមួយបច្ចេកវិទ្យាចុងក្រោយបំផុតរបស់សាំសុង ដើម្បីផ្តល់ បទពិសោធន៍ គ្មានគូប្រៀបដល់អ្នកប្រើប្រាស់។ ភាពច្នៃប្រឌិតដ៏ថ្មីសន្លាងសម្រាប់ Samsung Galaxy S6 និង Galaxy S6 edge នឹងនាំមកនូវសគរាជថ្មីក្នុងឧស្សាហកម្មទូរស័ព្ទចល័ត និងក្លាយជាបទដ្ឋានក្នុងវិស័យនេះ។
ក្នុងឱកាសបើកសម្ភោធនេះផងដែរ តារាចម្រៀងល្បីប្រចាំកម្ពុជា កញ្ញា ឱក សុគន្ធកញ្ញា បានបង្ហាញពីសុទិដ្ឋិនិយមរបស់ខ្លួនជាមួយនិងកំពូលស្មាតហ្វូនទាំងពីរម៉ូដែលថា «នាងខ្ញុំកាន់តែមានមោទនភាពខ្លាំងមែនទែន ចំពោះគំនិតច្នៃប្រឌិតរបស់ក្រុមហ៊ុន សាំសុងដលបានបង្កើតផលិតផលថ្មីៗទំនើបបែបនេះ ហើយនាងខ្ញុំក៏មានកិត្តិយសណាស់ដែលក្រុមហ៊ុន ជ្រើសរើសយកខ្លួនជាឯកអគ្គរាជទូតតំណាងផលិតផលទូរស័ព្ទនៅកម្ពុជា»។
Samsung Galaxy S6 និង Galaxy S6 edgeមានលក្ខណៈពិសេសដូចជា៖ គែម និងតួលោហៈ មិនកោងដូចជាទូរស័ព្ទដៃផ្សេង ៗ កញ្ចក់Gorilla សងខាង អេក្រង់ ៥.១អ៊ីញគុណភាព HD(2560×1440,577ppi) Super AMOLED ងាយស្រួលមើលក្រោមពន្លឺថ្ងៃ ហើយមានទម្ងន់ត្រឹមតែ138g អាចប្រើដោយឆ្នាំងសាកឥតខ្សែ ហើយសាក១០នាទីប្រើប្រាន៤ម៉ោង គ្មានទូរស័ព្ទអាចផ្ទឹមបាន។ កាមេរ៉ា មុខ៥មេហ្គាភិចស្សែល កាមេរ៉ាក្រោយ១៦មេហ្គាភិចស្សែល អាចចាប់រូបបានច្បាស់ទោះជាញ័ររង្គើឬក្នុងទីងងឹត។ សំឡេងលឺច្បាស់និងចាក់សោដោយប្រើក្រយៅដៃបានលឿននិងស្រួលជាងមុន ។ចំណែកតម្លៃសម្រាប់ Samsung Galaxy S6 32GM មានតម្លៃ៦៩០ដុល្លារ និង Galaxy S6 edge 32GM មានតម្លៃចាប់ពី៨០០ដុល្លារអាមេរិកឡើងទៅតាមប្រភេទំហំអង្គចងចាំនិងពណ៌របស់ទូរស័ព្ទ៕
ចែករំលែកព័តមាននេះ