ខេត្តក្រចេះ ៖ ក្រុមចល័តក្រសួង បានចុះទប់ស្កាត់យានយន្តដឹកជញ្ជូនលើសទម្ងន់កម្រិតកំណត់ និងឃាត់បានរថយន្តដឹកលើសទម្ងន់ ៦គ្រឿង ក្នុងក្រុងក្រចេះ និងលើផ្លូវជាតិលេខ៧ នៅស្រុកស្នួល ខេត្តក្រចេះ…
ខេត្តក្រចេះ ៖ ក្រុមចល័តក្រសួង បានចុះទប់ស្កាត់យានយន្តដឹកជញ្ជូនលើសទម្ងន់កម្រិតកំណត់ និងឃាត់បានរថយន្តដឹកលើសទម្ងន់ ៦គ្រឿង ក្នុងក្រុងក្រចេះ និងលើផ្លូវជាតិលេខ៧ នៅស្រុកស្នួល ខេត្តក្រចេះ កាលពីថ្ងៃទី៣០ ខែកញ្ញា ឆ្នាំ២០២០ ។
ក្រុមការងារចល័តរបស់ក្រសួង ដឹកនាំផ្ទាល់ដោយលោក ឯក រដ្ឋ និងលោក តាំង ពៅ ប្រធានលេខាធិការដ្ឋាន និងសហការការដោយប្រធានមន្ទីរសាធារណការ និងដឹកជញ្ជូន និងប្រធានស្ថានីយជញ្ជីងមានជ័យ ។
ក្នុងកិច្ចប្រតិបត្តិការនេះ ក្រុមការងារត្រួតពិនិត្យរថយន្តដឹកដំឡូងមី ជ័រកៅស៊ូ អង្ករ ចំណីសត្វ ស្រាបៀ និងបង្គោលភ្លើងចំនួន១៥ គ្រឿង និងឃាត់បានរថយន្តដឹកលើសទម្ងន់ចំនួន៦គ្រឿង ដែលដឹកលើសទម្ងន់ចាប់ពី ៨តោន ដល់៣២តោន ។ ប្រតិបត្តិការនេះ បានបញ្ចប់នៅវេលាម៉ោង៣យប់ នៅថ្ងៃទី០១ តុលា ២០២០ ។
រថយន្តដឹកលើសទម្ងន់កម្រិតកំណត់ទាំងនោះបានពិន័យ និងធ្វើកិច្ចសន្សា ដោយអនុលោមតាមច្បាប់ផ្លូវថ្នល់មាត្រាទី៦០ ។
ពាក់ព័ន្ធនឹងការពិន័យនេះ ថ្នាក់ដឹកនាំ ក៏បានពន្យល់ណែនាំដល់ម្ចាស់រថយន្តឲ្យយល់ពីច្បាប់ នៃការដឹកជញ្ជូនលើសទម្ងន់កម្រិតកំណត់ (ច្បាប់ផ្លូវថ្នល់) និងសំណូមពរ កុំឲ្យដឹកជញ្ជូនលើសទម្ងន់បន្តទៀត ព្រោះការដឹកលើសទម្ងន់បានបង្កមហន្តរាយដល់ផ្លូវជាតិ និងគ្រោះថ្នាក់ចរាចរណ៍ធ្ងន់ធ្ងរ ៕
ចែករំលែកព័តមាននេះ