ខេត្តសៀមរាប ៖ ផ្ទះប្រជាពលរដ្ឋមួយខ្នងទំហំ៧ម៉ែត្រx១២ម៉ែត្រ សាងសង់ពីឈើលើថ្មក្រោម ប្រក់ដំបូលក្បឿង និងទឹកប្រាក់ដុល្លារចំនួន៥០០០ដុល្លារ ប្រាក់ខ្មែរចំនួន៣០លានរៀល សម្ភារគ្រឿងសង្ហារឹម និងសម្ភារប្រើប្រាស់មួយចំនួនធំ ត្រូវបានភ្លើងឆាប…
ខេត្តសៀមរាប ៖ ផ្ទះប្រជាពលរដ្ឋមួយខ្នងទំហំ៧ម៉ែត្រx១២ម៉ែត្រ សាងសង់ពីឈើលើថ្មក្រោម ប្រក់ដំបូលក្បឿង និងទឹកប្រាក់ដុល្លារចំនួន៥០០០ដុល្លារ ប្រាក់ខ្មែរចំនួន៣០លានរៀល សម្ភារគ្រឿងសង្ហារឹម និងសម្ភារប្រើប្រាស់មួយចំនួនធំ ត្រូវបានភ្លើងឆាប ឆេះអស់ទាំងស្រុង បង្កការភ្ញាក់ផ្អើលពេញស្រុកជីក្រែង សំណាងល្អ មិនបានរាលដាលដល់ផ្ទះអ្នកជិតខាង ព្រមទាំងពុំបណ្តាលឱ្យមនុស្សរងរបួសនោះទេ ។
ហេតុការណ៍ឆេះផ្ទះពលរដ្ខនោះកើតឡើងកាលពីវេលាម៉ោង ៩និង៣០នាទីព្រឹក ថ្ងៃទី៣០ កញ្ញា ស្ថិតនៅក្នុងភូមិបេង ឃុំជីក្រែង ស្រុកជីក្រែង ខេត្តសៀមរាប។ បើតាមសមត្ថកិច្ចមូលដ្ឋានបានឱ្យដឹងថា ករណីអគ្គិភ័យឆាបឆេះផ្ទះពលរដ្ឋនោះ គឺបណ្តាលមកពីឆ្លងចរន្តអគ្គិសនី ហើយ ធ្លាក់កម្ទេចភ្លើងមកឆ្លងឆាបដល់ធុងហ្គាសបណ្តាលឱ្យឆាបឆេះតែម្តង។
ប្រភពបញ្ជាក់ថា ម្ចាស់ផ្ទះ(ជនរងគ្រោះ) ឈ្មោះ បូ វុទ្ឋី ភេទប្រុស អាយុ៥១ឆ្នាំ រស់នៅទីកន្លែងកើតហេតុខាងលើ មូលហេតុ ឆ្លងចរន្តអគ្គិសនី។ ប្រភពបានបន្ថែមថា ក្រោយកើតហេតុកម្លាំងជំនាញ នៃអធិការដ្ឋាននគរបាលស្រុក យករថយន្តពន្លត់អគ្គីភ័យចំនួន ១ គ្រឿង មកជួយអន្តរាគមន៍ពន្លត់ក្នុងនោះ ប្រើប្រាស់ទឹកអស់ចំនួន០៣ឡាន ទើបភ្លើងរលត់ទៅវិញ តែមិនមានប៉ះពាល់អាយុជីវិតប្រជាពលរដ្ឋនិងរាលទៅ ដល់ផ្ទះអ្នកជិតខាង សោះឡើយ បច្ចុប្បន្ន ជនរងគ្រោះ ត្រូវភ្លើងឆេះផ្ទះ អស់ទាំងស្រុង បើ គិតជាទឹក អស់ប្រមាណជិត១០ម៉ឺនដុល្លារ ។
ចែករំលែកព័តមាននេះ