ឈ្វេងយល់ពីបច្ចេកទេសកាន់ចង្កូតពេលប្រឡងយកប័ណ្ណបើកបរ
ដើម្បីទទួលបានជោគជ័យលើកដំបូងលើការធ្វើតេស្ដជាប់ផ្នែកដៃចង្កូតគឺជាកិច្ចការចាំបាច់និងសំខាន់បំផុតដែលលោកអ្នកមិនត្រូវធ្វេសប្រហែសបានឡើយស្របតាមលក្ខខណ្ឌដែល
ដើម្បីទទួលបានជោគជ័យលើកដំបូងលើការធ្វើតេស្ដជាប់ផ្នែកដៃចង្កូតគឺជាកិច្ចការចាំបាច់និងសំខាន់បំផុតដែលលោកអ្នកមិនត្រូវធ្វេសប្រហែសបានឡើយស្របតាមលក្ខខណ្ឌដែលមេប្រយោគប្រគល់ឱ្យ ។ មួយវិញទៀតលោកអ្នកក៏តម្រូវឱ្យឆ្លងផុតដំណាក់កាលធ្វើតេស្ដផ្នែកសរសេរផងដែរមុននឹងអនុវត្តដៃចង្កូតលើទីលានផ្ទាល់ ។ ដូច្នេះកោះសន្ដិភាពសូមណែនាំពីបច្ចេកទេសបើកបររថយន្តថយក្រោយខណៈពេលធ្វើតេស្ដប្រឡងយកប័ណ្ណបើកបរដូចតទៅ ៖
១-សង្កេតមើលទៅក្នុងកញ្ចក់មើលទិដ្ឋភាពផ្នែកខាងក្រោយក៏ដូចជាចំហៀងឆ្វេង-ស្ដាំថាតើមានឧបសគ្គនៅជុំវិញរថយន្តអ្នក ឬអត់ ។
២-ពិនិត្យមើលចំហៀងខាងស្ដាំរថយន្តអ្នកដើម្បីកាន់តែច្បាស់ថាមានយានដទៃបោះពួយមកពីក្រោយឬអត់ ។ បើទោះជាអ្នកដឹងហើយថាពុំមានអ្វីស្ថិតនៅពីក្រោយក៏ដោយក៏អ្នកគួរតែសម្លឹងមើលជានិច្ច ។
៣-ដាក់ជើងរបស់អ្នកលើឈ្នាន់ហ្វ្រាំង ។ បញ្ចូលលេខក្នុងតំណែងអក្សRឬថយក្រោយ ។
៤-ជាន់ឈ្នាន់ហ្គារ៍ថ្នមៗស្របពេលអ្នកបើកថយក្រោយយឺតៗសន្សឹមៗ ។ ខណៈពេលលោកអ្នកបើកថយក្រោយគឺក្រឡេកមើលនៅផ្នែកចំហៀងខាងស្ដាំរថយន្តជានិច្ចដើម្បីឱ្យឃើញពីសកម្មភាពរថយន្តមកពីក្រោយក៏ដូចជាឧបសគ្គផ្សេងៗ ។ តមកទៀតគឺកាន់ចង្កូតឱ្យនឹងនៅពេលថយក្រោយ ។ តាមរយៈការអនុវត្តបែបនេះគឺចំពោះការបើកថយក្រោយក្នុងលក្ខខណ្ឌផ្លូវត្រង់ ។
៥-ជាន់ឈ្នាន់ហ្វ្រាំងដើម្បីបញ្ឈប់ល្បឿននៃការបើកថយក្រោយ ។ នៅពេលនោះលោកអ្នកអាចប្ដូរ ឬបញ្ចូលលេខផ្សេងបាន(ស្របតាមការណែនាំនិងបង្គាប់បញ្ជាពីមេប្រយោគ)ជាការស្រេច ៕
ចែករំលែកព័តមាននេះ