រាជធានីភ្នំពេញ ៖ ប្រទេសកម្ពុជាស្ថិតនៅក្នុងចំណោមប្រទេសជាអាទិភាពដើម្បីទទួលវ៉ាក់សាំងប្រឆាំងកូវីដ-១៩ ពីប្រទេសចិន បើសិនជាវ៉ាក់សាំងនេះចេញប្រើជាសាធារណៈ។ វាត្រូវគេប៉ានស្មានថា វ៉ាក់សាំងនេះមានតម្លៃប្រហែល៨៨ដុល្លារ។ នេះបើយោងតាមការផ្សាយរបស់សារព័ត៌មាន South China Morning Post នៅថ្ងៃទី២៨ ខែកញ្ញា។ វ៉ាក់សាំងរបស់ចិន ត្រូវគេរំពឹងថា នឹងអាចចាប់ផ្តើមចេញប្រើនៅខែវិច្ឆិកា ឬក៏ធ្នូ។
បណ្តាប្រទេសដែលក្រុមហ៊ុនផលិតវ៉ាក់សាំងចិនកំពុងដំណើរការការសាកល្បងគ្លីនិករួមមាន៖ អារ៉ាប់រួម អេមីរ៉េត ប្រទេសបារ៉ែន ប៉េរូ ម៉ារ៉ុក តួកគី បង់ក្លាដែស ប្រេស៊ីល និងឥណ្ឌូណេស៊ី អាចស្ថិតក្នុង ចំណោមអ្នកទទួលដំបូង។ ប៉ុន្តែចិនបាននិយាយផងដែរថា អាទិភាពនឹងត្រូវបានផ្តល់ដល់បណ្តាប្រទេសនៅតាមដងទន្លេមេគង្គគឺប្រទេសកម្ពុជា ឡាវ មីយ៉ាន់ម៉ា ថៃ និងវៀតណាម។ កម្ពុជាត្រូវបានចាត់ទុកជាមិត្តជិតស្និទ្ធរបស់ចិន។
ប៉ុន្តែរហូតមក់ដល់ពេលនះ មិនទាន់មានមន្ត្រីកម្ពុជានិយាយលម្អិតនៅឡើយអំពីលទ្ធភាពនៃការទទួលបានវ៉ាក់សាំងកូវីដ-១៩ពីចិន។ ចិនក៏បានសន្យាថា ប្រទេសហ្វីលីពីននឹងទទួលបានការផ្តល់សិទ្ធិក្នុងពេលឆាប់ៗខណៈដែលប្រទេសអាមេរិកឡាទីន និងការ៉ាបៀននឹងទទួលបានប្រាក់កម្ចី ១ ពាន់លានដុល្លារដើម្បីទិញវ៉ាក់សាំង។ ចិនគ្រោងផលិតវ៉ាក់សាំងបានជាង៦០០លាន ដូស (dose) ត្រឹមចុងឆ្នាំ២០២០ ហើយនឹងផលិតបានប្រហែល១០០០លានដូសនៅឆ្នាំ២០២១៕ ដោយ ៖ សហការី
ចែករំលែកព័តមាននេះ