បាងកក, ប្រទេសថៃ ៖ ក្រុមហ៊ុន Ford បានដាក់បង្ហាញជាផ្លូវការនូវ រថយន្ត Ford Rangerស៊េរីថ្មីនៅក្នុងកម្មវិធីពិពណ៌រថយន្តអន្តរជាតិនៅប្រទេសថៃ (Bangkok International Motor Show)
បាងកក, ប្រទេសថៃ ៖ ក្រុមហ៊ុន Ford បានដាក់បង្ហាញជាផ្លូវការនូវ រថយន្ត Ford Rangerស៊េរីថ្មីនៅក្នុងកម្មវិធីពិពណ៌រថយន្តអន្តរជាតិនៅប្រទេសថៃ (Bangkok International Motor Show) ដែលមានបច្ចេកវិទ្យាដ៏ឆ្លាតវៃ គួបផ្សំជាមួយនឹងរួបរាងដ៏ រឹងមាំ ពោលគឺការផ្តោតទៅលើគោលដៅថ្មី ដោយផ្អែកលើចំណែកទីផ្សាររថយន្តប្រភេទភីកអាប់ (Pickup) រួមជាមួយនឹងការបញ្ចូលគ្នានៃសមត្ថភាពដ៏រឹងមាំ ការរចនាម៉ូដថ្មី និងឧត្តមភាពនៃបច្ចេកវិទ្យាដែលកាន់តែអស្ចារ្យជាងមុន ។
រថយន្តភីកអាប់ថ្មីនេះ នឹងត្រូវបានដាក់លក់នៅលើទីផ្សារជាង១៨០ប្រទេសទូទាំងពិភពលោកហើយរថយន្តប្រភេទថ្មីនេះ បានបំពាក់ដោយបច្ចេកវិទ្យាទំនើបៗចុងក្រោយដូចជា អេក្រង់ Touch Screen ទំហំ៨អ៊ីញ ក៏ដូចជាបច្ចេកវិទ្យា SYNC 2 ដែលជាកម្មវិធីភ្ជាប់ទំនាក់ទំនងពីទូរស័ព្ទដៃទៅកាន់រថយន្ត ដែលអាចផ្តល់ជូនអ្នកបើកបរជាមួយនឹងបច្ចេកវិទ្យាដ៏ឆ្លាតវៃ ព្រមទាំងសុវត្ថិភាពខ្ពស់ គួបផ្សំទៅនឹងប្រព័ន្ធសាកថ្មដែលមានសមត្ថភាពខ្ពស់រហូតទៅដល់ ២៤០វុល ដែលអាចឲ្យលោកអ្នកសាកនូវកុំព្យូទ័រយួរដៃ និងឧបករណ៍អេឡិចត្រូនិចផ្សេងៗជាដើម។ ជាងនេះទៅទៀត រថយន្តនេះក៏បានបំពាក់នូវបច្ចេកវិទ្យាចុងក្រោយបង្អស់លើសពីរថយន្តប្រភេទភីកអាប់ (Pickup) ដទៃទៀតដូចជា ប្រព័ន្ធជំនួយលើចង្កូត និងរំលឹកឲ្យអ្នកបើកបរបើកក្នុងគន្លងត្រឹមត្រូវ ជាប្រព័ន្ធមួយដែលអាចជួយអ្នកបើកបរកុំឲ្យចាកចេញពីគន្លងផ្លូវរបស់ខ្លួន។ ក្នុងករណីរថយន្តចេញពីគន្លងផ្លូវ ប្រព័ន្ធនេះនឹងរំញ័រទៅលើចង្កូតដើម្បីជួយឲ្យអ្នកបើកបរបើកក្នុងគន្លងផ្លូវត្រឹមត្រូវវិញ។ ប្រព័ន្ធកំណត់ល្បឿននៃការបើកបរ (Adaptive Cruise Control) , ប្រព័ន្ធផ្តល់សញ្ញាគ្រោះថ្នាក់ដែលអាចកើតមាននៅខាងមុខ (Forward Alert) , ប្រព័ន្ធជំនួយចូលចតផ្នែកខាងមុខ និងកាមេរ៉ាសុវត្ថិភាពផ្នែកខាងក្រោយនៃរថយន្ត (Front and Rear Park Assist) , ប្រព័ន្ធត្រួតពិនិត្យនូវសម្ពាធកង់ (Tire Pressure Monitoring System) អាចជួយអ្នកបើកបរក្នុងការផ្តល់នូវសុវត្ថិភាពខ្ពស់និងសន្សំសំចៃប្រេង ដោយការផ្តល់ដំនឹងដល់អ្នកបើកបរ នៅពេលដែលកង់រថយន្តមានសំពាធទាប, ប្រព័ន្ធទប់លំនឹងរថយន្តពេលបើកបរក្នុងផ្លូវកោង និងរអិល (Electronic Stability Program) , ប្រព័ន្ធត្រួតពិនិត្យទៅលើស្ថានភាពរបស់អ្នកបើកបរ (Driver Impairment Monitor)ប្រព័ន្ធត្រួតពិនិត្យស្ថានភាពរបស់អ្នកបើកបរ ត្រូវបានប្រើប្រាស់ទៅលើកាមេរ៉ាខាងមុខរបស់រថយន្តរួមជាមួយនឹងបន្ទះរំញោច ដើម្បីការពារអ្នកបើកបរនៅពេលដែលគាត់មានអារម្មណ៍ថាងងុយគេង។
ជាពិសេស រថយន្តនេះក៏បានបំពាក់ដោយប្រព័ន្ធសុវត្ថិភាពមួយចំនួនទៀតដូចជា ប្រព័ន្ធជំនួយជាបន្ទាន់ (Emergency Assistance) ប្រព័ន្ធទប់លំនឹងពេលឡើងចំណោតនិងចុះចំណោត (Hill Launch Assist & Hill Descent Control) ប្រព័ន្ធគ្រង់គ្រងទម្ងន់របស់រថយន្ត (Adaptive Load Control) និងប្រព័ន្ធជំនួយក្នុងការចាប់ហ្វ្រាំងបន្ទាន់ (Emergency Brake Assistance) ៕
ខាងក្រោមនេះគឺជាសកម្មភាពនៃការសម្ពោធនូវរថយន្ត Ford Ranger ស៊េរីថ្មីនៅទីក្រុងបាងកកប្រទេសថៃ៖
ចែករំលែកព័តមាននេះ