ការឆ្លងរាលដាលនៃវីរុសCOVID-19 ៖ ថ្ងៃទី១១មករាមនុស្សស្លាប់ដំបូងគេដោយសារវីរុសCOVID-19 ត្រូវបានប្រកាសជាផ្លូវការនៅចិន។ ៨ខែក្រោយមកជំងឺនោះដែលរកឃើញក្នុងខែធ្នូឆ្នាំ២០១៩នៅក្រុងវូហាន បណ្ដាលឲ្យមនុស្សស្លាប់ឡើងដល់ជាង១លាននាក់ហើយ ជាមួយការកើនឡើងនៅអឺរ៉ុប តំបន់មជ្ឈឹមបូព៌ា និងអាស៊ីដែលឥណ្ឌានាំមុខគេ។ វីរុសCOVID-19បានឆ្លងរាលដាលខ្លាំងបំផុតនៅចិន…
ការឆ្លងរាលដាលនៃវីរុសCOVID-19 ៖ ថ្ងៃទី១១មករាមនុស្សស្លាប់ដំបូងគេដោយសារវីរុសCOVID-19 ត្រូវបានប្រកាសជាផ្លូវការនៅចិន។ ៨ខែក្រោយមកជំងឺនោះដែលរកឃើញក្នុងខែធ្នូឆ្នាំ២០១៩នៅក្រុងវូហាន បណ្ដាលឲ្យមនុស្សស្លាប់ឡើងដល់ជាង១លាននាក់ហើយ ជាមួយការកើនឡើងនៅអឺរ៉ុប តំបន់មជ្ឈឹមបូព៌ា និងអាស៊ីដែលឥណ្ឌានាំមុខគេ។
វីរុសCOVID-19បានឆ្លងរាលដាលខ្លាំងបំផុតនៅចិន ពិសេសក្នុងទីក្រុងវូហានខេត្តហ៊ឺប៉ី។ ក្នុងរយៈពេលតែ១ខែក្នុងប្រទេសចិនមានអ្នកស្លាប់ជាង១.០០០នាក់។ វីរុសបានចាប់ឆ្លងរាតត្បាតយ៉ាងលឿនទៅក្រៅប្រទេសចិន ដោយនៅហ្វ៊ិលីពីនមានអ្នកស្លាប់ដំបូង នាថ្ងៃទី២កុម្ភៈ ហុងកុងមានអ្នកស្លាប់ដំបូង២ថ្ងៃបន្ទាប់ពីនេះ បន្ទាប់មកជប៉ុនមានអ្នកស្លាប់ដំបូងនាថ្ងៃទី១៣កុម្ភៈ និងបារាំងមានអ្នកស្លាប់ដំបូងថ្ងៃទី១៤កុម្ផៈ។ ក្នុងខែកុម្ភៈប្រទេសនិងដែនដី៣០កំណត់ឃើញចំនួនអ្នកស្លាប់សរុបដល់៤.៥០០នាក់ ក្នុងនោះ២ភាគ៣នៅចិន អ៊ីតាលីមានអ្នកស្លាប់៨០០នាក់ អីុរ៉ង់ស្លាប់៣០០នាក់រួចចំនួនអ្នកស្លាប់បានកើនឡើងយ៉ាងលឿន។
រហូតដល់ពាក់កណ្ដាលខែមេសាចំនួនអ្នកស្លាប់កើនយ៉ាងលឿននៅអឹរ៉ុប និងនៅសហរដ្ឋអាមេរិក។ នៅអឺរ៉ុបពេលនោះចំនួនអ្នកស្លាប់មានជាង៤.០០០នាក់ និងនៅអាមេរិកចំនួនអ្នកស្លាប់មានជាង២.៧០០នាក់ក្នុង១ថ្ងៃគិតជាមធ្យម ក្នុងសប្ដាហ៍ទី២នៃខែមេសា។ ពេលនេះសហរដ្ឋអាមេរិកនៅតែជាប្រទេសរងការប៉ះពាល់ខ្លាំងជាងគេ ដោយអ្នកស្លាប់កើនដល់ជាង២០៤.០០០នាក់។
ក្នុងកម្រិតពិភពលោក សប្ដាហ៍ដែល មានមនុស្សស្លាប់ច្រើនបំផុតគឹពីថ្ងៃទី១៣ទៅ១៩មេសា ជាមួយអ្នកស្លាប់ជាង៧.៤០០នាក់ក្នុង១ថ្ងៃ រួចចំនួនអ្នកស្លាប់សរុប ពេលនោះឡើងដល់ជិត១៧០.០០០នាក់ ជាតួលេខកើន២ដងនៃតួលេខថ្ងៃទី៣១មីនា។
តំបន់អាមេរិកឡាទីននិងការ៉ាអីុបដល់វេនក្លាយជា ចំណុចស្នូលនៃការឆ្លងក្នុងខែមិថុនា។ចាប់តាំងពីថ្ងៃទី១៥កក្កដាមក តំបន់នោះចំនួនអ្នកស្លាប់ក្នុងមួយថៃ្ងៗ គិតជាមធ្យមមានជាង២.៥០០នាក់ រហូតដល់ថ្ងៃទី១៥សីហា។ តួលេខនោះបន្ទាប់មកបានចុះថយយឹតៗ ដោយកាលពីសប្ដាហ៍មុនចំនួនអ្នកស្លាប់គិតជាមធ្យមមានជាង២.០០០នាក់ក្នុង១ថ្ងៃ។
នៅអាស៊ីចំនួនអ្នកស្លាប់មានមិនដល់ ១០០នាក់ផងក្នុង១ថ្ងៃ រហូតដល់ពាក់កណ្ដាលខែមេសា តែចាប់តាំងពីពេលនោះមក បន្តកើនឡើងដោយទ្វីបនេះចំនួនអ្នកស្លាប់មានដល់ជាង១.០០០នាក់ក្នុង១ថ្ងៃ ចាប់តាំងពីថ្ងៃទី២០កក្កដាមក។ ពេលនេះចំនួនអ្នកស្លាប់នៅអាស៊ីបានកើនដល់លើសពី១.៥០០នាក់ក្នុង១ថ្ងៃនាំមុខដោយឥណ្ឌា ដែលចំនួនអ្នកស្លាប់នៅទីនោះ កើនដល់សរុបជាង៩៤.៥០០នាក់ជាមួយអ្នកឆ្លងមានលើសពី៦លាននាក់។
លើពិភពលោកខណៈចំនួនអ្នកស្លាប់កើនដល់លើសពី១លាននាក់ចំនួនអ្នកឆ្លងកើនដល់ជិត៣៣លាននាក់៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ