សហរដ្ឋអាមេរិក ៖ លោកដូណាល់ ត្រាំ កាលពីថ្ងៃទី២៥ កញ្ញា បានធ្វើការសន្យាជាច្រើនចំពោះបណ្ដាអ្នកបោះឆ្នោតស្បែកខ្មៅក្នុងឱកាសនៃអង្គមីទ្ទីងឃោសនាបោះឆ្នោតមួយនៅទីក្រុង ATLANTA រដ្ឋចចជៀក្នុងនោះមានការសន្យាចាត់ទុកអង្គការប្រកាន់ពូជសាសន៍និយម KU KLUX KLAN ជាអង្គការភេរវកម្មរួមជាមួយចលនាធ្វេងនិយមជ្រុល ហៅអង្គការ ANTAFA
ជាក្រុមប្រឆាំងលទ្ធិហ្វាស៊ីស្ត ។
លោកត្រាំដែលឈរឈ្មោះជាបេក្ខជនប្រធានាធិបតី ដើម្បីដណ្ដើមយកអាណត្តិទី២នៅបាន
សន្យាបង្កើតការងារឲ្យបានច្រើនថែមទៀត សម្រាប់សហគមន៍ស្បែកខ្មៅ និងជួយទ្រទ្រង់ដល់បណ្ដាសហគ្រាសដែលដឹកនាំដោយពួកស្បែកខ្មៅ ។
យោងតាមមជ្ឈមណ្ឌលស្ទាបស្ទង់មតិ PEW RESEARCH CENTER ថា ជនស្បែកខ្មៅអាមេរិកជាង៨៥%គាំទ្រគណបក្ស ប្រជាធិបតេយ្យឬក៏មានសមានចិត្តចំពោះគណបក្សនេះ ។
ក្នុងមីទ្ទីងនៅក្រុង ATLANTA លោកត្រាំ ដែលរងការរិះគន់ខ្លាំងបំផុត ដោយសារតែចំហររបស់លោក ចំពោះចលនា BLACK LIVES MATTER ដែលតវ៉ាប្រឆាំងការប្រកាន់ពូជសាសន៍ និងអំពើឃោរឃៅរបស់ប៉ូលិសអះអាងថា អតីតអនុប្រធានាធិបតីលោក JOE BIDEN ជាអ្នកមិនស្គាល់ជនស្បែកខ្មៅអាមេរិកច្បាស់ ដូចលោកបានស្គាល់ឡើយ ។
លោកត្រាំរហូតដល់សន្យាកំណត់យកថ្ងៃទី១៩ មិថុនា ប្រារព្ធធ្វើក្នុងកម្រិតសហព័ន្ធ ទិវាបញ្ចប់ទាសភាពនៅសហរដ្ឋអាមេរិក ។ តាមពិតទៅមានតែសភាទេដែលមានអំណាចបង្កើតទិវាមួយបែបនោះក្នុងកម្រិតសហព័ន្ធ ហើយប្រធានាធិបតីពុំបានពន្យល់ឡើយ ថាហេតុអីបានជាលោកមានបំណងអនុវត្តការសម្រេចចិត្តនោះរបស់លោក ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ