ប្រទេសអ៊ុយក្រែន ៖ យោងតាមតុល្យការចុងក្រោយមួយថា មនុស្ស២៦នាក់ភាគច្រើនជា
សិស្សសាលាយោធាមួយ បានត្រូវបាត់បង់ជីវិត ដោយសារការធ្លាក់យន្តហោះដឹកជញ្ជូនយោធា មួយគ្រឿង កាលពីថ្ងៃទី២៥ ខែកញ្ញា ឆ្នាំ ២០២០ ខណៈពេលកំពុងហោះហើរហ្វឹកហ្វឺននៅភាគខាងកើតអ៊ុយក្រែន ។
តាម FACEBOOK ប្រធានាធិបតីអ៊ុយក្រែន លោក VOLODYMYR ZELENSKY ដែលទៅកាន់កន្លែងយន្តហោះធ្លាក់ បានថ្លែងនាថ្ងៃទី២៦ ខែកញ្ញា នេះថា អ៊ុយក្រែនបានបាត់បង់កុលបុត្ររបស់ខ្លួន២៦នាក់ ។ លោកប្រកាសពីទិវាកាន់ទុក្ខជាតិមួយនាថ្ងៃទី២៦ កញ្ញា ។
តុល្យការលើកមុនរៀបរាប់ពីមនុស្សបាត់បង់ជីវិត២៣នាក់ និងបាត់ខ្លួន២នាក់ ។ សរុបយន្តហោះ នោះមានមនុស្សជិះ២៧នាក់ ក្នុងនោះមានសមាជិកក្រុមយានិក៧នាក់ និងនិស្សិត២០នាក់នៃ
សាកលវិទ្យាល័យ អាកាសចរណ៍ជាតិនៅទីក្រុងខាគៀវ ។ និស្សិត២នាក់នៅរស់រានមានជីវិត តែ
ម្នាក់ដែលស្ថិតក្នុងស្ថានភាពធ្ងន់ធ្ងរបំផុតក៏បានបាត់បង់ជីវិតកាលពីព្រឹកថ្ងៃទី២៦ កញ្ញា ។
យន្តហោះធុន ANTONOV-26 នោះ បានធ្លាក់កាលពីយប់ថ្ងៃទី២៥ កញ្ញា នៅកន្លែងមួយចម្ងាយ២គីឡូម៉ែត្រ ពីព្រលានយន្តហោះយោធាTCHOUGOUIV ជិតក្រុងខាគៀវ ។ តាមព័ត៌មានដំបូងនានាថា អ្នកបើកយន្តហោះនោះបានរាយការណ៍ពីការគាំងម៉ាស៊ីនមួយ៧នាទីមុនពេលយន្តហោះធ្លាក់ ។ អ្នកបើកពេលនោះបានសុំធ្វើការចុះចតបន្ទាន់ ។ បណ្ដានិស្សិតរៀនបើកយន្តហោះមិនបានចូលរួមក្នុងការបើកឡើយ ។
រដ្ឋមន្ត្រីការពារប្រទេសអ៊ុយក្រែន លោកអាឌ្រី អ៊ីតារ៉ាន អះអាងថា យន្តហោះនោះពេលធ្លាក់ស្លាបវាម្ខាងបានបុកដី ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ