រាជធានីភ្នំពេញ ៖ ជនសង្ស័យជាមុខសញ្ញាឆក់ប្រដាប់អាវុធចំនួន៣នាក់ ត្រូវបានកម្លាំង នគរបាលព្រហ្មទណ្ឌកំរិតស្រាលនៃស្នងការនគរបាលរាជធានីភ្នំពេញស្រាវជ្រាវ ហើយឈានទៅឃាត់ខ្លួនដល់ក្នុងផ្ទះសំណាក់ ព្រមទាំងដកហូតបានកាំភ្លើងខ្លីម៉ាកកា៥៩មួយដើម។ ការឃាត់ខ្លួនមុខសញ្ញាឆក់ខាងលើនេះ បានធ្វើឡើងកាលពីវេលាម៉ោងប្រមាណ៣រសៀលថ្ងៃទី២៦ ខែកញ្ញា…
រាជធានីភ្នំពេញ ៖ ជនសង្ស័យជាមុខសញ្ញាឆក់ប្រដាប់អាវុធចំនួន៣នាក់ ត្រូវបានកម្លាំង នគរបាលព្រហ្មទណ្ឌកំរិតស្រាលនៃស្នងការនគរបាលរាជធានីភ្នំពេញស្រាវជ្រាវ ហើយឈានទៅឃាត់ខ្លួនដល់ក្នុងផ្ទះសំណាក់ ព្រមទាំងដកហូតបានកាំភ្លើងខ្លីម៉ាកកា៥៩មួយដើម។
ការឃាត់ខ្លួនមុខសញ្ញាឆក់ខាងលើនេះ បានធ្វើឡើងកាលពីវេលាម៉ោងប្រមាណ៣រសៀលថ្ងៃទី២៦ ខែកញ្ញា ឆ្នាំ២០២០ នៅក្នុងផ្ទះសំណាក់កាកា ដែលស្ថិតនៅភូមិ ក្រោលគោ សង្កាត់គីឡូម៉ែត្រលេខ ៦ ខណ្ឌឫស្សីកែវ រាជធានីភ្នំពេញ។
ជនសង្ស័យរូបនោះ ពុំត្រូវបាននគរបាលអោយស្គាល់អត្តសញ្ញាណនោះឡើយ ដោយភ្លាមៗ បញ្ជូនទៅសាកសួរនៅការិយាល័យ ។
តាមនគរបាលអោយដឹងថា ដោយមានការស្រាវជ្រាវសមត្ថកិច្ច ក៍បានកំណង់មុខសញ្ញាជនសង្ស័យដែលតែងតែធ្វើសកម្មភាពឆក់ នៅក្នុងរាជធានី ភ្នំពេញហើយ កំពុងតែជួបប្រមូលគ្នា ប្រុងចេញធ្វើសកម្មភាព ។ ខណះនោះ សមត្ថកិច្ចក៏បានចុះទៅធ្វើការឡោមព័ទ្ធផ្ទះសំណាក់ ហើយគោះទ្វារអោយជនសង្ស័យបើក ក៍សម្រុកចូលទៅគំរាមភ្ជង់ឆែកឆេរ និងចាប់វាយខ្នោះនិងដកហូតបានកាំភ្លើង ខ្លីម៉ាកK៥៩មួយដើម។
តាមនគរបាលបានអោយដឹងទៀតថា ក្រុមជនសង្ស័យជាមុខសញ្ញាឆក់យ៉ាងសកម្ម ដោយមានប្រដាប់អាវុធ ។ នៅក្នុងប្រតិបត្តិការ សមត្ថកិច្ចបានឃាត់ខ្លួនទាំង៤នាក់ តែ ជាប់ពាក់ព័ន្ធតែ៣នាក់នោះទេ ។ ជនសង្ស័យ ត្រូវបានសមត្ថកិច្ចបញ្ជូនទៅកាន់ការិយាល័យ ដើម្បីសាកសួរនិងចាត់ការតាមច្បាប់៕ (កែសម្រួលដោយ ៖ ធីតា)
ចែករំលែកព័តមាននេះ