កងទ័ពសម្ព័ន្ធមិត្តមានប្រទេសបារាំង អង់គេស និងសហរដ្ឋអាមេរិក ពេលនេះបានត្រៀមខ្លួនរួចជាស្រេចដើម្បីបើកការវាយប្រហារមួយឈុតថ្មីទៀត ប្រឆាំងមេដឹកនាំផ្តាច់ការលីប៊ី លោកមូអាម៉ា កាដាហ្វី ដើម្បីអនុវត្ត និងពង្រឹងដំណោះស្រាយរបស់ក្រុមប្រឹក្សាសន្តិសុខ អង្គការសហប្រជាជាតិ សំដៅរារាំងលោកកាដាហ្វី កុំឱ្យវាយប្រហារប្រឆាំងជនស៊ីវិល ។
ការវាយប្រហារមួយឈុតដំបូងពីលើអាកាស និងពីក្នុងសមុទ្រដោយប្រទេសមហាអំណាចពិភពលោកចំនួន៣ប្រឆាំងលីប៊ីធ្វើឱ្យមេដឹកនាំប្រទេសនេះព្រមានពីការកើតមានសង្គ្រាមរយៈពេលវែងនៅសមរភូមិសមុទ្រមេឌីទែរ៉ាណេ។
យន្តហោះចម្បាំងអារ៉ាប់ និងយន្តហោះចម្បាំងរបស់ប្រទេសលោកខាងលិចកំពុងប្រមូលផ្តុំគ្នានៅមូលដ្ឋានទ័ពអាកាសរបស់ប្រទេសអ៊ីតាលីត្រៀមចូលរួមយុទ្ធនាការជាអន្តរជាតិប្រឆាំងលីប៊ី ។ រដ្ឋមន្ត្រីការពារប្រទេសអ៊ីតាលីលោក Ignazio La Russa ថ្លែងថា ក្រុងរ៉ូមបានត្រៀមយន្តហោះចម្បាំង៨គ្រឿងសម្រាប់ប្រតិបត្តិការសឹកប្រឆាំងលីប៊ី ហើយយន្តហោះទាំងនេះអាចប្រើប្រាស់នៅពេលណាក៏បាន ។
ការវាយប្រហារដោយមីស៊ីលរបស់ប្រទេសមហាអំណាចពិភពលោក បារាំង អង់គ្លេស និងសហរដ្ឋអាមេរិក កាលពីថ្ងៃទី២០ មីនា កន្លងមក បានបំផ្លាញស្ទើរតែទាំងស្រុងនូវមូលដ្ឋានយ៉ាងរឹងមាំមួយដែលគេជឿថាជារបស់លោកកាដាហ្វី ៕
ចែករំលែកព័តមាននេះ