ខេត្តកណ្ដាល ៖ កាលពីរសៀលថ្ងៃទី២៥ កញ្ញា មានការភ្ញាក់ផ្អើលមួយបានកើតឡើងនៅភូមិទួលត្នោត ឃុំគគី ស្រុកកៀនស្វាយ ខេត្តកណ្តាល ដោយស្ត្រីម្នាក់បានឈ្លោះទាស់ទែងពាក្យសំដីជាមួយកូន ក៏ខឹងចិត្តទិញថ្នាំលេបប៉ុនប៉ងសម្លាប់…
ខេត្តកណ្ដាល ៖ កាលពីរសៀលថ្ងៃទី២៥ កញ្ញា មានការភ្ញាក់ផ្អើលមួយបានកើតឡើងនៅភូមិទួលត្នោត ឃុំគគី ស្រុកកៀនស្វាយ ខេត្តកណ្តាល ដោយស្ត្រីម្នាក់បានឈ្លោះទាស់ទែងពាក្យសំដីជាមួយកូន ក៏ខឹងចិត្តទិញថ្នាំលេបប៉ុនប៉ងសម្លាប់ ប៉ុន្តែទំនងដឹងថាខ្លាចមិនស្លាប់ ក៏លោតចូលក្នុងទឹកជីវិតតែម្តង ។
សេចក្តីរាយការណ៍បន្តថា ស្ត្រីរងគ្រោះឈ្មោះ គឹម ហៀង អាយុ៥០ឆ្នាំ ជាកសិករ មានទីលំនៅភូមិ ទួលត្នោត ឃុំ គគីរ ស្រុកកៀនស្វាយ ខេត្តកណ្តាល ។ ករណីខាងលើនេះបើតាមការបំភ្លឺ របស់បុរសឈ្មោះ លី សាង អាយុ៥៥ឆ្នាំ ត្រូវជាប្តីជនរងគ្រោះបានប្រាប់សមត្ថកិច្ចថា នៅវេលាម៉ោង៨ និង២០នាទីព្រឹកថ្ងៃខែដដែលនេះ ជនរងគ្រោះ និងកូនស្រីឈ្មោះ លី សៀវម៉ី អាយុ១៥ឆ្នាំបានឈ្លោះប្រកែកគ្នា រួចជនរងគ្រោះបានអង្គុយយំនៅក្នុងផ្ទះ ហើយនិយាយថា ចាំមើលអញ់ទៅផ្សាររកទិញថ្នាំមកលេបសម្លាប់ខ្លួនឱ្យ
ងាប់ ។
មួយសន្ទុះក្រោយ ជនរងគ្រោះបានត្រឡប់មកពីផ្សារវិញ ហើយបានចូលទៅសំងំដេកក្នុងបន្ទប់ នឹងបានលេបថ្នាំប្រភេទយ៉ាសំប៉ាម(ថ្នាំងងុយដេក)អស់ចំនួន១០គ្រាប់ ដែលសល់សំបកថ្នាំនៅកន្លែងដេកជាវត្ថុតាង ។ ប្តីបន្តថា បន្ទាប់មក នៅវេលាម៉ោង១១ព្រឹក ជនរងគ្រោះទំនងដឹងថា ជាតិថ្នាំងងុយដេកជ្រាបចូលក្នុងខ្លួនមិនអាចស្លាប់ក៏ដើរចេញទៅសំដៅស្រះត្រីខាងមុខផ្ទះ រួចលោតចុះក្នុងអណ្តូងទឹក ឃើញដូច្នោះគាត់ (លី សាង ជាប្តី) បានស្រែកឲ្យគេជួយ ភ្លាមនោះកម្មករ ដែលធ្វើការនៅស្រះត្រី បាននាំគ្នាជួយស្រង់ជនរងគ្រោះ រួចបានយកជនរងគ្រោះ ទៅគ្លីនិច ឯកជន ដើម្បីជួយសង្គ្រោះ ពេលទៅដល់ពេទ្យបានជួយសុងក្រពះដែរ តែជនរងគ្រោះបានផុតទៅហើយ ។
ចែករំលែកព័តមាននេះ