រាជធានីភ្នំពេញ ៖ នេះជារដូវកាលគណៈមេធាវី នៃព្រះរាជាណាចក្រកម្ពុជា បើកការយុទ្ធនាការ ឃោសនា រកសម្លេងឆ្នោត ដើម្បីគាំទ្របេក្ខភាពជាប្រធានគណៈមេធាវីអណត្តិទី១៣ បន្តវេនពីប្រធានចាស់ដែលចប់អណត្តិ៤ ឆ្នាំកន្លងមក…
រាជធានីភ្នំពេញ ៖ នេះជារដូវកាលគណៈមេធាវី នៃព្រះរាជាណាចក្រកម្ពុជា បើកការយុទ្ធនាការ ឃោសនា រកសម្លេងឆ្នោត ដើម្បីគាំទ្របេក្ខភាពជាប្រធានគណៈមេធាវីអណត្តិទី១៣ បន្តវេនពីប្រធានចាស់ដែលចប់អណត្តិ៤ ឆ្នាំកន្លងមក ។ បេក្ខជនដែលបានប្រកាសឈរឈ្មោះជាប្រធានគណៈមេធាវីមានរូបមាន ៖
១.លោកមេធាវី លី ច័ន្ទតុលា មកពី ក្រុមហ៊ុនមេធាវី អេស វី ភី
២.លោកមេធាវី កែត ឃី ក្រុមមេធាវី ពន្លឺយុត្តិធម៍
៣.លោកមេធាវី សំ សុខគង់ មកពី ក្រុមមេធាវី ប៊ី ប៊ី ស៊ី
៤.លោកមេធាវី សេក សោភ័ណ្ឌ មកពី ការិយាល័យមេធាវី រ៉ៃ & ប៊ីស៊ីនីស
៥.លោកមេធាវី ស សូវាន ។
ដំបូងលោកមេធាវី ឡុង ដារ៉ា បានឈរឈ្មោះជាបេក្ខភាពដែរ ប៉ុន្តែក្រោយមកបានសុំដកពាក្យវិញ ដោយលោកបញ្ជាក់ពីមូលហេតុថា បណ្តាលមកពី សុខភាព ដូច្នោះមានតែ៥ នាក់ទេឈរឈ្មោះជាបេក្ខជនប្រធានគណៈមេធាវីអាណត្តិទី១៣ នេះ ។
បានកត់សម្គាល់ឃើញថា ប្រធានគណៈមេធាវីមិនទាន់ផុតអាណត្តិ គឺលោក សួន វិសាល ដែលលោកបានធ្វើជាប្រធាន២ អាណត្តិមកហើយ មានរយៈ ពេល៤ឆ្នាំ តែត្រូវបានបញ្ចប់នៅថ្ងៃទី១៦ ខែតុលា ឆ្នាំ២០២០ ដូច្នេះទើបបា នជាគណៈមេធាវី តម្រូវឲ្យមានការជ្រើសរើសមេធាវីជើងចាស់ និងជើងថ្មីរាប់រយពាន់នាក់ ដែលមានលទ្ធភាព និងសមត្តភាព ដាក់ពាក្យឈរឈ្មោះជាបេ ក្ខភាព ដើម្បីបោះឆ្នោតធ្វើជាប្រធាន សម្រាប់បន្តវេនដឹកនាំគណៈមេធាវីជំនួសលោក សួន វិសាល នឹងត្រូវផុតអាណត្តិ ។
ជាក់ស្តែងមានមេធាវី៥ រូបដូចមាន ឈ្មោះខាងលើ បាន នឹងកំពង់យុទ្ធនាការស្វែងរកសន្លឹកឆ្នោតតាម រយៈសហភាតាឲ្យជួយគាំទ្រនោះ ។ បានកត់សម្គាល់ទៀតថា ក្នុងយុទ្ធនាការ នៃការឃោសនារកសម្លេងឆ្នោតនេះ ចាប់ផ្តើមពីថ្ងៃទី១៦ ខែកញ្ញា ដល់ថ្ងៃទី ១៦ ខែតុលា ឆ្នាំ២០២០ ពោលគឺ១ខែគត់ នឹងត្រូវបញ្ចប់វិញ ដោយប្រកាសលទ្ធផលបេក្ខភាពប្រធានគណៈមេធាវីតែម្តង ។ តាមសន្ទុះ នៃយុទ្ធនាការឃោសនារកសម្រេងឆ្នោតនេះ គេបានសង្កេតឃើញបេក្ខភាពដែលមានភាពលេចធ្លោជាងគេគឺលោកមេធាវី លី ច័ន្ទតុលា មកពីក្រុមហ៊ុនមេធាវី អេស វី ភី ដែលមេធាវីសហភាតាភាគច្រើនមានការគាំទ្រ ។ មូលហេតុ នៃការផ្តើមចេញឲ្យមានការគាំទ្រលោកមេធាវី លី ច័ន្ទតុលា (ធ្វើប្រធាន) ដោយសារលោកមេធាវី លី ច័ន្ទតុលា ជាសាស្ត្រាចារ្យមួយរូប មានឧត្តមភាព កិត្យានុភាព នៃវិជ្ជាជីវៈមេធាវី ប្រកបដោយចំណេះដឹង ចំណេះធ្វើ បទពិសោធន៍ ជំនាញ ទំនាក់ទំន ង ផែនការច្បាស់លាស់ សីលធម៍ រួមទាំងការប្តេជ្ញាចិត្តខ្ពង់ខ្ពស់ទៀតផង ។ សំខាន់ទៀតនោះលោកមេធាវី លី ច័ន្ទតុលា បានដាក់ចេញ នូវគោលនយោ បាយ៨ ចំណុច សម្រាប់អនុវត្ត និងការដឹកនាំគណៈមេធាវី នៃព្រះរាជាណា ចក្រកម្ពុជា អាណត្តិទី១៣ ឆ្នាំ២០២០.២០២២ ដោយសហការជាមួយស មាជិក សមាជិកានៃក្រុមប្រឹក្សាគណៈមេធាវី និងសហភាតាទាំងអស់នោះ ។
១.រឹតបន្តឹងការសុំចូលប្រកមវិជ្ជាជីវៈមេធាវីតាមបទពិសោធន៍ (មាត្រា៣២) និងការប្រឡងចូលជាមេធាវី តាម (មាត្រា៣១) ដោយយកគុណភាព និងសមត្តភាពជាគោល ។
២.ពង្រឹង និងលើកកម្ពស់សមត្តភាពមេធាវី តាមរយៈការបង្កើនវគ្គបណ្តុះ បណ្តាល សិក្ខាសាលា ការដកស្រង់ និងផ្លាស់ប្តូរបទពិសោធន៍ ទស្សនកិច្ចសិក្សា ទាំងក្នុង និងក្រៅប្រទេស ។៣.ពង្រឹងកិច្ចសហការ ការផ្តល់តម្លៃ និងការយោគយល់គ្នាជាស្ថាប័នជាតិ និងអន្តរជាតិ ជាពិសេសជាមួយស្ថាប័ននគរបាលយុត្តធម៍ ពន្ធនាគារ និងស្ថាប័នតុលាការ ។
៤.បង្កើនការផ្សព្វផ្សាយឲ្យបានកាន់តែទូលំទូលាយអំពីតួនាទីរបស់មេធាវី និងកិច្ចការទាំងឡាយដែលមេធាវីអាចផ្តល់ឲ្យអតិថិជន ។
៥.ពង្រឹងទំហ៊ុការងារដែលមេធាវីអាចផ្តល់ឲ្យអតិថិជន ឲ្យបានកាន់តែច្រើន និងប្រឆាំងការប្រកួតប្រជែងខុសច្បាប់ ពីសំណាក់បុគ្គលដែលមិនមានសិទ្ធិជាមេធាវី ។
៦.បង្កើតយន្តការផ្តល់តម្លៃ និងកិត្តិយសដល់មេធាវី ដែលមានស្នាដៃលេច ធ្លោនៅក្នុងការជួយដល់គណៈមេធាវី វិជ្ជាជីវៈមេធាវី និងកិច្ចការយុត្តិធម៍នៅ ក្នុងសង្គម ។
៧.បន្តអនុវត្ត និងពង្រឹងយន្តការសុខមាលភាពមេធាវីទាំងអស់ ជាពិសេសយន្តការទាក់ទង នឹងមូលនិធិសម្រាប់ជួយមេធាវីដែលមានវ័យចំណាស់ និងមានជម្ងឺធ្ងន់ធ្ងរ ។
៨.បង្កើនអន្តរកម្មរវាងគណៈមេធាវី និងមេធាវីទាំងអស់ និងការផ្តល់សេវាឲ្យបានកាន់តែប្រសើរជូនដល់មេធាវីទាំងអស់ ។ គោលនយោបាយល្អៗ ៨ ចំណុចនេះហើយ បានធ្វើឲ្យមេធាវីសហភាតាភាគច្រើន មានជំជឿទុកចិត្ត និងគាំទ្រលោកមេធាវី លី ច័ន្ទតុលា បោះឆ្នោតឲ្យធ្វើជាប្រធានគណៈមេធាវី ពិសេសទៀតនោះ គេបានពិនិត្យឃើញកាយវិការរបស់លោក សួន វិសាល រៀបចំឥរិយាបទទោទន់ ចំពោះបេក្ខភាពដឹកនាំរបស់មេធាវី លី ច័ន្ទតុលា ដែ លនោះសបញ្ជាក់ឲ្យឃើញថា សូម្បីតែប្រធានចាស់ដែល និងត្រូវផុតអាណត្តិក៏មានការពេញចិត្តបេក្ខជនលោកមេធាវី លី ច័ន្ទតុលា ឲ្យធ្វើជាប្រធានគណៈ មេធាវីបន្តវេនអាណត្តិទី១៣ នេះដែរ តាមរយៈក្នុងពិធីជួបជុំទទួលទានអា ហារជាលក្ខណៈភាតរភាព ។
ជាងនេះទៀតគេបានឃើញមន្ត្រីរាជការបម្រើ ការងាររាជរដ្ឋាភិបាលជាច្រើន អប អរសាទរ ចំពោះបេក្ខភាពលោកមេធាវី លី ច័ន្ទតុលា ជាក់ស្តែងនោះវត្តមានលោក កើត រិទ្ធ រដ្ឋមន្ត្រីក្រសួងយុត្តិធម៍ ក៏បា នចូលរួមស្វាគមន៍ តាមរយៈយុទ្ធនាការឃោសនារកសម្លេងឆ្នោតរបស់លោកមេធាវី លី ច័ន្ទតុលា ដែរ នោះបញ្ជាក់ឲ្យឃើញកាន់តែច្បាស់ថា ទាំងមន្ត្រីស្ថា ប័នអង្គភាពសាធារណៈរបស់រដ្ឋពេញចិត្តបេក្ខភាពលោកមេធាវី លី ច័ន្ទតុលា ឲ្យឡើងធ្វើជាប្រធានគណៈមេធាវីអាណត្តិថ្មីនេះគ្រប់គ្នា ។ ដូច្នេះបើមើលតាមសន្ទុះនៃយុទ្ធ នាការឃោសនារកសម្លេងឆ្នោតក្នុងរយៈ១ខែនេះ ប្រធានគណៈមេធាវី នៃព្រះ រាជាណាកម្ពុជាអាណត្តិទី១៣ ឆ្នាំ២០២០.២០២២ នេះ និងត្រូវធ្លាក់លើដៃលោកមេធាវី លី ច័ន្ទតុលា គ្រប់គ្រងដឹកនាំជាប្រធានជាក់ជាមិនខាន ៕
ចែករំលែកព័តមាននេះ