ខេត្តសៀមរាប ៖ ក្រោយពីទទួលបណ្តឹងតាមរយៈទូរស័ព្ទរបស់ជនរងគ្រោះ និងដោយមានការដឹកនាំបញ្ជាផ្ទាល់ពីលោកវរសេនីយ៍ឯក ណុប សារ៉ាក់ អធិការនគរបាលក្រុងសៀមរាប បានឱ្យកម្លាំងសមត្ថកិច្ចនគរបាលសង្កាត់ជ្រាវដែលកំពុងល្បាតក្នុងមូលដ្ឋាន ចុះទៅដល់កន្លែងកើតហេតុ អនុវត្តន៍ការងារជំនាញ…
ខេត្តសៀមរាប ៖ ក្រោយពីទទួលបណ្តឹងតាមរយៈទូរស័ព្ទរបស់ជនរងគ្រោះ និងដោយមានការដឹកនាំបញ្ជាផ្ទាល់ពីលោកវរសេនីយ៍ឯក ណុប សារ៉ាក់ អធិការនគរបាលក្រុងសៀមរាប បានឱ្យកម្លាំងសមត្ថកិច្ចនគរបាលសង្កាត់ជ្រាវដែលកំពុងល្បាតក្នុងមូលដ្ឋាន ចុះទៅដល់កន្លែងកើតហេតុ អនុវត្តន៍ការងារជំនាញ ព្រមទាំងកំណត់បានមុខសញ្ញាគាស់ផ្ទះ និងស្វែងរក រហូតឃាត់ខ្លួនជនសង្ស័យបានម្នាក់ យកមកសួរនាំនៅអធិការដ្ឋាននគរបាលក្រុង ដើម្បីរៀបចំកសាងសំណុំរឿងបញ្ជូនខ្លួនទៅតុលាការខេត្ត ចាត់ការបន្តតាមនីតិវិធីច្បាប់។
ហេតុការណ៍ឃាត់ខ្លួនជនសង្ស័យម្នាក់ខាងលើធ្វើឡើងកាលពីវេលាម៉ោង១១និង៣០នាទីយប់ថ្ងៃទី២៣ ខែកញ្ញា ឆ្នាំ២០២០ ស្ថិតនៅត្រង់ចំណុចត្រង់ផ្លូវជាតិលេខ៦ មុខផ្លូវចូលបុរីសៀង ណាំ ស្ថិតក្នុងភូមិខ្នារ សង្កាត់ជ្រាវ ក្រុងសៀមរាប ខេត្តសៀមរាប។
លោកវរសេនីយ៍ឯក ណុប សារ៉ាក់ អធិការនគរបាលក្រុងសៀមរាប បានប្រាប់កាលពីវេលាម៉ោង៩និង៣០នាទីព្រឹកថ្ងៃទី២៥ ខែកញ្ញា ឆ្នាំ២០២០ នេះថា ជនសង្ស័យឈ្មោះ គ្រី ភារិន ភេទប្រុស អាយុ២៣ឆ្នាំ មុខរបរមិនពិតប្រាកដ មានស្រុកកំណើតនៅភូមិត្រពាំងព្រីង សង្កាត់ត្រពាំងព្រីង ក្រុងក្រចេះ ខេត្តក្រចេះ ។
លោកវរសេនីយ៍ឯកបានបញ្ជាក់ថា ជនរងគ្រោះឈ្មោះលាំ លាត ភេទប្រុស អាយុ២៤ឆ្នាំរស់នៅភូមិកើតហេតុខាងលើ ដោយបាត់បង់សម្ភារៈរួមមាន កុំព្យូទ័រចំនួន២គ្រឿង ទូរស័ព្ទម៉ាកណូគារអិនចុចពិលចំនួន៣គ្រឿង កាបូបមានលុយចំនួន៦០០០រៀល នាឡិកាចំនួន៣គ្រឿង កាក់ប្រាក់បាត១ថង់ដៃ នឹងកាបូបស្ពាយចំនួន២ ខោអាវមួយចំនួន ព្រមទាំងចិញ្ជៀនប្លាទីន១វង់ ។
ក្រោយការសាកសួរ ជនសង្ស័យខាងលើបានឆ្លើយសារភាពថា ខ្លួនពិតជាបានធ្វើសកម្មភាពលួចនៅក្រុងសៀមរាបចំនួន២លើក ដោយលើកទី១ កាលពីវេលាម៉ោង៧ព្រឹកថ្ងៃទី២៣ ខែកញ្ញា ឆ្នាំ២០២០ ស្ថិតនៅភូមិតាភុល សង្កាត់ស្វាយដង្គំ ក្រុងសៀមរាប ខេត្តសៀមរាប បានធ្វើសកម្មភាពលួចទូរស័ព្ទមួយគ្រឿង (ជនរងគ្រោះមិនទាន់ប្តឹង) និង លើកទី២ កាលពីវេលាម៉ោង១១និង៣០នាទីយប់ថ្ងៃទី២៣ ខែកញ្ញា ឆ្នាំ២០២០ ស្ថិតក្នងបុរីសៀងណាំ ក្នុងភូមិខ្នារ សង្កាត់ជ្រាវ ក្រុងសៀមរាប ខេត្តសៀមរាប ធ្វើសកម្មភាពគាស់ផ្ទះរបស់ជនរងគ្រោះឈ្មោះ លាំ លាត លួចយកទ្រព្យសម្បត្តិ ហើយក៏ត្រូវជនរងគ្រោះប្តឹងឱ្យចាប់ខ្លួនតែម្តង។
ជនសង្ស័យបានឆ្លើយសារភាពបន្ថែមទៀតថា ចាប់ពីឆ្នាំ២០១៨ មកទល់ពេលនេះ ខ្លួនធ្លាប់បានធ្វើសកម្មភាពលួចគាស់ទម្លុះទម្លាយផ្ទះប្រជាពលដ្ឋបានជាង២០ដង នៅក្រុងក្រចេះ ខេត្តក្រចេះ ។
ក្រោយសួរនាំរួច សមត្ថកិច្បានជនសង្ស័យធ្វើតេស្តរកសារធាតុញៀន ជាលទ្ធផលរកឃើញវិជ្ជមាន។
បច្ចុប្បន្ន ជនសង្ស័យត្រូវបានកម្លាំងជំនាញរៀបចំកសាងសំណុំរឿង ដើម្បីបញ្ជូនខ្លួនទៅសាលាដំបូង ដើម្បីទទួលទោសតាមច្បាប់ ។ ដោយឡែក ទ្រព្យសម្បត្តិដែលដកហូតបាន ត្រូវបានសមត្ថកិច្ចប្រគល់ជូនជនរងគ្រោះវិញ៕ (កែសម្រួលដោយ ៖ ធីតា)
ចែករំលែកព័តមាននេះ