ខេត្តមណ្ឌលគិរី ៖ បង្គោលរបងព័ទ្ធយកដីព្រៃនិងវត្ថុតាងបទល្មើសព្រៃឈើ ត្រូវបានមន្ត្រីឧទ្យានុរក្សប្រចាំខេត្តមណ្ឌលគិរី ធ្វើការបង្ក្របជាបន្តបន្ទាប់ ក្រោយជនល្មើសលួចធ្វើសកម្មភាពក្នុងព្រៃហាមឃាត់ ។ សេចក្តីរាយការណ៍បានឲ្យដឹងថា នៅថ្ងៃទី២២ កញ្ញា…
ខេត្តមណ្ឌលគិរី ៖ បង្គោលរបងព័ទ្ធយកដីព្រៃនិងវត្ថុតាងបទល្មើសព្រៃឈើ ត្រូវបានមន្ត្រីឧទ្យានុរក្សប្រចាំខេត្តមណ្ឌលគិរី ធ្វើការបង្ក្របជាបន្តបន្ទាប់ ក្រោយជនល្មើសលួចធ្វើសកម្មភាពក្នុងព្រៃហាមឃាត់ ។
សេចក្តីរាយការណ៍បានឲ្យដឹងថា នៅថ្ងៃទី២២ កញ្ញា ឆ្នាំ២០២០ មន្ត្រីឧទ្យានុរក្សនៃដែនជម្រកសត្វព្រៃស្រែពក ប្រចាំស្នាក់ការមេម៉ង់ បានសហការជាមួយមន្ត្រីប្រចាំស្នាក់ការរងចុងផ្លាស់ បានចុះល្បាតត្រង់ចំណុចផ្លូវក្រង់រតែស្ថិតក្នុងភូមិខ្ញែង ឃុំចុងផ្លាស់ ស្រុកកែវសីមា ខេត្តមណ្ឌលគិរី បានជួបជនសង្ស័យចំនួន២នាក់ជិះម៉ូតូចំនួន០១គ្រឿង (រត់គេចខ្លួនចូលព្រៃ) មានសត្វឈ្លូសងាប់ចំនួន០១ក្បាល (ដោយអន្ទាក់) ក្រុមការងារសម្រេចរឹបអូសវត្ថុតាងម៉ូតូម៉ាកWave ពណ៍ទឹកសមុទ្រ គ្មានស្លាកលេខ ចំនួន០១គ្រឿង យកមករក្សាទុកនៅស្នាក់ការបរិស្ថានមេម៉ង់ ចំណែកសត្វឈ្លូស(ងាប់)ចំនួន០១ក្បាល(ដុតបំផ្លាញចោល)នៅបរិវេណស្នាក់ការមេម៉ង់។ក្រុមការងារកំពុងស្រាវជ្រាវរកជនសង្ស័យ ដើម្បីអនុវត្តតាមនិតិវិធីច្បាប់ស្តីពីតំបន់ការពារធម្មជាតិ។
ដោយឡែក នៅថ្ងៃទី២៣ កញ្ញា ឆ្នាំ២០២០ មន្ត្រីឧទ្យានុរក្សស្នាក់ការកង់ឡង់ទួលស
ស្វាយបានចុះល្បាតត្រង់ចំណុចផ្លូវ៣១ ស្ថិតនៅភូមិពូឡេះ ឃុំដាក់ដាំ ស្រុកអូររាំង ខេត្តមណ្ឌលគិរី បានធ្វើការដកបង្គោលបានចំនួន១២បង្គោល ដែលជនមិនស្គាល់មុខបានលួចបោះហ៊ុំព័ទ្ធ ដើម្បីចាប់យកដីព្រៃដែលជាដីដែនជម្រកសត្វព្រៃភ្នំណាមលៀរធ្វើជាកម្មសិទ្ធិ៕
ចែករំលែកព័តមាននេះ