ព្រោះតែបំណុល១លានរៀល ស្ត្រីម្នាក់សម្រេចចិត្តចង.កស្លា.ប់ចោលប្តី និងកូន៨នាក់
ខេត្តកំពង់ឆ្នាំង ៖ ស្ត្រីម្នាក់បានដាច់ចិត្តចង.កសម្លា.ប់ខ្លួនចោលប្តី និងកូន៨នាក់ ព្រោះតែតូចចិត្តជំពាក់លុយគេជាង១លានរៀលពុំមានអី្វសង ។
ខេត្តកំពង់ឆ្នាំង ៖ ស្ត្រីម្នាក់បានដាច់ចិត្តចង.កសម្លាប់ខ្លួនចោលប្តី និងកូន៨នាក់ ព្រោះតែតូចចិត្តជំពាក់លុយគេជាង១លានរៀលពុំមានអី្វសង ។ ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង៩និង៣០នាទីព្រឹក ថ្ងៃទី២៣ មីនា ២០១៥ នៅក្នុងភូមិត្រពាំងអញ្ចាញ ឃុំស្វាយជ្រុំ ស្រុករលារប្អៀរ ខណៈប្តីត្រឡប់ពីរត់ម៉ូតូឌុបវិញ។
សមត្ថកិច្ចនគរបាលមូលដ្ខានបានឱ្យដឹងថា ស្ត្រីធ្វើអត្តឃាតដោយចង.ករូបនេះឈ្មោះ ឡាយ ថេត អាយុ៤២ឆ្នាំ មានកូន៨នាក់ និងមានប្តីឈ្មោះ សំ ជុនហាក់ អាយុ៤៣ឆ្នាំ មុខរបររត់ម៉ូតូឌុប រស់នៅក្នុងភូមិ-ឃុំកើតហេតុខាងលើ។
ស្ត្រីរួបនោះបានយកខ្សែនីឡុងចងជាប់ជាមួយប្រហោងឥដ្ឋ ខ្យល់ជញ្ជាំងក្នុងផ្ទះថ្មតៀមតូចមួយ ដែលនៅពីក្រោមមានគ្រែដេកមួយ។ បុរសជាប្តីឈ្មោះ សំ ជុនហាក់ បានឱ្យអ្នកយកព័ត៌មានដឹងថា នៅក្នុងពេល ដែលប្រពន្ធរបស់គាត់ចង.កសម្លាប់ខ្លួនគាត់មិនបាននៅផ្ទះទេ គឺគាត់បានចេញទៅរត់ម៉ួតូឌុប ។
មុនពេលកើតហេតុរូបគាត់ និងប្រពន្ធក៏គ្មានទំនាស់អ្វីនៅក្នុងគ្រួសារដែរ។ ប៉ុន្តែគាត់និងប្រពន្ធកន្លងមកនេះ បានខ្ចីប្រាក់គេជាង១លានរៀលមកធ្វើដើមទុនរកស៊ី មិនទាន់បានសងគេនៅឡើយ។ ការចង.កធ្វើអត្ត ឃាតខាងលើនេះសង្ស័យថា ប្រពន្ធគាត់តូចចិត្តក្នុងរឿងជំពាក់ប្រាក់គេគ្មានអ្វីសង។ ដោយឡែកកូននៅក្នុងបន្ទុកបច្ចុប្បន្នមានចំនួន៨នាក់ ក្នុងនោះមានប្រុស២ និងស្រី៦នាក់ ដែលកូនបងគេមានអាយុ២២ឆ្នាំ និងកូនពៅមានអាយុ២ឆ្នាំ។
ក្រោយពេលកើតហេតុសមត្ថកិច្ចមូលដ្ឋានសហការជាមួយសមត្ថកិច្ចជំនាញនគរបាលស្រុក និងខេត្តបានចុះទៅដល់កន្លែងកើតហេតុសហការគ្នាត្រួតពិនិត្យ និងធ្វើកោសល្យវិច័យសព ហើយបានសន្និដ្ឋានថា ស្ត្រីធ្វើអត្តឃាតខាងលើនេះពិតជាបានចង.កសម្លាប់ខ្លួនឯងពិតប្រាកដមែន និងប្រគល់សពស្ត្រីខាងលើជូនទៅក្រុមគ្រួសារធ្វើបុណ្យតាមប្រពៃណី៕
ចែករំលែកព័តមាននេះ