ខេត្តមណ្ឌលគិរី ៖ ចាងហ្វាងគេហទំព័រព្រហ្មខ័ន្ឋអនឡាញ ត្រូវបានសមត្ថកិច្ចបញ្ជូនទៅតុលាការ នារសៀលថ្ងៃទី២៣ កញ្ញា ២០២០ ក្រោយពិនិត្យរកឃើញជាប់ពាក់ព័ន្ឋករណីប្រើប្រាស់គ្រឿងញៀន និងបរិហារកេរ្តិ៍ថ្នាក់ដឹកនាំខេត្ត ។…
ខេត្តមណ្ឌលគិរី ៖ ចាងហ្វាងគេហទំព័រព្រហ្មខ័ន្ឋអនឡាញ ត្រូវបានសមត្ថកិច្ចបញ្ជូនទៅតុលាការ នារសៀលថ្ងៃទី២៣ កញ្ញា ២០២០ ក្រោយពិនិត្យរកឃើញជាប់ពាក់ព័ន្ឋករណីប្រើប្រាស់គ្រឿងញៀន និងបរិហារកេរ្តិ៍ថ្នាក់ដឹកនាំខេត្ត ។
ឧត្តមសេនីយ៏ទោ ឡោ សុខា ស្នងការនគរបាលខេត្តមណ្ឌលគិរីបានឲ្យដឹង ឈ្មោះ ម៉ា ម៉េងធី ដែលគេដឹងថា ជាចាងហ្វាងវេបសាយមួយនោះ បានប្រើប្រាស់បណ្តាញសង្គមតេលេក្រាម និងវ័តអាប់ ផ្ញើសារពេញគ្រុបបរិហារថ្នាក់ដឹកនាំខេត្ត និងមន្ត្រីកម្លាំងសមត្ថកិច្ចថា បានឃុបឃិបគ្នាយកដីព្រៃជាកម្មសិទ្ឋិរាប់សិបហិកតា នៅតំបន់ព្រំដែនដាក់ដាំ ស្រុកអូររាំង ។
លោកស្នងការបន្តថា ជុំវិញករណីឈ្មោះ ម៉ា ម៉េងធី បង្កាច់បង្ខូចឈ្មោះមន្ត្រីរាជការ លោកបានចាត់ឲ្យមន្ត្រីអញ្ជើញឈ្មោះនេះមកបំភ្លឺ និងបង្ហាញឯកសារនៅស្នងការដ្ឋាន ប៉ុន្តែនៅពេលហៅមកសួរនាំ គាត់គ្មានឯកសារភស្តុតាងអ្វីទាំងអស់ បែរជាឆ្លើយថា គាត់និយាយពេលស្រវឹងអត់ដឹងអ្វីទេ ។ នៅពេលសមត្ថកិច្ចពិនិត្យទឹកនោម មានលទ្ឋផលវិជ្ជមាន ៕
ចែករំលែកព័តមាននេះ