រាជធានីភ្នំពេញ ៖ រថយន្តសាំយ៉ុងមួយគ្រឿង បានបើកកៀររថយន្តកាមរីឆ្លាម បណ្តាលឱ្យបាក់កញ្ចក់មើលក្រោយ ហើយក៏ព្យាយាមបើករត់គេចទៅចតចោលនៅតាមវាលស្រែមួយកន្លែង ហើយម្ចាស់គេចខ្លួនបាត់ ដែលហេតុការណ៍នេះកើតឡើងកាលពីវេលាម៉ោង
រាជធានីភ្នំពេញ ៖ រថយន្តសាំយ៉ុងមួយគ្រឿង បានបើកកៀររថយន្តកាមរីឆ្លាម បណ្តាលឱ្យបាក់កញ្ចក់មើលក្រោយ ហើយក៏ព្យាយាមបើករត់គេចទៅចតចោលនៅតាមវាលស្រែមួយកន្លែង ហើយម្ចាស់គេចខ្លួនបាត់ ដែលហេតុការណ៍នេះកើតឡើងកាលពីវេលាម៉ោង១០ និង៤០នាទីយប់ថ្ងៃទី២២ មីនា ២០១៥ ស្ថិតនៅតាមផ្លូវលេខ២០០៤ ក្បែរស្ថានីយតូតាល់ ក្នុងសង្កាត់កាកាប ខណ្ឌពោធិ៍សែនជ័យ ។
ប្រភពពីម្ចាស់រថយន្តកាមរីឆ្លាម ពណ៌កណ្តុរល្មែះ ពាក់ស្លាកលេខភ្នំពេញ2V-8727 ឱ្យដឹងថា មុនពេលកើតហេតុ គាត់បើករថយន្តតាមមហាវិថីសហព័ន្ធរុស្ស៊ី ស្របគ្នាជាមួយរថយន្តសាំយ៉ុង ពណ៌ស ពាក់ស្លាកលេខភ្នំពេញ 2N-8720 លុះមកដល់ចំណុចខាងលើរថយន្តសាំយ៉ុងបានបើកវ៉ារថយន្តកាមរីឆ្លាមនោះធ្វើឱ្យកៀរដាច់កញ្ចក់មើលក្រោមចំហៀងស្តាំ ហើយរថយន្តបង្កមិនបានឈប់ទេ បានព្យាយាមបើករត់រហូតដល់ផ្លូវដួងងៀប រថយន្តបានបើកធ្លាក់ផ្លូវទៅលើវាលស្រែធ្លាក់ជង្ហុកបើកទៅមុខលែងរួច ។
ក្រោយពេលកើតហេតុ អ្នកបើករថយន្តបង្កបានរត់គេចខ្លួនបាត់ស្រមោល នៅសល់តែរថយន្តសមត្ថកិច្ចយកទៅរក្សាទុកនៅអធិការដ្ឋានខណ្ឌពោធិ៍សែនជ័យ ។
ចែករំលែកព័តមាននេះ