សុបិនឃើញ«នាគរាជ»ទៅចាក់សាក់! ចេញដូច«សត្វពស់»នាងខឹងប្តឹងប៉ូលីសថៃ
ថៃ ៖ នៅថ្ងៃទី២១ ខែកញ្ញា ស្ត្រីថៃម្នាក់ ជាអ្នកប្រើប្រាស់ហ្វេសប៊ុកឈ្មោះ Nang Mara បានបង្ហោះសាររិះគន់ និងប្តឹងពីសកម្មភាពរបស់វិចិត្រករ…
ថៃ ៖ នៅថ្ងៃទី២១ ខែកញ្ញា ស្ត្រីថៃម្នាក់ ជាអ្នកប្រើប្រាស់ហ្វេសប៊ុកឈ្មោះ Nang Mara បានបង្ហោះសាររិះគន់ និងប្តឹងពីសកម្មភាពរបស់វិចិត្រករ…
ថៃ ៖ នៅថ្ងៃទី២១ ខែកញ្ញា ស្ត្រីថៃម្នាក់ ជាអ្នកប្រើប្រាស់ហ្វេសប៊ុកឈ្មោះ Nang Mara បានបង្ហោះសាររិះគន់ និងប្តឹងពីសកម្មភាពរបស់វិចិត្រករ វ័យក្មេងម្នាក់(ជាងចាក់សាក់) ដែលមិនទទួលខុសត្រូវ នូវស្នាដៃរបស់ខ្លួន លើស្នាមសាក់នៅលើខ្នងបងស្រីរបស់នាង ដែលចង់បានរូប “នាគរាជ បែរជាចេញ ពស់ពណ៌បៃតង” ខុសពីគំរូដើមដែលមានក្នុងផ្ទាំងរូបសាក់ ។
បន្ទាប់ពីអតិថិជនបានបង្ហោះសាររិះគន់ ធ្វើអោយបុរសជាងសាក់បានចេញសារវាយតបវិញ ដែលករណីនេះធ្វើអោយមានការបញ្ចេញមតិយោបល់យ៉ាងច្រើន នៅលើបណ្ដាញសង្គមហ្វេសប៊ុកថៃ ។ រហូតដល់មានអ្នកយកព័ត៌មានរបស់ថៃ បានធ្វើដំណើរទៅហាងសាក់រូប ធ្វើការសម្ភាសន៍លោក Kittipong Chucham អាយុ២៧ឆ្នាំ មានទីលំនៅផ្ទះលេខ ៦/១២០ ស្រុកមឿង ខេត្តណាខុន ស៊ីថាម៉ារ៉ាត ដែលមានចម្ងាយប្រហែល ៦១០គីឡូម៉ែត្រ ខាងត្បូងទីក្រុងបាងកក និងជួបជាមួយអ្នកស្រី Natnicha Nukong អាយុ២៩ឆ្នាំ ត្រូវជាភរិយារបស់ជាងសាករូប ។
លោក គីធីពង្ស Kittipong បានមានប្រសាសន៍ថា អតិថិជនជានារីម្នាក់នេះ បានមកទាក់ទងហាងលោក ឲ្យរចនាម៉ូដសាក់ រូបនាគ នៅផ្នែកខាងក្រោយ ហើយរូបគាត់និងនាងមើលលំនាំគំនូរ ដោយមានការពិភាក្សាគ្នាជាមុន ដោយលោកប្រាប់ថា គួរតែកែសម្រួលរូបភាពនៅផ្នែកខាងក្រោយឲ្យកាន់តែស្រស់ស្អាត ហើយនាងក៏បានយល់ព្រមដែរ ប៉ុន្តែនៅពេលសាក់ហើយ បែរជានាងនិយាយថា វាមិនស្រស់ស្អាតទៅវិញ ថែមទាំងបង្ហោះសារដើម្បីស្តីបន្ទោសមកលើរូបលោក និងដាក់បណ្តាសា ហាងសាក់របស់លោក ដូច្នេះហើយទើបលោកត្រូវតែឆ្លើយតបវិញ អាចប្រើពាក្យអាក្រក់ៗមួយចំនួន ដើម្បីការពារកេរ្តិ៍ឈ្មោះហាង ដែលបានបើកអស់រយៈពេលជាច្រើនឆ្នាំមកហើយ ។
លោក គីធីពង្ស បានបន្ថែមថា មានអតិថិជនច្រើន មិនដែលមានបញ្ហាបែបនេះទេ ហើយរូបលោកក៏មានឆន្ទៈ ក្នុងការកែស្នាមសាក់ ជូនបន្ថែមដល់អតិថិជនផងដែរ ប៉ុន្តែចំពោះនារីរូបនេះ ប្រើពាក្យជេរប្រមាថដល់កូន ដល់ប្រពន្ធរបស់លោក ដោយសារតែកំហឹងរបស់ពួកគេ ។
បើតាមអ្នកស្រី Natnicha Nukong ភរិយារបស់លោក Kittipong មានប្រសាសន៍ថា ក្រោយពេលកើតហេតុ ហាងសាក់ រងផលប៉ះពាល់យ៉ាងខ្លាំង មិនមានអតិថិជនទាក់ទងគាត់ទៀតទេ ធ្វើឲ្យពួកគាត់បាត់បង់ប្រាក់ចំណូល ។ អ្នកស្រីបន្តថា ល្ងាចម្សិលមិញ(ទី២១ ខែកញ្ញា) ភាគីខាងអតិថិជន បានរាយការណ៍ប្តឹងទៅប៉ូលីសស្រុកមឿង ។ មន្ត្រីប៉ូលីស បានទាក់ទងមកពួកគាត់ហើយ ។ ប៉ុន្តែភ្លាមៗពួកគាត់មិនមានរថយន្តធ្វើដំណើរទៅប៉ុស្តិ៍ប៉ូលីសទេ ។ ទើបអ្នកស្រី Natnicha សម្រេចនឹងជួបគ្នា ដោះស្រាយជាមួយអតិថិជន នៅល្ងាចថ្ងៃទី២២ ខែកញ្ញានេះ ។
បន្ទាប់មក អ្នកយកព័ត៌មានថៃ បានធ្វើដំណើរ ទៅផ្ទះលេខ ១០៩/៤ ក្នុងសង្កាត់បាងចាក់ ស្រុកមឿង ខេត្តណាខុន ស៊ីថាម៉ារ៉ាត បានជួបជាមួយកញ្ញា Supannee Ruang-on អាយុ៣២ឆ្នាំ ជាអតិថិជនដែលបានសាក់រូបនាគ ។ កញ្ញាបាននិយាយថា កាលពីប៉ុន្មានខែមុន កញ្ញាសុបិនឃើញថា មានស្តេចនាគ លូនចូលក្នុងផ្ទះ ហើយមកព័ន្ធលើរាងកាយ នៅពីក្រោយខ្នងរបស់នាង បន្ទាប់ពីសុបិនបែបនេះ រូបនាងស្ទើរតែរាល់យប់ មានអារម្មណ៍ក្តៅ នៅផ្នែកខាងក្រោយខ្នងជានិច្ច ហេតុដូច្នេះហើយ បានសម្រេចចិត្តសាក់រូបនាគរាជមួយនៅខាងក្រោយ ហើយរូបនាងបានទៅទាក់ទងជាងសាក់រូបនេះ ក្នុងតម្លៃ ១,៣០០បាត (ប្រមាណ 41$) ។
កញ្ញា Supannee បញ្ជាក់ថា “នៅពេលខ្ញុំ សុំបញ្ចុះតម្លៃ ជាងសាក់មិនបញ្ចុះទេ គិតពេញថ្លៃ ដោយបុរសនោះនិយាយថា ការងារនេះពិបាក ប៉ុន្តែពេលចាក់សាក់ចប់ ស្នាមសាក់លើខ្នងនាង នៅពេលឲ្យប្អូនស្រី និងសាច់ញាតិរបស់ខ្ញុំមើល រូបភាពដែលចេញមកដូចសត្វពស់ទៅវិញ មិនដូចរូបគំរូ នាគ ក្នុងផ្ទាំងរូបសាក់នោះទេ” ។
ចំណែកឯអ្នកនាង Chutima Aomruang-on អាយុ២៩ឆ្នាំ ត្រូវជាប្អូនស្រីរបស់កញ្ញា Supannee បាននិយាយថា នាងគឺជាអ្នកដែលបានបង្ហោះ នៅលើទំព័រហ្វេសប៊ុកឈ្មោះ Nang Mara ដោយសារតែគាត់ខឹង បុរសជាងសាក់រូបនេះ មិនទទួលខុសត្រូវ ពីព្រោះចាប់តាំងពីថ្ងៃទី៣ ខែកញ្ញា កន្លងមក តាមរយៈខ្លួនគាត់និងបងស្រីរបស់គាត់ ព្យាយាមទាក់ទងទៅជាងសាក់នោះ ដើម្បីឲ្យទទួលខុសត្រូវ ប៉ុន្តែពួកគេព្រងើយកន្តើយ ហើយក៏ជេរពួកយើងទៀត ប្រើពាក្យប្រមាថពួកយើងសុទ្ធតែជាស្រីពេស្យា ។
អ្នកនាង Chutima បន្តទៀតថា “ល្ងាចម្សិលមិញ ពួកយើងបានរាយការណ៍ទៅមន្ត្រីស៊ើបអង្កេត នៅប៉ុស្តិ៍ប៉ូលីសស្រុកមឿង យើងបានទាក់ទងពួកគេ ដើម្បីជួបគ្នា ។ បន្ទាប់មក ប៉ូលីសបានជូនដំណឹងដល់ពួកគេ ឲ្យមកជួប ប៉ុន្តែពួកគេបានបដិសេធ មិនធ្វើដំណើរទៅកាន់ស្ថានីយ៍ប៉ូលីសទេ យើងបានរង់ចាំរហូតដល់ម៉ោង៨យប់ ទើបវិលត្រឡប់មកផ្ទះវិញ ។ ពួកយើងមិនសុខចិត្តជាមួយវិចិត្រករចាក់សាក់រូបនេះទេ ដោយសារតែបុរសនោះមិនទទួលខុសត្រូវ សម្រាប់ការខូចខាត ។ ពួកយើងនឹងពិគ្រោះជាមួយមេធាវីម្តងទៀត” ៕
ចែករំលែកព័តមាននេះ