ក្លិបមួយសម្រេចប្តូរឈ្មោះសាលាយុវជនខ្លួន យកតាមឈ្មោះ Cristiano Ronaldo
ព័រទុយហ្គាល់ ៖ ក្លិបបាល់ទាត់ Sporting CP នៅលីគកំពូលព័រទុយហ្គាល់ បានសម្រេចប្តូរឈ្មោះសាលាយុវជនថ្នាល់របស់ពួកគេជាផ្លូវការពី «Sporting CP’s Academy»…
ព័រទុយហ្គាល់ ៖ ក្លិបបាល់ទាត់ Sporting CP នៅលីគកំពូលព័រទុយហ្គាល់ បានសម្រេចប្តូរឈ្មោះសាលាយុវជនថ្នាល់របស់ពួកគេជាផ្លូវការពី «Sporting CP’s Academy»…
ព័រទុយហ្គាល់ ៖ ក្លិបបាល់ទាត់ Sporting CP នៅលីគកំពូលព័រទុយហ្គាល់ បានសម្រេចប្តូរឈ្មោះសាលាយុវជនថ្នាល់របស់ពួកគេជាផ្លូវការពី «Sporting CP’s Academy» ទៅជា «Academia Cristiano Ronaldo»។
ការសម្រេចប្តូរឈ្មោះបែបនេះ គឺដើម្បីជាការផ្តល់កិត្តិយសសម្រាប់ភាពល្បីល្បាញបំផុតរបស់ខ្សែប្រយុទ្ធ Cristiano Ronaldo ក្នុងនាមជាកីឡាករឆ្នើមបំផុតនៅលើពិភពលោក ដែលធ្លាប់លេងឱ្យក្លិប Manchester United, Real Madrid និងបច្ចុប្បន្នកំពុងបន្តអាជីពជាមួយក្លិបសេះបង្កង់ Juventus នៅប្រទេសអ៊ីតាលី។
សូមរំលឹកជូនថា Cristiano Ronaldo បានចូលហ្វឹកហាត់នៅសាលាយុវជនថ្នាល់របស់ Sporting CP នៅក្នុងឆ្នាំ ១៩៩៧ មុនពេលក្លាយជាកីឡាករអាជីពរបស់ក្លិបនេះ ជាមួយក្រុមឈុតធំនៅក្នុងឆ្នាំ ២០០២ និងបានសម្រេចការផ្ទេរទៅចូលរួមជាមួយ Manchester United នៅក្នុងឆ្នាំ ២០០៣ និង Real Madrid នៅក្នុងឆ្នាំ ២០០៩ មុនផ្លាស់មកកាន់ Juventus នៅក្នុងឆ្នាំ ២០១៨ រហូតមកទល់ពេលបច្ចុប្បន្ន។
ក្នុងអាជីពរបស់ខ្សែប្រយុទ្ធព័រទុយហ្គាល់វ័យ ៣៥ឆ្នាំរូបនេះ រូបគេបានឈ្នះពានរង្វាន់ជាច្រើនរាប់មិនអស់ទាំងផ្ទាល់ខ្លួន, ជាមួយក្លិប និងក្រុមជម្រើសជាតិ ដោយក្នុងរួមមានពានរង្វាន់កំពូលៗដូចជា ៖ Euro, Nations League, Premier League, La Liga, Serie A និង Champions League ផងដែរ។
Cristiano Ronaldo បច្ចុប្បន្នគឺជាកីឡាករអឺរ៉ុបតែម្នាក់គត់លើលោក ដែលអាចស៊ុតបញ្ចូលទីសម្រាប់ក្រុមជម្រើសជាតិរបស់ខ្លួនដល់ ១០០គ្រាប់ ពោលគឺចំនួន ១០១គ្រាប់ និងជាកីឡាករទី២ នៅលើពិភពលោក ដែលឈ្នះពានរង្វាន់ FIFA Ballon d’Or ចំនួន ៥លើក ខណៈដែលកីឡាករ Lionel Messi ឈ្នះ ៦លើក៕ (ប្រភពពី Sporting CP)
ចែករំលែកព័តមាននេះ