អភិបាលខណ្ឌព្រែកព្នៅ ចុះត្រួតពិនិត្យផ្លូវ ដែលទឹកកំពុងជន់លិចក្នុងភូមិចុងថ្នល់
រាជធានីភ្នំពេញ ៖ នៅរសៀលថ្ងៃទី២១ ខែកញ្ញា ឆ្នាំ២០២០នេះ អភិបាលខណ្ឌព្រែកព្នៅ លោក សុខ សម្បត្តិ បានដឹកនាំមន្ត្រីសាលាខណ្ឌ…
រាជធានីភ្នំពេញ ៖ នៅរសៀលថ្ងៃទី២១ ខែកញ្ញា ឆ្នាំ២០២០នេះ អភិបាលខណ្ឌព្រែកព្នៅ លោក សុខ សម្បត្តិ បានដឹកនាំមន្ត្រីសាលាខណ្ឌ…
រាជធានីភ្នំពេញ ៖ នៅរសៀលថ្ងៃទី២១ ខែកញ្ញា ឆ្នាំ២០២០នេះ អភិបាលខណ្ឌព្រែកព្នៅ លោក សុខ សម្បត្តិ បានដឹកនាំមន្ត្រីសាលាខណ្ឌ និងសង្កាត់ ចុះត្រួតពិនិត្យផ្លូវ និងការដាក់លូរំដោះទឹក ដែលកំពុងជន់លិចចំណុចផ្លូវវៀងស្ពាន ដែលកំពុងសាងសង់ជាប់ព្រំប្រទល់ជាមួយនឹងខណ្ឌកំបូល ស្ថិតក្នុងភូមិចុងថ្នល់ សង្កាត់ពន្សាំង ខណ្ឌព្រែកព្នៅ រាជធានីភ្នំពេញ ។
លោក សុខ សម្បតិ បានណែនាំទៅដល់ចៅសង្កាត់ពន្សាំងត្រូវពិនិត្យ និងតាមដានទឹកនៅក្នុងភូមិសាស្ត្ររបស់ខ្លួន ឲ្យបានជាប់ជាប្រចាំ នៅតំបន់ណា ដែលជន់លិច ដោយសារពុំ មានលូបង្ហូរ ចំពោះមុខនេះ ត្រូវកាយប្រឡាយទៅកាន់ប្រឡាយមេ ដើម្បីរំដោះទឹកចេញ ពិសេសគឺផ្លូវដែលទទួលរងនូវការលិចទឹក ។
ជាងនេះទៅទៀត លោកក៏បានណែនាំឱ្យក្រុមហ៊ុនម៉ៅការធ្វើស្ពាននៅភូមិចុងថ្នល់ ត្រូវ ដាក់លូមុខ១ម៉ែត្រឱ្យបាន២កង់ ហើយត្រូវកាយផ្លូវទឹកឱ្យបានហូរខ្លាំងដើម្បីកុំឱ្យស្ទះ ព្រោះថា ទឹកភ្លៀងមិនទាន់បានបញ្ចប់នៅឡើយទេ ដូចនេះប្រជាពលរដ្ឋនៅតំបន់នេះ នឹងទទួលរង នូវការលិចលង់។
ជាមួយគ្នានេះដែរ លោកអភិបាលខណ្ឌ និងក្រុមការងារក៏បានទៅពិនិត្យមើលស្រះរណ្តៅតាកៅ ដែលដាក់លូមួយកង់ទឹកហូរមិនទាន់ ហើយលោកក៏បាន ធ្វើការណែនាំឱ្យដាក់ លូបន្ថែម១កង់ទៀត ដើម្បីបង្ហូរទឹកឱ្យបានលឿន ។
លោកបញ្ជាក់ថា បើយើងមិនការពារដូចនេះទេ ការជន់លិចវានឹងធ្វើឱ្យខូចថ្នល់ផង និងខាតបង់ផលប្រយោជន៍របស់ប្រជាពលរដ្ឋជាច្រើនថែមទៀតផងដែរ ។ ព្រោះកន្លងមក ពេលធ្លាក់ភ្លៀងម្តងៗ ទឹកដក់ពេញផ្លូវលិចលង់លំនៅឋាន ដោយសារតែគ្មានប្រព័ន្ធលូគ្រប់ គ្រាន់ធ្វើឱ្យប្រជាពលរដ្ឋពិបាកធ្វើដំណើរ ៕
ចែករំលែកព័តមាននេះ