តើលោកអ្នកឮសំឡេងដែលមិនគួរឱ្យចង់ឮចេញពីបំពង់សឺម៉ាំងរថយន្តរបស់អ្នកដែរឬទេ ? តើវាជាប្រភេទសំឡេងមកពីនាយរបស់រថយន្តឬជាបញ្ហាមកពីខូចដោយប្រការណាមួយនៃប្រព័ន្ធសឺម៉ាំង ? ខាងក្រោមនេះគឺជាបច្ចេកទេសក្នុងការកំណត់បញ្ហាដែលមាននិងរបៀបជួសជុលបញ្ហាទាំងនោះដើម្បីឱ្យសឺម៉ាំងរថយន្តអ្នកឮសំឡេងស្ងាត់ល្អ ៖
១-អ្នកនឹងចាំបាច់ត្រូវការដៃគូម្នាក់សម្រាប់ស្ដាប់ឬវិនិច្ឆ័យថ្លឹងថ្លែងពីភាពមិនប្រក្រតីនៃសំឡេងចេញពីសឺម៉ាំង ។
២-អ្នកក៏នឹងត្រូវការទីធ្លាទូលាយបន្តិចដើម្បីលូនចូលក្រោមរថយន្តដែរធ្វើដូច្នេះទើបអាចមើលឃើញពីទិដ្ឋភាពនៃប្រព័ន្ធសឺម៉ាំងដែលតភ្ជាប់ពីម៉ាសីុនរហូតទៅដល់ផ្នែកខាងក្រោយ (មើលពីប្រភពដើមនៃទំនាក់ទំនងរបស់វាបានល្អិតល្អន់) ។ ជានិច្ចកាលត្រូវអនុវត្តតាមនីតិវិធីសុវត្ថិភាពមុននឹងដូយលើករថយន្តឡើងចុះ ។ គ្រោះថ្នាក់អាចកើតមានភ្លាមៗប្រសិនជាការប្រតិបត្តិ ឬបច្ចេកទេសដូយលើករថយន្តធ្វើមិនបានត្រឹមត្រូវ ។
៣-បញ្ឆេះរថយន្តនៅតំបន់ដែលមានខ្យល់ចេញចូល ឬបរិយាកាសល្អហើយទុកវាឱ្យការ៉ង់ទី(បញ្ឆេះចោល) ។
៤-ប្រាប់ដៃគូម្នាក់ទៀតរបស់អ្នកឱ្យទៅធ្វើការ ឬពិនិត្យពិច័យនៅចំណុចខាងក្រោយសឺម៉ាំង។ ប្រើប្រាស់ក្រណាត់បិទខ្ទប់រន្ធបញ្ចេញផ្សែងឬសំឡេងរបស់សឺម៉ាំងហើយអនុញ្ញាតឱ្យសម្ពាធជាអ្នកបង្កើតសំឡេងក្នុងប្រព័ន្ធនោះ ។
បម្រាមៈ សីតុណ្ហភាពសឺម៉ាំងអាចឈានដល់លើសពី៣៩៩អង្សាសេ ។ នៅក្នុងដំណាក់កាលនេះគួរតែប្រតិបត្តិការដោយប្រុងប្រយ័ត្នជាចាំបាច់ដើម្បីការពារការឆេះចំណុចនោះ ។
៥-ខណៈពេលដែលដៃគូអ្នកធ្វើកិច្ចការខាងលើនេះអ្នកចាំបាច់ត្រូវតែពិនិត្យពិច័យទៅលើសឺមាំុងចំពោះអាការៈទាំងឡាយណាដែលបន្លឺសូរសំឡេងមិនស្រួលហើយបន្ធូរផ្នែកខាងលើឬកសឺម៉ាំងបន្តិច ។ អ្នកនឹងប្រហែលជាអាចកត់សម្គាល់បានពីភាពលេចជ្រាបតាមរយៈសំឡេង ការមើលឃើញ ឬអារម្មណ៍ជាដើម ។ សំឡេងអាចមានទម្រង់ដូចជាការក្អកចេញពីចំណុចដែលអ្នកបន្ធូរនោះតែម្ដង ។ ជាទូទៅប្រព័ន្ធសឺម៉ាំងរថយន្តទាំងមូលមានភាពស្មុគ
ស្មាញច្រើនគិតចាប់ពីការបំបែកខ្នែងចេញពីតួម៉ាសីុនរហូតទៅដល់រន្ធបញ្ចេញផ្សែងឬសំឡេង។ បន្ទាប់ពីការបញ្ឆេះម៉ាសីុនចោលមួយស្របក់ធំមកសារធាតុនៃកំណកកាបូនក៏ប្រមូលផ្ដុំនៅបរិវេណបញ្ចេញផ្សែងឬតំបន់លេចជ្រាប ។ តំបន់ទាំងនោះនឹងមើលទៅហាក់ដូចជាឡើងពណ៌ខ្មៅ ខណៈដំណើរការប្រព្រឹត្តទៅនៃប្រព័ន្ធសឺម៉ាំងមើលទៅធម្មតា ។ កុំព្យាយាមប៉ះពាល់ទៅលើតួសឺម៉ាំងឱ្យសោះ ។ ប៉ុន្តែអ្នកប្រហែលជាអាចមានអារម្មណ៍ថាសឺម៉ាំងបញ្ចេញចំហាយមកក្រៅពីតំបន់ដែលអ្នកមិនចង់ឬត្រូវការឱ្យវាបំភាយចេញនោះ។
៦-សំណួរសួរថា តើសឺម៉ាំងនោះមានជ្រាបចេញខ្យល់ឬទេ ? ប្រាកដណាស់ពិតជាមានដូច្នេះសូមសង្កេតនិងផ្ដោតទៅលើចំណុចទី៨ខាងក្រោមប៉ុន្តែពុំមែនទី៧ឡើយ ។
៧-ប្រព័ន្ធសឺម៉ាំងរថយន្តអ្នកប្រហែលជាឮសំឡេងខ្លាំងតាមធម្មជាតិ ឬធ្វើឱ្យអ្នកមិនពេញចិត្តសូរសំឡេងនោះក៏ថាបាន ។
ដូច្នេះចូរពិនិត្យពីលទ្ធភាពនៃការប្ដូរថ្មីនិងជាប្រភេទសឺម៉ាំងដែលគេរចនាម៉ូដករបស់វាដែលចាប់ភ្ជាប់នឹងតួម៉ាសីុនផ្ដល់ទិន្នផលសំឡេងស្ងាត់ជាងមុនទើបជាការប្រសើរ ។
៨-ការលេចជ្រាបប្រហែលជាបណ្ដាមកពីបញ្ហាផ្សេងៗទៀតពាក់ព័ន្ធនឹងរថយន្តរបស់អ្នកក៏ថាបានដែរ ។ អ្នកចាំបាច់ត្រូវជួសជុលក្នុងសមាសភាពណាមួយដែលខូចកាន់តែឆាប់ កាន់តែល្អ ។ វាក៏ប្រហែលជាត្រូវការរបស់មួយចំនួនសម្រាប់មួលរឹតបន្ដឹង ឬផ្នែកមួយនៃបំពង់សឺម៉ាំងដើម្បីលៃលកឱ្យបានល្អត្រង់ករបស់វាដែលតភ្ជាប់ជាមួយម៉ាសីុនតែ
ម្ដង ។
៩-រួចរាល់ហើយទម្លាក់រថយន្តរបស់អ្នកចុះក្រោមហើយក៏ក្នុងរយៈពេលមួយដែលមើលទៅហាក់ដូចជាត្រជាក់ស្រួលបួលហើយទើបអនុវត្ត ៕
ចែករំលែកព័តមាននេះ