លោក Sri Sri Ravi Shankar ជាមេដឹកនាំមួយរូបប្រកបដោយមនុស្សធម៌ ហើយជាអ្នកឯកទេសខាងផ្លូវចិត្ត និងជាឯកអគ្គរដ្ឋទូតនៃសន្តិភាពផងដែរ ។ ចំពោះចក្ខុវិស័យរបស់លោក គឺធ្វើយ៉ាងណាលុប
លោក Sri Sri Ravi Shankar ជាមេដឹកនាំមួយរូបប្រកបដោយមនុស្សធម៌ ហើយជាអ្នកឯកទេសខាងផ្លូវចិត្ត និងជាឯកអគ្គរដ្ឋទូតនៃសន្តិភាពផងដែរ ។ ចំពោះចក្ខុវិស័យរបស់លោក គឺធ្វើយ៉ាងណាលុបបំបាត់នូវភាពស្ត្រែស្តក្នុងចិត្តក៏ដូចជាអំពើហិង្សាសង្គមតាមរយៈការបញ្ជ្រាបដល់មនុស្សរាប់លាននាក់លើពិភពលោក ក្នុងគម្រោង ផ្សេងៗស្របតាមស្ថានភាពជីវភាពរស់នៅប្រចាំថ្ងៃ ។
ខាងក្រោមនេះ គឺជាវិធីសាស្ត្រ៥ចំណុច ដើម្បីទទួលបានការរស់នៅប្រកបដោយសុខភាពល្អ៖
១-ស្គាល់ខ្លួនឯងឱ្យច្បាប់
យើងចាំបាច់ត្រូវតែស្គាល់ខ្លួនឯងឱ្យបានច្រើនបន្តិច ទាំងសារពាង្គកាយ ការដកដង្ហើម ចិត្តគំនិត បញ្ញា ការចងចាំ ភាពអាត្មានិយមនិងខ្លួនឯងផ្ទាល់តែម្តង ទើបវាអាចជួយដល់កិច្ចការមួយចំនួនក្នុងការរស់នៅប្រចាំថ្ងៃ និងការរៀបចំជីវិតយ៉ាងណា ។ ចំណាយពេល១សប្តាហ៍ជារៀងរាល់ឆ្នាំ ប្រៀបបីដូចជាអ្នកថែទាំរថយន្តម្តងក្នុងមួយឆ្នាំអីុចឹងដែរ ។ ក្នុងអំទ្បុងពេលនេះរៀបចំខ្លួនជាមួយនឹងចរិតធម្មជាតិរបស់អ្នក ការភ្ញាក់ពីដំណេកពេលថ្ងៃរះ ស្រស់ស្រូបអាហារត្រឹមត្រូវ និងចំណាយពេលខ្លះស្រែកច្រៀងរទ្បេរទ្បូម្នាក់ឯងជាដើម ។
២-ធ្វើសមាធិរំងាប់អារម្មណ៍
ការធ្វើសមាធិផ្តល់នូវអារម្មណ៍ធូរស្រាល និងបានជម្រះនូវចិត្តសៅហ្មងយ៉ាងប្រសើរបំផុត ។ ចំពោះបញ្ហាសុខភាព ការប្រតិបត្តិកិច្ចការនេះ គឺជាគន្លឹះដ៏ពិសេសមួយ ។ ម្យ៉ាងការសមាធិគឺជាការលាងជម្រះនូវទុក្ខក្នុងចិត្ត ដែលនាំភាពស្ត្រែស្តអួលណែនរហូតប៉ះទង្គិចដល់សុខភាព ។
៣-រៀនឈ្វេងយល់អំពីការដកដង្ហើម
ការដកដង្ហើមគឺជាជីវិតមិនថាតែនៅសាលា ឬក៏នៅផ្ទះទ្បើយ គឺយើងធ្លាប់បានដឹងហើយពីសារសំខាន់នៃការដកដង្ហើម ។ ប្រសិនជាយើងអាចយល់ពីអំណាចនៃការដកដង្ហើម យើងពិតជាអាចនិយាយចេញពីអារម្មណ៍ក្នុងចិត្តរបស់យើងជាមិនខាន ។ ដូច្នេះគឺយើងអាចគ្រប់គ្រងបាននូវអារម្មណ៍ក្រោធខឹង និងអារម្មណ៍អវិជ្ជមានផ្សេងៗ ។
៤-ទទួលទានឱ្យបានត្រឹមត្រូវ
ចំពោះសុខភាពនៃសរីរាង្គកាយ និងដើម្បីគ្រប់គ្រងបាននូវស្មារតីដែលអាចនាំឱ្យមានការរំជួលចិត្ត ដែលរងការវាយប្រហារពីសកម្មភាពផ្សេងៗ យើងចាំបាច់ត្រូវឃ្លាំមើលនូវអ្វីដែលខ្លួនឯងទទួលទាន ។ ប្រភេទអាហារដែលយើងបរិភោគគឺពិតជាប៉ះពាល់ដល់រាងកាយ និងចិត្តរបស់យើងយ៉ាងច្បាស់ ។
៥-បង្កើតឱកាសចំពោះខ្លួនឯង
សព្វថ្ងៃ យើងបានត្រឹមតែផ្តើមនូវការប្រមែប្រមូលព័ត៌មានប៉ុណ្ណោះ ហើយយើងពុំបានយកឱកាសនោះមកប្រើសម្រាប់ខ្លួនឯងសោះ ដើម្បីមកពិចារណា និងសញ្ជឹងគិត ។ បន្ទាប់មក យើងហាក់មានអារម្មណ៍ដូចជាធុញទ្រាន់ ឬក៏នឿយណាយ ។ ឱកាសស្ងប់ស្ងាត់ទាំងនោះ គឺជាប្រភពនៃការប្រឌិតទ្បើង ដូច្នេះមានពេលខ្លះគឺគួរអង្គុយប៉ុន្មាននាទី ដើម្បីសម្រួលអារម្មណ៍ ។
លោក Sri Sri Ravi Shankar នឹងមកធ្វើបទបង្ហាញដល់ពលរដ្ឋក្នុងរាជធានីភ្នំពេញនៅថ្ងៃទី២៤ មីនា ខាងមុខ ចាប់ពីម៉ោង៥និង៣០នាទីល្ងាចដល់ម៉ោង៧និង៣០នាទីយប់ នៅទីក្រុងកោះពេជ្រ អគារ B ។ លោកក៏នឹងប្រតិបត្តិកិច្ចការនេះនៅខេត្តសៀមរាបថ្ងៃទី២៥ មីនា វេលាម៉ោង៤និង៣០នាទីរសៀលផងដែរនៅ Angkor Era Ball Room ៕
ចែករំលែកព័តមាននេះ