ចំពោះការបញ្ឈប់ល្បឿនរថយន្ត តើលោកអ្នកដឹងថា គួរប្រើប្រាស់ហ្វ្រាំងយ៉ាងម៉េចដែរទេ ក្នុងលក្ខខណ្ឌបន្ទាន់ណាមួយ ? បណ្តាគ្រោះថ្នាក់ភាគច្រើនកើតទ្បើង ព្រោះតែអ្នកបើកបរស្ទាក់ស្ទើរ
ចំពោះការបញ្ឈប់ល្បឿនរថយន្ត តើលោកអ្នកដឹងថា គួរប្រើប្រាស់ហ្វ្រាំងយ៉ាងម៉េចដែរទេ ក្នុងលក្ខខណ្ឌបន្ទាន់ណាមួយ ? បណ្តាគ្រោះថ្នាក់ភាគច្រើនកើតទ្បើង ព្រោះតែអ្នកបើកបរស្ទាក់ស្ទើរ ឬក៏ជាន់ហ្វ្រាំងក្នុងលក្ខណៈមិនត្រឹមត្រូវដែលគេសង្កេតឃើញតាមរយៈការអូសកង់តែម្តង ។
ខាងក្រោមនេះគឺជាបច្ចេកទេសបញ្ឈប់ល្បឿនរថយន្តក្នុងស្ថានការណ៍បន្ទាន់ឱ្យប្រកបដោយសុវត្ថិភាព៖
១-ដកជើងចេញពីឈ្នាន់ហ្គារ៍ជាបន្ទាន់ ។
២-ភ្លាមនោះសំកាំងជើងរបស់អ្នកលើឈ្នាន់ហ្វ្រាំង តែកុំទាន់ជាន់ ។
៣-ជាន់ហ្វ្រាំង ៖ ជាមួយនឹងជើងដែលអ្នកដាក់សំកាំងលើខ្យល់ដូចចំណុចទី២ កែងជើងមិនឱ្យផ្អែកទៅលើកម្រាលព្រំរថយន្តទ្បើយ ភ្លាមនោះចូរជាន់ហ្វ្រាំងដែលស្ថិតក្រោមជើងអ្នកភ្លាមតាមដែលអាចធ្វើទៅបាន ។ អ្នកបើកបរភាគច្រើន គឺពុំធ្លាប់ហ្វឹកហ្វឺនឱ្យបានទូលំទូលាយប៉ុន្មានទ្បើយក្នុងវិធីសាស្ត្រនៃការជាន់ហ្វ្រាំងកម្រិតអតិបរមាក៏ដូចជាតិចនិកខ្លះៗទៀត ដែលជាបច្ចេកទេសបញ្ឈប់ល្បឿនរថយន្តបានភ្លាមៗប្រកបដោយប្រសិទ្ធភាព ។ ពាក់ព័ន្ធនឹងស្ថានភាពផ្លូវផ្សេងៗ ៖
-ចំពោះរថយន្តប្រើប្រព័ន្ធហ្វ្រាំង ABS ជាពិសេសក្នុងលក្ខខណ្ឌផ្លូវរអិលនឹងមានបន្លឺសូរសំទ្បេងងឺុតៗពីសម្បកកង់ ដែលស្ថិតនៅក្បែរជីបចរនៅក្នុងឈ្នាន់ហ្វ្រាំងដែលរំញោចដល់ចង្កូតនិងសាក់ស៊ីក៏ដូចជាការបន្លឺសំទ្បេងខ្លាំងផងដែរ។ កត្តានេះគឺជារឿងធម្មតាហើយវាក៏កំពុងចង្អុលបង្ហាញថា ប្រព័ន្ធនេះកំពុងធ្វើការងាររបស់ខ្លួនក្នុងការបង្អន់ល្បឿនរថយន្តអ្នកប្រកបដោយប្រសិទ្ធភាពងាយគ្រប់គ្រង និងមានភាពសឹកសម្បកកង់តិច ។
-ចំពោះហ្វ្រាំងពុំមានABSការឮសូរញ៉ោកៗជារឿយៗនិងកាន់តែខ្លាំងទ្បើងនឹងឮចេញពីសម្បកកង់ ។ កង់រថយន្តក៏មានសម្ពាធខ្លាំងហាក់ដូចជាកន្ត្រាក់ៗភ្លាមនោះ រថយន្តដូចជាស្រាលជាងមុន ហើយក៏អាចមានផ្សែងតិចតួចដែរ។ រីឯមួកកង់ក៏ងាយសឹករេចរិលដែរ ពិសេសក្នុងស្ថានភាពផ្លូវសំណើមតែម្តង ។ ផ្លូវរអិល (នៅពេលកង់ទាំង២ស្ថិតលើផ្ទៃខុសគ្នាជាផ្លូវក្រាលក្រួស ឬស្មៅ) ផ្នែកខាងមុខរថយន្តអាចនឹងត្រូវរុញច្រានបន្តិចម្តងទៅចិញ្ចើមផ្លូវ ប៉ុន្តែរថយន្តនឹងរក្សាការរអិលទៅមុខស្របតាមការជាន់ហ្វ្រាំងបញ្ឈប់ភ្លាមៗ ។
៤-ហ្វ្រាំង ៖ ប្រសិនបើចាំបាច់ប្រើសិល្ប៍វិធីក្នុងការបើកគេចចេញពីឧបសគ្គជាទូទៅត្រូវចាប់ផ្តើមវាជាមួយនឹងការជាន់ហ្វ្រាំង ។ ធ្វើបែបនេះនឹងធ្វើឱ្យល្បឿនរថយន្តអ្នកបង្អន់ឈប់ដោយសុវត្ថិភាពជាមិនខាន ។ ខណៈពេលយកចង្កូតវង់ជុំវិញចំណុចអ្វីមួយ គឺត្រូវប្រើបច្ចេកទេសឱ្យរហ័សជាងការឈប់ខាងមុខវត្ថុទាំងនោះ ម្យ៉ាងទៀតជាទូទៅចង្កូតពុំមែនចេះតែយកឬបួងតាមអំពើចិត្តទ្បើយ គឺលៃយ៉ាងណាផ្អែកតាមស្ថានការណ៍ល្បឿន និងការបំលាស់ទីរបស់រថយន្តដទៃ ។
៥-ប្រសិនបើមានការចាំបាច់ក្នុងការជាន់ហ្វ្រាំង ខណៈពេលបត់ គឺត្រូវយកចង្កូតគេចចេញបន្តិច ខណៈពេលជាន់ហ្វ្រាំងជាការស្រេច។ និយាយឱ្យខ្លីគឺរថយន្តរបស់អ្នកគួរតែរក្សាជំហរដូចគ្នានឹងការបត់អីុចឹងដែរ ក្នុងស្ថានការប្រថុចញ៉ុច ៕
ចែករំលែកព័តមាននេះ