ខេត្តកណ្ដាល ៖ សកម្មភាពយ៉ាងលឿនរបស់ជនសង្ស័យម្នាក់ បានលួចកាច់កម៉ូតូហុងដាឌ្រីមសង់ មួយគ្រឿងឆ្នាំ២០១៨ ត្រឹមតែ១នាទីប៉ុណ្ណោះ កាលពីយប់ថ្ងៃទី១៣ ខែកញ្ញា ឆ្នាំ២០២០ ។…
ខេត្តកណ្ដាល ៖ សកម្មភាពយ៉ាងលឿនរបស់ជនសង្ស័យម្នាក់ បានលួចកាច់កម៉ូតូហុងដាឌ្រីមសង់ មួយគ្រឿងឆ្នាំ២០១៨ ត្រឹមតែ១នាទីប៉ុណ្ណោះ កាលពីយប់ថ្ងៃទី១៣ ខែកញ្ញា ឆ្នាំ២០២០ ។
ក្រោយពីទទួលបានព័ត៌មានខាងលើនេះ លោកអធិការនគរបាលក្រុងតាខ្មៅ បានចាត់ឲ្យកម្លាំងផ្នែកយុត្តិធម៌ សហការជាមួយកម្លាំងប៉ុស្តិ៍នគរបាលរដ្ឋបាលតាខ្មៅ ចុះទៅកន្លែងកើតហេតុ ស្ថិតនៅតាមបណ្តោយផ្លូវ២០៥ ក្នុងភូមិតាខ្មៅ១ សង្កាត់តាខ្មៅ ក្រុងតាខ្មៅ ខេត្តកណ្តាល ។
នគរបាលប៉ុស្តិ៍រដ្ឋបាលតាខ្មៅ បានអោយដឹងថា ជនរងគ្រោះមានឈ្មោះ ធុច ស្រស់ អាយុ២៥ឆ្នាំ បានបាត់ម៉ូតូ ០១គ្រឿងម៉ាក Honda Dream ពណ៌ខ្មៅ ផលិតឆ្នាំ២០១៨ ស្លាកលេខ ឧត្តមានជ័យ 1D-5643 ត្រូវបានក្រុមជនសង្ស័យ មិនស្គាល់អត្តសញ្ញាណ ក្នុងនោះមានជនសង្ស័យម្នាក់ធ្វើសកម្មភាពផ្ទាល់ កាច់កម៉ូតូ លួចយកទៅបានសម្រេចនៅវេលាម៉ោង០៦ និង៤០នាទីល្ងាចថ្ងៃទី១៣ ខែកញ្ញា ឆ្នាំ២០២០ ។
បច្ចុប្បន្នកម្លាំងផ្នែកជំនាញ នៃអធិការដ្ឋាននគរបាលក្រុងតាខ្មៅ កំពុងស្រាវជ្រាវ និងកំណត់មុខសញ្ញា ដើម្បីឈានទៅរកការចាប់ខ្លួនជនជាប់សង្ស័យ នាំយកមកផ្ដន្ទាទោសទៅតាមច្បាប់ ៕
ចែករំលែកព័តមាននេះ