ឥណ្ឌា ៖ រដ្ឋមន្ត្រីសុខាភិបាលលោក Harsh Vardhan មានប្រសាសន៍នៅថ្ងៃអាទិត្យនេះថា ប្រទេសឥណ្ឌាកំពុងពិចារណា លើការអនុញ្ញាតជាបន្ទាន់មួយ សម្រាប់ការចាក់វ៉ាក់សាំងកូវីដ-១៩ ជាពិសេសសម្រាប់មនុស្សវ័យចំណាស់…
ឥណ្ឌា ៖ រដ្ឋមន្ត្រីសុខាភិបាលលោក Harsh Vardhan មានប្រសាសន៍នៅថ្ងៃអាទិត្យនេះថា ប្រទេសឥណ្ឌាកំពុងពិចារណា លើការអនុញ្ញាតជាបន្ទាន់មួយ សម្រាប់ការចាក់វ៉ាក់សាំងកូវីដ-១៩ ជាពិសេសសម្រាប់មនុស្សវ័យចំណាស់ និងប្រជាជននៅកន្លែងធ្វើការដែលមានហានិភ័យខ្ពស់ ដោយសារតែចំនួនអ្នកឆ្លងសរុបកើនឡើងជាង ៤,៨លាននាក់ហើយ ។
លោកបាននិយាយបន្តថា មិនទាន់មានកាលបរិច្ឆេទកំណត់សម្រាប់ការចាក់វ៉ាក់សាំងនេះនៅឡើយទេ ប៉ុន្តែលទ្ធផលបន្ថែមនៃការសាកល្បង គួរតែច្បាស់ នៅត្រឹមត្រីមាសទី១ ឆ្នាំ២០២១ ។
ការអត្ថាធិប្បាយរបស់លោក បានធ្វើឡើងនៅពេលដែលក្រសួងសុខាភិបាលឥណ្ឌា បានរាយការណ៍ករណីឆ្លងថ្មី មានចំនួនជាង ៩៣.០០០ បន្ថែមទៀត និងការស្លាប់ ១.១១៤នាក់ កាលពីថ្ងៃអាទិត្យ ។
ប្រទេសឥណ្ឌា មានចំនួនអ្នកស្លាប់លើសពី ១,០០០នាក់ ដោយសារវីរុសនេះ ជារៀងរាល់ថ្ងៃ នៅក្នុងខែកញ្ញា ឥឡូវនេះ អ្នកជំងឺកូវីដ-១៩ បានស្លាប់សរុប ៧៨.៥៨៦នាក់ ។
ប្រទេសឥណ្ឌា មានអ្នកឆ្លងជំងឺកូវីដ-១៩ ច្រើនបំផុត លំដាប់ទី២ នៅលើពិភពលោក បន្ទាប់ពីសហរដ្ឋអាមេរិក ៕
ចែករំលែកព័តមាននេះ