ប្រទេសចិន-អាមេរិក ៖ សហរដ្ឋអាមេរិកកាលពីថ្ងៃទី១២ កញ្ញា កន្លងទៅ បានចាត់ទុកការ
សម្រេចរបស់ចិនដាក់ការរិតត្បិតនានាចំពោះពួកអ្នកការទូតអាមេរិក ដែលមានវត្តមាននៅចិន ក្រោយពីវិធានការបែបនេះដែលអាមេរិកបានចាត់កាលពីដើមខែកញ្ញា ។
អ្នកនាំពាក្យក្រសួងការបរទេសអាមេរិក និយាយថា ការសម្រេចនោះរបស់ក្រុងប៉េកាំងគឺជាការបង្កើនភាពតានតឹង បើនិយាយពីការរិតត្បិតលើតំណាងរបស់ខ្លួនប្រចាំក្រុងហុងកុង និងការតម្រូវឲ្យមានការសុំការអនុញ្ញាតមុនធ្វើកិច្ចប្រជុំណាមួយសម្រាប់បណ្ដាពលរដ្ឋអាមេរិក និងគ្រួសារពួកគេដែលធ្វើការសម្រាប់បណ្ដាអង្គការអន្តរជាតិនៅចិន ។ អ្នកនាំពាក្យរូបនោះបន្តថាការទាមទារឲ្យមានការស្នើបែបនោះពេលនេះក៏រួមបញ្ចូលដែរ បណ្ដាពលរដ្ឋអាមេរិកដែលពុំមែនធ្វើការឲ្យរដ្ឋាភិបាលអាមេរិក ។ យើងពុំបានធ្វើការទាមទារបែបនេះចំពោះចិនឡើយ ។
ក្រុងប៉េកាំងមិនបានបញ្ជាក់ពីប្រភេទនៃការរិតត្បិតចំពោះបណ្ដាសកម្មភាពរបស់ស្ថានទូតនិងបណ្ដាស្ថានកុងស៊ុលអាមេរិកនៅចិន ក្នុងនោះរួមមានស្ថានកុងស៊ុលអាមេរិកនៅហុងកុង និងបុគ្គ
លិករបស់ខ្លួនឡើយ ។
នោះជាការតបតរបស់ចិនចំពោះការសម្រេចនាពេលថ្មីៗនេះរបស់ក្រុងវ៉ាស៊ិនតោនចំពោះបណ្ដាអ្នកការទូតចិន ដូចជាការតម្រូវឲ្យមានការដាក់់សំណើសុំការអនុញ្ញាតជាមុនសម្រាប់ពិធីជួបជុំណាមួយ ក្នុងបណ្ដាសាកលវិទ្យាល័យអាមេរិក ឬការចង់ជួបជាមួយបណ្ដាតំណាងមូលដ្ឋានជាដើម ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ