សារជាតិមនុស្សកំហូច!
មន្ត្រីរាជការ ឬបុគ្គលិកក្រុមហ៊ុនឯកជនមួយចំនួននៅក្នុងព្រះរាជាណាចក្រកម្ពុជានាសម័យសាកលភាវូបនីយកម្មនេះបានបង្ហាញអាកប្បកិរិយាផ្សេងៗគ្នា ទៅតាមឋានៈ តួនាទី និងមន្ត្រីសាមញ្ញ ដែលភាគច្រើន
មន្ត្រីរាជការ ឬបុគ្គលិកក្រុមហ៊ុនឯកជនមួយចំនួននៅក្នុងព្រះរាជាណាចក្រកម្ពុជានាសម័យសាកលភាវូបនីយកម្មនេះបានបង្ហាញអាកប្បកិរិយាផ្សេងៗគ្នា ទៅតាមឋានៈ តួនាទី និងមន្ត្រីសាមញ្ញ ដែលភាគច្រើន
មន្ត្រីរាជការ ឬបុគ្គលិកក្រុមហ៊ុនឯកជនមួយចំនួននៅក្នុងព្រះរាជាណាចក្រកម្ពុជានាសម័យសាកលភាវូបនីយកម្មនេះបានបង្ហាញអាកប្បកិរិយាផ្សេងៗគ្នា ទៅតាមឋានៈ តួនាទី និងមន្ត្រីសាមញ្ញ ដែលភាគច្រើននៃការបញ្ចេញចរិតខ្លះត្រូវបានគេមើលឃើញថា ដើម្បីផលប្រយោជន៍សួនតួសុទ្ឋសាធ ។ ទោះបីជាសកម្មភាពនោះប៉ះពាល់ ឬត្រូវធ្វើបាបមន្ត្រីរាជការ ឬបុគ្គលិកដែលបម្រើការងារក្នុងក្រសួងស្ថាប័ន ឬក្រុមហ៊ុនជាមួយគ្នាក្តី ។
កាយវិការ សម្តីសំដៅ អាកប្បកិរិយារបស់មន្ត្រីរាជការ ឬបុគ្គលិកផ្សេងៗគ្នានោះរាប់បញ្ចូលដូចជា ៖ ការឱនលំទោន សម្តីផ្អែមល្ហែមអែបអបនៅចំពោះមុខមេកើយ ឬម្ចាស់ក្រុមហ៊ុន និយាយអេចអូចអុជអាលប្រាប់ថៅកែ ឬមេ អំពីសកម្មភាពការងាររបស់មន្ត្រី ឬបុគ្គលិកណាដែលខ្លួនមិនពេញចិត្ត ។ ចូលចិត្តយក «បុង» មុខមេ និយាយពីអ្នកនេះប្រាប់អ្នកនោះ ជូនសំណែន (សូកលុយ) មេ កាន់ឯកសារសម្ភារឱ្យមេកើយពេលចៅហ្វាយខ្លួនដើរចូលការិយាល័យម្តងៗ និយាយបង្ខូចអ្នកដទៃក្នុងន័យច្រណែនឈ្នានីសជាដើម ។
ជាការពិតនៅមានចរិតមនុស្សច្រើនប្រភេទទៀតនៅក្នុងសង្គមខ្មែរនាពេលបច្ចុប្បន្ន ប៉ុន្តែដោយសារតែពេលវេលានិងទំហំចុះផ្សាយនៅលើសារព័ត៌មានកោះសន្តិភាព ក្នុងនាមពលរដ្ឋខ្មែរម្នាក់ ខ្ញុំសូមនិយាយតែចរិតមន្ត្រីរាជការមួយចំនួនតូចមករិះគន់ក្នុងន័យស្ថាបនា ដែលសូម្បីតែសម្តេតេជោ ហ៊ុន សែន កាលពីព្រឹកថ្ងៃទី១០ មីនា ២០១៥ ក៏បានក្រើនរំលឹកជាថ្មីម្តងទៀតឱ្យមន្ត្រីរាជការកុំយកតួនាទីនិងមុខតំណែងទៅធ្វើជាចៅហ្វាយរបស់ប្រជាជន តែត្រូវបម្រើប្រជាជនដោយភាពស្មោះស ហើយក៏បានជំរុញឱ្យមន្ត្រីរាជការមួយចំនួនដែលមានទម្លាប់ឱនលំទោនចំពោះមុខអ្នកធំ តែចំពោះថ្នាក់ក្រោម និងប្រជាជនដើរពើងទ្រូងត្រូវជម្រុះចរិតនេះចោលផងដែរ ។
តើហេតុអ្វីបានជាមន្ត្រីរាជការមួយចំនួនតូចបែរជាមានចរិតមាយាទរបៀបខាងលើ ?
ទី១-អាចថាជាសារជាតិពីកំណើតរបស់បុគ្គល ។
ទី២-អាចបណ្តាលមកពីកង្វះគុណធម៌ ការអប់រំនិងចំណេះដឹង ។
ទី៣-អាចកើតមកក្នុងត្រកូលអភិជន ឬកូនអ្នកមានលុយ មានអំណាច និងចុងក្រោយអាចបណ្តាលមកពីកត្តាសង្គមរួមផ្សំ ដែលអូសទាញឱ្យមនុស្សមានចរិតប្រភេទខាងលើនេះ ។
ជាការពិតប្រសិនបើមន្ត្រីរាជការមួយចំនួនមានចរិតដូចដែលសម្តេចបានវ៉ៃចំៗកាលពីថ្ងៃទី១០ មីនា នេះ គឺប្រជាពលរដ្ឋខ្មែរមួយចំនួនអាចនឹងទទួលរងគ្រោះនិងឈឺចាប់ដោយសារតែពួកមន្ត្រីអែបអប ឡេមឡឺម ឱនលំទោនចំពោះមុខមេកើយ ឬមន្ត្រីជើង១០ (ជើងតុ៤ ជើងកៅអី៤និងជើងមនុស្ស២) នោះជាមិនខាន និងប៉ះពាល់យ៉ាងធ្ងន់ធ្ងដល់ស្មារតី និងការអភិវឌ្ឍសង្គមជាតិ ។
បើតាមអ្នកវិភាគសង្គមនិងទស្សនៈមួយចំនួន ការកាត់បន្ថយនិងឈានទៅលុបបំបាត់មន្ត្រីរាជការមួយចំនួនតូចដែលមានចរិតខាងលើ វាមិនមែនជាការងាយស្រួលនោះទេ ។ ប៉ុន្តែក៍មិនអាចនិយាយថាធ្វើមិនបាននោះដែរ ព្រោះបើរាជរដ្ឋាភិបាល ជាពិសេសក្រសួង-ស្ថាប័នសាម៉ីមានឆន្ទៈពិតប្រាកដក្នុងការកាត់បន្ថយ ឬលុបបំបាត់ភាពអសកម្មភាពរបស់មន្ត្រីទាំងនោះ ត្រូវតែធ្វើការអង្កេតតាមដាននិងត្រូវហ៊ានកាត់សាច់ស្អុយនោះចេញ ។ បើមិនដូច្នោះទេ សង្គមកម្ពុជាដែលធ្លាប់តែមានប្រពៃណី ទំនៀមទំលាប់ល្អផូរផង់ សេចក្តីថ្លៃថ្នូរ គុណធម៌ វប្បធម៌ និងអរិយធម៌ខ្ពង់ខ្ពស់នោះ និងបន្តអាប់ឱន ដោយសារតែមន្ត្រីរាជការដែលមានចរិតមាយាទខាងលើនេះ ៕ ដោយ ជួប ថា
ចែករំលែកព័តមាននេះ