អាជ្ញាធរក្នុងយុទ្ធសាស្ត្រធ្វើឱ្យភូមិព្រះដាក់ជាភូមិគំរូនៅស្រុកបន្ទាយស្រី
- សៀមរាប
ខេត្តសៀមរាប ៖ លោក ឃឹម ហ្វីណង់ អភិបាលស្រុកបន្ទាយស្រី បានចែកដើមស្លា ដើមយឹតថោ និងដើមឥន្ទនេល សរុបជាង៣០០ដើម…
ខេត្តសៀមរាប ៖ លោក ឃឹម ហ្វីណង់ អភិបាលស្រុកបន្ទាយស្រី បានចែកដើមស្លា ដើមយឹតថោ និងដើមឥន្ទនេល សរុបជាង៣០០ដើម…
ខេត្តសៀមរាប ៖ លោក ឃឹម ហ្វីណង់ អភិបាលស្រុកបន្ទាយស្រី បានចែកដើមស្លា ដើមយឹតថោ និងដើមឥន្ទនេល សរុបជាង៣០០ដើម ជូនដល់អ្នកភូមិព្រះដាក់ ដើម្បីដាំលម្អតាមមុខរបងផ្ទះរបស់ពួកគាត់ដោយខ្លួនឯង ។
លោកអភិបាលស្រុកវ័យក្មេងរូបនេះ បានដឹកនាំក្រុមការងារចុះចែកដើមរុក្ខជាតិទាំង៣ប្រភេទខាងលើជូនដល់អ្នកភូមិព្រះដាក់ ដោយផ្ទាល់ផងដែរ ។
ជាផ្នែកមួយនៃសកម្មភាពអភិរក្សភូមិបុរាណនៅក្នុងតំបន់បេតិកភ័ណ្ឌមួយនេះ ឲ្យរក្សាបាននូវអត្តសញ្ញាណដើមនៃទម្លាប់រស់នៅរបស់ខ្លួនតាមបែបជនបទ និងបង្កើតគុណតម្លៃនៃភាពទាក់ទាញខាងផ្នែកទេសចរណ៍ រដ្ឋបាលស្រុកកំពុងសហការជាមួយអាជ្ញាធរភូមិ ឃុំ សប្បុរសជន អ្នកស្ម័គ្រចិត្តសង្គម និងអ្នកពាក់ព័ន្ធទាំងអស់ ជាពិសេសអ្នកភូមិខ្លួនឯងផ្ទាល់ ដើម្បីប្រែក្លាយភូមិព្រះដាក់ឲ្យទៅជាភូមិគំរូប្រចាំស្រុកបន្ទាយស្រី ។
ចង្កោមសកម្មភាពជាច្រើននៃផែនការ «យុទ្ធសាស្ត្រ ភាពជាគំរូ» កំពុងត្រូវបានយកមកអនុវត្តជាបណ្តើរៗនៅទីនេះ ក្នុងនោះរួមមានការជំរុញឲ្យរស់នៅស្អាត ការស្វ័យគ្រប់គ្រងលើបញ្ហាសំរាម ការតម្រង់ទិសខាងផ្នែកមុខរបរនិងជីវភាព ក៏ដូចជាចលនាប្រឡងប្រណាំងផ្ទះស្អាតជាដើម ។ ការអភិវឌ្ឍមិនទាមទារឲ្យមានទំនើបកម្មគ្រប់ពេលនោះទេ ។
លោកអភិបាលស្រុកថ្លែងថា លោកពិតជាចង់ឃើញអ្នកភូមិព្រះដាក់រឹតតែច្រើនមានមោទនភាពចំពោះអ្វីដែលខ្លួនមាន ស្ញប់ស្ញែងនឹងកេរដំណែលចាស់ និងបង្កើតភាពអស្ចារ្យតាមរយៈការមិនផ្លាស់ប្តូរអត្តសញ្ញាណ ។ បុរាណមិនយឺត សម័យមិនបរទេស គួរតែជាអ្វីដែលអ្នកព្រះដាក់គ្រប់ៗគ្នាតោងធ្វើឲ្យបាន ៕
ចែករំលែកព័តមាននេះ