សហរដ្ឋអាមេរិក ៖ អាជ្ញាធរកាលពីថ្ងៃទី១២ ខែកញ្ញា បានគិតថា ចំនួនអ្នកបាត់បង់ជីវិត ដោយសារភ្លើងឆេះព្រៃដ៏សាហាវ នៅតំបន់ឆ្នេរសមុទ្រខាងលិចនៃសហរដ្ឋអាមេរិក អាចមានកាន់តែច្រើន ខណៈមនុស្សច្រើនសិបនាក់ ត្រូវបង្ខំរត់ភៀសខ្លួនចាកចេញពីផ្ទះសម្បែងពួកគេ ប្រឈមមុខនឹងភ្លើងដែលឆេះរាលដាលដ៏លឿន។
ដោយសារភាពរាំងស្ងួតចាប់តាំងពីច្រើនថ្ងៃមកហើយព្រមទាំងខ្យល់បោកបក់ខ្លាំង ភ្លើងឆេះព្រៃច្រើនសិបកន្លែងដែលកើតមាន ចាប់ពីព្រំដែនកាណាដាដល់ព្រំដែនជាមួយម៉ិកស៊ិកកំពុងតែបន្តខ្លាំងក្លា នៅរដ្ឋវ៉ាស៊ិនតោន អូរីហ្គោននិងកាលីហ្វ័រនីញ៉ា។ អ្នកពន្លត់ភ្លើងជាង២០.០០០នាក់បានខិតខំតតាំងជាមួយភ្លើងព្រៃ។ សរុបមនុស្សយ៉ាងតិច១៦នាក់ហើយបានត្រូវបានបាត់បង់ជីវិតនាសប្ដាហ៍កន្លងទៅ តែគេមិនទាន់អាចវាយតម្លៃពីទំហំពិតប្រាកដនៃការបំផ្លាញ ហើយតំបន់ដ៏ធំនៅមិនទាន់អាចចូលបានផង។
កាលពីថ្ងៃទី១១កញ្ញាលោកANDREW PHELPS នាយកផ្នែកគ្រប់គ្រងគ្រោះមហន្តរាយរដ្ឋអូរីហ្គោនថ្លែងថា យើងគិតថាចំនួនអ្នកបាត់បង់ជីវិតមានកាន់តែច្រើន ហើយយើងនឹងវាយតមៃ្លពីចំនួនផ្ទះ ឬអគារដែលរងការបំផ្លាញ។ ព្រៃឈើជាង៤០០.០០០ហិកតា ត្រូវក្លាយជាចំណីភ្លើងនៅរដ្ឋអូរីហ្គោន ដែលនៅទីនោះមានមនុស្សបាត់បង់ជីវិត៣នាក់ ហើយមនុស្សច្រើនសិបនាក់ទៀតបាត់ដំណឹង។
បណ្ដាតំបន់រងការគំរាមកំហែងក្នុងរដ្ឋនេះទាក់ទិននឹងផ្ទះសរុប៥០០.០០០ខ្នង ហើយមនុស្សជាង៤០.០០០នាក់ត្រូវបានជម្លៀសចេញរួចហើយមកដល់ថ្ងៃទី១១កញ្ញា។
នៅកាលីហ្វ័រនីញ៉ាមនុស្សយ៉ាងតិច១០នាក់បានត្រូវបានបាត់បង់ជីវិតក្នុងអណ្ដាតភ្លើង នាសប្ដាហ៍កន្លងទៅ។ មនុស្ស២នាក់បាត់បង់ជីវិតក្នុងភ្លើងឆេះព្រៃមួយកន្លែងទៀត ដែលបំផ្លាញព្រៃឈើក្នុងតំបន់ដាច់ស្រយាលមួយក្បែរដ្ឋអូរីហ្គោន។
នៅភាគពាយ័ព្យរដ្ឋកាលីហ្វ័រនីញ៉ា ភើ្លងឆេះព្រៃមានឈ្មោះថា AUGUST COMPLEX FIREដែលមានភ្លើងឆេះព្រៃដល់៣៧កន្លែង ប៉ះពាល់ដល់ព្រៃឈើMENDOCINOចាប់តាំងពីថ្ងៃទី១៧សីហាមក ហើយព្រៃឈើជាង៣០០.០០០ហិកតាត្រូវភ្លើងឆេះ។ ភ្លើងឆេះព្រៃ ដែលតាមធម្មតាកើតមានរហូតដល់ខែវិច្ឆិកា នៅមិនទាន់ងាយពន្លត់បាននៅឡើយ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ