សម្រាប់ទឹកដីដ៏ពិសិដ្ឋរបស់ព្រះរាជាណាចក្រកម្ពុជា រដូវប្រាំងគឺជាវេលាដែលមានអាកាសធាតុក្តៅ ចំពោះរថយន្តមួយចំនួនគឺចាំបាច់ត្រូវតែមានការបង្ការការពារឬថែទាំ ដើម្បីធានាបាននៅការរត់លើ
សម្រាប់ទឹកដីដ៏ពិសិដ្ឋរបស់ព្រះរាជាណាចក្រកម្ពុជា រដូវប្រាំងគឺជាវេលាដែលមានអាកាសធាតុក្តៅ ចំពោះរថយន្តមួយចំនួនគឺចាំបាច់ត្រូវតែមានការបង្ការការពារឬថែទាំ ដើម្បីធានាបាននៅការរត់លើដងផ្លូវប្រកបដោយសុទិដ្ឋិនិយម និងមិនឧស្សាហ៍នាំបញ្ហាឱ្យលោកអ្នកអូសវាចូលយានដ្ឋាន ។
ខាងក្រោមនេះគឺជាវិធីថែទាំរថយន្តក្នុងរដូវប្រាំងកុំឱ្យជួបបញ្ហាដូចតទៅ៖
១-ការពារការចតរថយន្តក្រោមកម្តៅថ្ងៃដោយផ្ទាល់ ។ គ្រឿងស្បែកស្រោបនឹងញាត់ចូលក្នុងកៅអីតាប់ទ្បូ និងចង្កូត អាចរងផលប៉ះពាល់ពីពន្លឺព្រះអាទិត្យ បន្ទាប់ពីរថយន្តចតសំដិលហាលថ្ងៃយូរ ។ ដូច្នេះប្រសិនជាលោកអ្នកអនុវត្តការថតបែបនេះ ជាអចិន្ត្រៃយ៍នោះប្រាកដណាស់ផ្នែកខាងក្នុងរថយន្តរបស់អ្នកនឹងមិនអាចស៊ូទ្រាំបានពីកម្លាំងបុកនៃពន្លឺថ្ងៃទ្បើយ វាច្បាស់ជាឆាប់ខូចជាងស្ថានភាពធម្មតា ។
២-ការពារគ្រឿងស្រាបដោយស្បែកទាំងអស់នោះដោយផលិតផលមានគុណភាពខ្ពស់ដែលមានលក់លើទីផ្សារ ។ ព្រោះផលិតផលខ្លះវាអាចបន្ថែមប្រសិទ្ធភាពការពារស្រទាប់គ្រឿងស្បែកទាំងនោះ បានមួយកម្រិត ។
៣-ពិចារណាពីការបិទស្កុតការពារកម្តៅលើកញ្ចក់រថយន្ត ។
៤-ចតរថយន្តនៅកន្លែងម្លប់ ។ បើអាចធ្វើទៅបាននៅពេលថ្ងៃត្រង់ ចូររកទីតាំងណាមួយដែលម្លប់ ហើយចតរថយន្តទីនោះទើបជាការប្រសើរ ។
៥-ពិនិត្យមើលអាគុយរថយន្ត ។ ការហួតទឹកអាគុយហួសប្រមាណអាចកាត់បន្ថយអាយុកាលរបស់វា ។ ប្រសិនជាអាគុយរថយន្តអ្នកជាប្រភេទត្រូវការទឹកអាស៊ីតស្ថិតនៅកម្រិតកំពូលគប្បីបញ្ចូលទឹកបន្ថែមនៅពេលចាំបាច់ ។
៦-ផ្តោតក្រសែភ្នែកអ្នកទៅលើប្រព័ន្ធស្អំម៉ាស៊ីនឱ្យត្រជាក់ ។ ត្រង់ចំណុចនេះអ្នកគួរតែបញ្ចូលចាក់បំពេញទឹក ឬប្រេងបន្ថែមបើចាំបាច់ ហើយក៏កុំព្យាយាមបើកគម្របធុងទឹកពេលរថយន្តកំពុង ឬទើបតែនឹងទ្បើងកម្តៅខ្លាំងឱ្យសោះ ពោលគឺរង់ចាំយ៉ាងហោចក៏មួយម៉ោងដែរ មុនពេលបើកវាពិនិត្យមើល ។
៧-បើកទៅណាមកណា តែនៅពេលមេឃត្រជាក់ទៅបានហើយ ឬមួយក៏អ្នកកំណត់គោលដៅនៅពេលព្រឹកព្រលឹម ឬពេលល្ងាចក៏បាន គ្រានោះវាមិនត្រឹមតែជួយសម្រួលបន្ទុករបស់ម៉ាស៊ីនប៉ុណ្ណោះទេ ថែមទាំងផ្តល់ក្តីរីករាយនិងផាសុកភាពទាំងអ្នកបើកបរ និងអ្នករួមដំណើរទៅទៀតផង ៕
ចែករំលែកព័តមាននេះ