រាជធានីភ្នំពេញ ៖ រួមគ្នាដេីម្បីការពារ និងអភិរក្សសត្វស្លាបនៅកម្ពុជា! ពពិចថ្មខ្មៅចុងខ្នងស Pied Bushchat ជាប្រភេទក្រុមបក្សីដែលរស់នៅតំបន់ទីក្រុង និងជនបទ ហេីយមានវត្តមានពេញមួយឆ្នាំ ។ នេះបើយោងតាមក្រសួងបរិស្ថានបានចេញផ្សាយនាថ្ងៃទី១២ ខែកញ្ញានេះ ។
បក្សីពពិចថ្មខ្មៅចុងខ្នងស មានទំហំ ១៤ សង់ទីម៉ែត្រ ហេីយបក្សីឈ្មោលនៅរដូវបន្តពូជ មានពណ៌ខ្មៅទាំងអស់ ដោយមានឆ្នូត-សនៅលើផ្ទាំងស្លាបនិងចុងខ្នងពណ៌-ស តែបេីនៅរដូវមិនបន្តពូជ ខ្លួនមានពណ៌ត្នោតចាស់ និងមានឆ្នូតស្លាប ចុងខ្នងនិងក្រោមកន្ទុយពណ៌-ស។
ចំពោះបក្សីញីវិញ មានពណ៌ត្នោតក្រម៉ៅដោយចុងខ្នងពណ៌ច្រេះ និងមានដៅឆ្នូតៗលេីផ្ទៃពោះ។ បក្សីប្រភេទនេះរស់នៅតាមតំបន់វាលស្មៅ ព្រៃគុម្ពោត និងតំបន់កសិកម្ម។ ការបន្តពូជបក្សីពពិចថ្មខ្មៅចុងខ្នងស គឺចាប់ពីខែមិនា រហូតដល់ខែមិថុនា ហេីយពងចំនួនពី៣ ទៅ៥គ្រាប់ ៕
ចែករំលែកព័តមាននេះ