ភ្នំពេញ ៖ រាជរដ្ឋាភិបាល ក្រសួងសុខាភិបាល និងក្រសួងទេសចរណ៍ នៅមិនទាន់ចេញប្រកាសឲ្យបើកដំណើរការ ខារ៉ាអូខេ បៀរហ្គាឌិន ក្លឹបកម្សាន្តឡើងវិញទេ ប៉ុន្តែអាចដំណើរបាន លុះត្រាតែប្រែក្លាយជាភោជនីដ្ឋាន ប៉ុន្តែនៅតែមានខារ៉ាអូខេ ក្លឹបកម្សាន្តខ្លះ នៅលួចបើក បំពានលើបម្រាមក្រសួងទេសចរណ៍ ជាក់ស្តែងមានកន្លែងខារ៉ាអូខេមួយ កំពុងតែបើកដំណើរការ ថែមទាំងមានប្រុសៗក្មេងៗ រូបរាងសង្ហា ជាជនជាតិចិន ជាច្រើននាក់ បម្រើការក្នុងទីតាំងនោះ ដែលឈរតម្រងជួរ អោយអ្នកចូលកម្សាន្តក្នុងនោះ យកមកអង្គុយកំដរបានថែមទៀតផង ។
បើយោងតាមគណនីហ្វេសប៊ុកមួយ មានឈ្មោះថា OUN KOKO បង្ហោះវីដេអូ និងសារ នៅម៉ោង១០និង៣៧នាទីយប់ថ្ងៃទី១០ កញ្ញា ២០២០នេះថា «យប់នេះ សុំយកមនុស្សប្រុសវិញម្ដង ហើយសង្ហាខ្លាំងណាស់ យប់នេះ សុំរកក្កីសុខអោយខ្លួនឯងវិញម្ដង ពិភពលោកនេះដូចធ្វើបាបខ្ញុំពេកហើយ ពិបាកសម្រេចចិត្តណាស់ ជួយគិតគ្នាមើល យកមួយណា ទុកមួយណី បើសង្ហារទាំងអស់» ។
ទោះជាយ៉ាងណា ទីតាំងខារ៉ាអូខេលួចបើកបំពានលើបម្រាមនេះ ហើយមានប្រុសៗជនជាតិចិនបម្រើការក្នុងនោះ គេនៅមិនទាន់ដឹងច្បាស់ ទីតាំងនៅកន្លែងណា នៅឡើយទេ ប៉ុន្តែហ្វេសប៊ុក OUN KOKO បានសរសេរថា នៅកំពង់សោម (KPS) ។
វីដេអូ ខាងក្រោមនេះ ត្រូវបានហ្វេសប៊ុក OUN KOKO លុបចោលវិញហើយ ៖
ចែករំលែកព័តមាននេះ