អេស្ប៉ាញ ៖ ក្លិបបាល់ទាត់ FC Barcelona បានប្រកាសពីកាលបរច្ឆេទ រៀបចំការបោះឆ្នោតជ្រើសរើសប្រធានក្លិបថ្មី ដែលនឹងប្រព្រឹត្តិទៅនៅថ្ងៃទី២០-២១ ខែមីនា ឆ្នាំ២០២១។…
អេស្ប៉ាញ ៖ ក្លិបបាល់ទាត់ FC Barcelona បានប្រកាសពីកាលបរច្ឆេទ រៀបចំការបោះឆ្នោតជ្រើសរើសប្រធានក្លិបថ្មី ដែលនឹងប្រព្រឹត្តិទៅនៅថ្ងៃទី២០-២១ ខែមីនា ឆ្នាំ២០២១។
លោក Josep Maria Bartomeu ប្រធានក្លិបបច្ចុប្បន្ន មិនអាចឈរឈ្មោះសម្រាប់ការបោះឆ្នោតលើកនេះបានទៀតទេ បន្ទាប់ពីកាន់តំណែងនេះ២ អាណត្តិជាប់ៗគ្នា។ ដំណឹងនេះ ហាក់ដូចជាបានធ្វើឲ្យអ្នកគាំទ្រ Barcelona មានការសប្បាយរីករាយទៅវិញ បន្ទាប់ពីក្លិបយក្សមួយនេះ បានជួបរឿងរ៉ាវអាក្រក់ៗជាច្រើន អំឡុងពេលចុងក្រោយនៃការដឹកនាំរបស់លោក។ ជាពិសេសគឺជម្លោះរវាងលោក ជាមួយនឹងប្រធានក្រុម Lionel Messi កាលពីពេលថ្មីៗនេះ ដែលបានបង្កឲ្យអ្នកគាំទ្រមានការខឹងសម្បាយ៉ាងខ្លាំង។
សូមរំលឹកថា លោក Josep Maria Bartomeu បានចូលមកកាន់តំណែងជាប្រធានក្លិបលើកទី ៤០ កាលពីថ្ងៃទី ២៣ ខែ មករា ឆ្នាំ ២០១៤។ ក្រោមការដឹកនាំរបស់លោក ក្រុមបាល់ទាត់បុរស Barcelona បានឈ្នះពានរង្វាន់សរុបចំនួន ១៣ ក្នុងនោះរួមមានទាំង La Liga ៤ដង និង Champions League ១លើកផងដែរ៕ (ដកស្រង់ចេញពី AS)
ចែករំលែកព័តមាននេះ