ប្រទេសចិន-ឥណ្ឌា ៖ បន្ទាប់ពីការប៉ះទង្គិចគ្នាមួយចំនួននៅតាមព្រំដែនមក ចិននិងឥណ្ឌា បានព្រមព្រៀងគ្នាក្នុងសេចក្ដីថ្លែងការណ៍រួមមួយ កាលពីថ្ងៃទី១១កញ្ញា សម្រាលភាពតានតឹង នៅព្រំដែនមានជម្លោះក្នុងជួរភ្នំហ៊ីម៉ាឡៃយ៉ា ។
មហាយក្សអាស៊ីទាំង២ទើបប៉ះទង្គិចគ្នាខ្លួនទល់នឹងខ្លួន ត្រង់ចំណុចមួយមានកម្ពស់៤.០០០ម៉ែត្រ ដែលបណ្ដាលឲ្យទាហានឥណ្ឌាបាត់បង់ជីវិតយ៉ាងតិច២០នាក់កាលពីពាក់កណ្ដាលខែមិថុនា។ ហើយកាលពីថ្ងៃទី៨ កញ្ញា ឥណ្ឌា និងចិនប ានទម្លាក់ការទទួលខុសត្រូវដាក់គ្នា ទៅវិញទៅមកចំពោះការផ្ទុះអាវុធមួយនៅព្រំដែន ដែលជាការផ្ទុះអាវុធលើកដំបូងនៅទីនោះចាប់តាំងពីឆ្នាំ១៩៧៥មក។
ក្រោយកិច្ចប្រជុំមួយកាលពីថ្ងៃទី១០កញ្ញានៅក្រុងមូស្គូ រដ្ឋមន្ត្រីការបរទេសចិនលោកវ៉ាងយី និងសមភាគីឥណ្ឌាលោក SUBRAHMANYAM JAISHANKAR បានព្រមព្រៀងធ្វើការរួមគ្នា ដើម្បីសម្រាលសភាពការណ៍។ នេះបើតាមសេចក្ដីប្រកាសរួមមួយចេញផ្សាយដោយក្រសួងការបរទេសនៃប្រទេសទាំង២។
តាមសេចក្ដីប្រកាសនោះថា កងទ័ពប្រទេសទាំង២ដែលមានទីតាំងនៅតាមព្រំដែនត្រូវបន្តចរចាគ្នា ដកថយដោយឆាប់រហ័សពីបណ្ដាតំបន់ប្រទាញប្រទង់គ្នា ថែរក្សាគម្លាតគ្នាសមស្រប និងសម្រាលភាពតានតឹងនៅលើទីលាន។ ឥណ្ឌានិងចិនក៏ព្រមព្រៀងគ្នាដែរ ចៀសវាងបណ្ដាសកម្មភាពដែលអាចធ្វើឲ្យធ្ងន់ធ្ងរដល់សភាពការណ៍។ប្រទេសទាំង២បានចេញផ្សាយរួចហើយរយៈពេលប៉ុន្មានខែចុងក្រោយនេះ បណ្ដាសេចក្ដីថ្លែងការណ៍ប្រហាក់ប្រហែលគ្នានោះ ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ