ដើម្បីរួមចំណែករក្សាសុវត្ថិភាពក្នុងពេលធ្វើដំណើរតាមមធ្យោបាយផ្សេងៗលើដងផ្លូវ កោះសន្ដិភាពសូមលើកយកលក្ខខណ្ឌគួរអនុវត្តពេលជិះម៉ូតូអង្គុយពីក្រោយអ្នកឌុបឱ្យមានសុវត្ថិភាពដូចតទៅ ៖
១-ត្រូវច្បាស់ក្នុងចិត្តថាអ្នកបញ្ជាឬបើកម៉ូតូឌុបអ្នកធ្លាប់បើកឬជិះឌុបគ្នាចាប់ពីពីរនាក់ឡើង ទៅ ។ ការថែមអ្នករួមដំណើរម្នាក់ ឬពីរនាក់ទៀតគឺវាខុសគ្នាពីការបើកបរតែឯង ។
២-ពាក់មួកសុវត្ថិភាពឱ្យបានត្រឹមត្រូវ !
៣-ពាក់ប្រដាប់ការពារផ្ទៃមុខ ឬភ្នែកមួយចំនួនបើអាចធ្វើទៅបាន ។ ពីព្រោះក្នុងពេលបង្កើនល្បឿនពេលខ្លះវាអាចរងពីការប៉ះទង្គិចនឹងសត្វល្អិតចង្រៃហើរបុកភ្នែកក៏ថាបាន ។
៤-ពាក់ស្រោមដៃជានិច្ច ។
៥-ប្រសិនជាម៉ូតូអ្នកអាចសារេបូមបានគឺលៃលកវាតាមសម្រួលនិងឱ្យស្របតាមទម្ងន់ផ្ទុកអ្នករួមដំណើរដែលជិះពីក្រោយ ។
៦-អ្នកឌុបចាំបាច់ត្រូវតែឡើងអង្គុយលើម៉ូតូមុនឬនៅមុខអ្នកជានិច្ច ។
៧-ទុកឱ្យអ្នកបើកម៉ូតូងើបឡើងសម្រួលខ្លួនធាក់បញ្ឆេះម៉ូតូឱ្យបានពេញលេញទើបអ្នកសម្រួលកន្លែងអង្គុយឡើងវិញមុនចេញដំណើរ ។
៨-នៅពេលអ្នកឌុបបម្រុងនឹងផ្អៀងខ្លួនចាក់គួតាមគន្លងផ្លូវពីផ្នែកម្ខាង(ជាទូទៅអ្នកគួរអនុវត្តវាពីផ្នែកខាងឆ្វេង) ។
៩-ដាក់ជើងរបស់អ្នក(ប្រើជើងឆ្វេងប្រសិនស្ថិតក្នុងការផ្អៀងពីឆ្វេងនិងស្ដាំទៅតាមការផ្អៀងខាងស្ដាំ) នៅឈ្នាន់ជាន់ហើយដងខ្លួនក៏ផ្ដេកស្របគ្នាជាមួយនឹងស្ថានភាពបើកលើផ្លូវនោះ ។ ប៉ុន្តែចូរចងចាំថា មិនត្រូវហើបគូទចេញពីកែបម៉ូតូឡើយគឺអនុវត្តដូចគ្នានឹងអ្នកជិះសេះអីុចឹងដែរ ។
១០-ដាក់ជើងម្ខាងទៀតរបស់អ្នកលើឈ្នាន់ជាន់ម្ខាងទៀតហើយអង្គុយឱ្យត្រង់ខ្លួន ។
១១-ដាក់ដៃទាំងសងខាងជុំវិញចង្កេះឬក៏
ត្រគាករបស់អ្នកបើកបរ ។
១២-ប្រាប់អ្នកឌុបថាអ្នកត្រៀមខ្លួននិងប្រុងជើងការរួចស្រេចបាច់ហើយ ។
១៣-នៅពេលធ្វើដំណើរតាមផ្លូវកុំព្យាយាមប្រើដៃធ្វើសញ្ញាឱ្យយានដទៃឱ្យសោះហើយត្រូវធានាថាអ្នកបានយល់ពីបំណងរបស់អ្នកបើកបរគឺលៃយ៉ាងណាឱ្យសីុសង្វាក់គ្នា ។
១៤-នៅពេលឈប់ម៉ូតូចូររក្សាជើងរបស់អ្នកលើឈ្នាន់ឱ្យជាប់ ។ កុំព្យាយាមដកវាចេញពីតំបន់នោះ ពីព្រោះអ្នកអាចប៉ះទង្គិចឬអូសដីហើយវាក៏មិនមែនជាការជួយដល់អ្នកបើកបរដែរ ។
១៥-កុំរក្សាទីតាំងក្បាលរបស់អ្នកជិតឬកៀកជាមួយនឹងអ្នកបើកបរខ្លាំងពេកព្រោះអាចប៉ះទង្គិចគ្នាពេលម៉ូតូបង្អន់ល្បឿន ។
១៦-ក្នុងកម្រិតល្បឿនទូទៅអ្នកបើកបរនឹងមិនអាចស្ដាប់ឮពីអ្វីដែលអ្នកស្រែកខ្លាំងឡើយ ។ ដូច្នេះអ្នកអាចឬគួរតែប្រើដៃទះខ្នងគាត់ប្រសិនជាអ្នកចង់ឱ្យគាត់ធ្វើអ្វីមួយដូចជាការបង្អន់ល្បឿនឬបង្កើនល្បឿនជាដើម ។
១៧-ទុកឱ្យអ្នកបើកបរប្រុងស្មារតីកុំឱ្យអ្នកអង្គុយខាងក្រោយ ធ្វើជាអ្នកបើកបរឱ្យសោះអាចគ្រោះថ្នាក់គ្រប់ពេល ៕
ចែករំលែកព័តមាននេះ