រាជធានីភ្នំពេញ ៖ នគរបាលការិយាល័យព្រហ្មទណ្ឌកម្រិតស្រាលរាជធានីភ្នំពេញ កាលពីព្រឹកថ្ងៃទី១១ កញ្ញា បានធ្វើការបង្ហាញមុខក្រុមជនសង្ស័យជាមុខសញ្ញាបន្លំបើកទ្វាររថយន្តលួចយកទ្រព្យសម្បត្តិប្រជាពលរដ្ឋចំនួន៧នាក់ ដែលក្នុងនោះមាន២ នាក់ ជាអ្នកកាន់កាតសារព័ត៌មាននិងវត្ថុតាងម៉ូតូ៧គ្រឿង ។
ជនសង្ស័យមាន ១-ឈ្មោះ ងី កប ភេទប្រុស អាយុ៣៧ឆ្នាំ មុខរបរ ជាអ្នកបើកបររថយន្ត
២-ឈ្មោះ ហ៊ុន ណាត ភេទប្រុស អាយុ៤៥ឆ្នាំ មុខរបរ កាន់កាត់សារព័ត៌មាន VBN
៣-ឈ្មោះ យិន ធី ហៅ តឿ ភេទប្រុស អាយុ៤២ឆ្នាំ មុខរបរ ជាអ្នកទិញលក់ទូរស័ព្ទ
៤-ឈ្មោះ ឆយ សុផល ហៅ យ៉ាម៉ាហា ភេទប្រុស អាយុ៣៨ឆ្នាំ ជាអ្នករត់ម៉ូតូឌុប
៥-ឈ្មោះ សំ សិលាចិត្រា ភេទប្រុស អាយុ៤៤ឆ្នាំ មុខរបរជាអ្នករត់ម៉ូតូឌុប ៦-ឈ្មោះ សួង ដែន ភេទប្រុស អាយុ៣៦ឆ្នាំ មុខរបរកាន់កាតសារព័ត៌មាន K៩៨ និង៧-ឈ្មោះ ចែម សំណាង ភេទប្រុស អាយុ៣៩ឆ្នាំ មុខរបរ មិនពិតប្រាកដ ។
ពិធីបង្ហាញមុខក្រុមជនសង្ស័យបន្លំបើកទ្វាររថយន្តលួចទ្រព្យសម្បត្តិនោះ ត្រូវបានលោកវរៈសេនីយ៍ឯក ប៊ុន សត្យា នាយការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ បានថ្លែងឲ្យដឹងថា ជនសង្ស័យត្រូវបានកម្លាំងជំនាញព្រហ្មទណ្ឌ ធ្វើការស្រាវជ្រាវ និងឃាត់ខ្លួនជាបន្តបន្ទាប់ កាលពីថ្ងៃទី៩ និងទី១០ ខែកញ្ញា ក្រោយពីពួកគេបានធ្វើសកម្មភាព បន្លំបើកទ្វាររថយន្តលួចយកទ្រព្យសម្បត្តិរបស់ប្រជាពលជាញឹកញ៉ប់កន្លងមក ។
លោក ប៊ុន សត្យា បន្តថា ជនសង្ស័យមានបក្សពួក និងគូកន៧នាក់ ដោយបានបែងចែកជាក្រុម ៗ ចេញធ្វើសកម្មភាពបើកទ្វារបរថយន្តបន្លំលួចទ្រព្យសម្បត្តិប្រជាពលរដ្ឋ ស្ថិតតាមភូមិសាស្ត្រនិមួយៗ ក្នុងរាជធានីភ្នំពេញ ។ តាមចម្លើយសារភាពជនសង្ស័យបានធ្វើសកម្មភាពចំនួន៥ លើក លើកទី១-គាស់ទ្វាររថយន្តម៉ាកឡិចស៊ិសLX៤៧០ពណ៌ស ពាក់ស្លាកលេខ ភ្នំពេញ២R-៨០០៣ របស់មេធាវី កាលពីថ្ងៃទី៤ ខែកក្កដា ឆ្នាំ២ ០២០ នៅម្តុំផ្សារឈូកមាសលួច យកកាបូបម៉ាកLV មានតម្លៃ ២.៣០០ ដុល្លារអាមេរិ សម្ភារមួយចំនួន ទៀត ។
លើកទី២-បើកទ្វារ រថយន្តម៉ាកហ្វដពណ៌ស ពាក់ស្លាកលេខភ្នំពេញ ២.BE (http://%E1%9F%A2.BE) ៦៦៦០ ដែលចតនៅតាមផ្លូវ ស្ថិតក្នុងសង្កាត់និរោធ ខណ្ឌច្បារអំពៅ កាលពីថ្ងៃទី១៩ ខែមេសា ឆ្នាំ ២០២០ ។
លើកទី៣-លួចបន្លំបើកទ្វាររថយន្តនៅម្តុំផ្សារTK កាលពីខែមេសា ឆ្នាំ ២០២០ យកសម្ភារ(ភ្លេចចំនួន) ។
លើកទី៤-បើកទ្វាររថយន្តម៉ាឡិចស៊ិច នៅសង្កាត់ភ្នំពេញថ្មី កាលពីថ្ងៃទី៣១ កក្កដា ឆ្នាំ ២០២០ (យកសម្ភារមិនចាំ) និងលើកទី៥-បើកទ្វាររថយន្តម៉ាកឡិចស៊ីស នៅភូមិស្លែងរលើង សង្កាត់អូបែកក្អម ខណ្ឌសែនសុខ កាលពីថ្ងៃទី៣០ខែ សីហា ឆ្នាំ ២០២០ ក៏មិនចាំច្បាស់ថាបានអ្វីខ្លះដែរ ។ ជាមួយគ្នានេះ សមត្តកិច្ចបានធ្វើការដកហូតម៉ូតូដែលជិះធ្វើសកម្មភាពចំនួន៧គ្រឿង វទ្យុទាក់ទង២គ្រឿង និងសម្ភារពាក់ពន្ធធ្វើសកម្មភាពមួយចំនួនទៀត រួមទាំងកាបូប ជនរងគ្រោះផងដែរ ។
ក្រោយបងពិធីបង្ហាញមុខជនសង្ស័យទាំង៧នាក់ និងវត្ថុតាងត្រូវបានសមត្តកិច្ចកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ដើម្បីចាត់ការតាមផ្លូវច្បាប់ ។ បានកត់សម្គាល់ឃើញថា បន្ទាប់ពីឃាត់ខ្លួនជនសង្ស័យទាំង៧ នាក់ ត្រូវសមត្តកិច្ចកោសក់ចេញទាំងអស់នោះ បើតាមមន្ត្រីនគរបាលអនុវត្តច្បាប់ឲ្យដឹងថា ចាត់ទុកជាការការពារ និងការប្រុងប្រយ័ត្នខ្ពស់របស់សមត្ថកិច្ច ខណៈពេលបញ្ជូនពួកគេទៅតុលាការ បើសិនជាមានការត់គេចវេស ឬរំដោះខ្លួនតាមប្រការណាមួយ (កោសក់ស្រួចចំណាំ) ៕
ចែករំលែកព័តមាននេះ