រាជធានីភ្នំពេញ ៖ បង្គោលថ្ម២ដើម កំពុងធ្វើឱ្យមានការរំខានដល់ការចេញ-ចូលរបស់ម្ចាស់ផ្ទះជាខ្លាំង ក្រោយគេដឹកយកដាក់ផ្តេកចោលរយៈពេល២សបា្តហ៍មកហើយ ស្ថិតត្រង់បណ្តោយផ្លូវជាតិលេខ ភូមិបឹងឈូក សសង្កាត់និរោធ ខណ្ឌច្បារអំពៅ (ជាប់ការ៉ាស់សាំង) ។
យោងតាមម្ចាស់ផ្ទះខាងលើបានឱ្យដឹងថា គាត់មានការហួសចិត្តខ្លាំងណាស់ ពេលមកដល់ផ្ទះឃើញបង្គោលត្រូវគេដាក់បែបនេះ គិតត្រឹមថ្ងៃទី១១ កញ្ញានេះ គឺមានរយៈពេល២សប្តាហ៍ហើយ ។ លោកបានដឹងថា បង្គោលទាំង២នេះជារបស់ខាងមន្ត្រីអគ្គិសនីដែលដឹកយកដាក់ ប៉ុន្តែមិនទាន់បានដំឡើង ។
ម្ចាស់ផ្ទះនិយាយទាំងហួសចិត្តទៀតថា តើថ្ងៃណាគេលើកយកទៅ? ចុះបើគេយកទៅដាក់នៅផ្ទះយើងវិញបែបនេះ តើមានអារម្មណ៍បែបណាដែរ? ។ លោកថា ការដាក់បង្គោលថ្មផ្តេកមុខផ្ទះជាច្រើនថ្ងៃនេះ ខាងគេមិនបានសុំឬក៏ប្រាប់សូម្បី១ម៉ាត់ទេ? ឬក៏គិតថា អាងតែដាក់លើចិញ្ចើមផ្លូវឬ?
ទោះបីជាយ៉ាងណា ម្ចាស់ផ្ទះសូមផ្តាំទៅម្ចាស់បង្គោលទាំង២នេះ សុំឱ្យជួយសម្រួលដកវិញឱ្យបានលឿនផង ព្រោះការដាក់ចោលពិតជាពិបាកចេញ-ចូលផ្ទះខ្លាំងណាស់ ។
ចែករំលែកព័តមាននេះ